Éxodo 14:25 - DIOSPA QHELQACHISQ

²⁵ Chay jawa, Diosqa carretankoj tililinkanta sik'irpayarqa. Chayrayku Egiptomanta soldadokuna manaña ñawpajman riyta aterqankuchu. Jinapi paykuna ninakorqanku: Israelitakunamanta ayqekunachej, imajtinchus Tata Dios paykunaman sayakuspa, noqanchejwan maqanakushan, nispa.

Qheshwa Biblia DC

²⁵ Carrosninkoj ruedasnin urmararqa, umankupis muyusqa jina kajtin manaña ñaupajman riyta aterqankuchu. Chaymanta egipciosqa ninakorqanku: Ayqekunachej israelitaspa ñaupaqenmanta, Señor maqanakushan paykunapaj sayakuspa noqanchejpa contranchejta.

DIOSPA QHELQACHISQAN DEUTEROCANONICAL

²⁵ Chay jawa, Diosqa carretankoj tililinkanta sik'irpayarqa. Chayrayku Egiptomanta soldadokuna manaña ñawpajman riyta aterqankuchu. Jinapi paykuna ninakorqanku: Israelitakunamanta ayqekunachej, imajtinchus Tata Dios paykunaman sayakuspa, noqanchejwan maqanakushan, nispa.

Éxodo 14:25 ပူးပေါင်းရင်းမြစ်များ

Éxodo 14:14

Tata Diosmin qankunarayku maqanakonqa, qankunatajrí ama imamantapis llakikuychejchu, nispa.

Jeremías 51:21

Qanwan caballokunata, jinataj caballopi rejkunatapis wañurachisaj. Qanllawantaj carretakunata phiriykuchisaj, chaypi rejkunatapis wañuchillasajtaj.

Job 20:24

Sichus fierro armamanta ayqenqa chayqa, broncemanta ruwasqa flecha payta jap'irparenqa.

Deuteronomio 3:22

Paykunamanta ama manchachikunkichejchu, imaraykuchus Tata Diosniykichejqa qankunarayku maqanakonqa, nispa.

Amós 9:1

Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Amós 5:19

Chay p'unchay kanqa, imaynachus runa leonmanta ayqekushaspa, jukumariwanñataj tinkuykun, ajina. Chayrí runa wasinman ayqespa perqaman atiykurikojtin, katariñataj khanirparin, ajina.

Salmos 76:6

6 (7) Tata Dios, Jacobpa Diosnin, qan manchaykuchejtiyki, carretakunapis, caballokunapis mana kuyuriyta aterqankuchu.

Salmos 68:12

12 (13) Kuraj kamachejkuna, chantá soldadonkuna ima ayqeshanku, nispa. Wasipi warmikunaqa awqankumanta tukuy ima qhechusqankuta rak'inakusharqanku.

Salmos 46:9

9 (10) Tukuy kay pachapi maqanakuta ch'inyachin. Flecha kacharina arcota, lanzata ima p'akiran, maqanakupaj ruwasqa carretakunatapis ruphaykuchin.

Job 27:22

Chay runata Diosqa mana khuyarikuspa jasut'enqa. Ayqeyta munashaspapis, mana ayqeyta atenqachu.

Job 11:20

Millayta ruwajkunarí qhasillata pipis yanapananta mask'anqanku. Maymanchus pakakunankutapis mana tarenqankuchu. Paykunaqa wañuyllataña suyanqanku, nispa.

Amós 1:14

Chayrayku noqaqa Rabá llajtaj perqanman ninata jap'iykuchisaj, chay ninataj kamachinanku wasita ruphaykonqa, sinch'i maqanaku kashajtin, muyoj wayra kashajtintaj.

Jueces 4:15

Maqanakuman yaykojtinkukamataj, Tata Diosqa pawiracherqa Sísaraj soldadonkunata, jinallataj carretakunapi kajkunatapis. Sisarapis carretanmanta urayk'uspa, chakipi ayqekorqa.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 14:18

Maypachachus noqa faraonta, soldadonkunata, carretapi, caballopi ima purej soldadokunata atipaspa, atiyniyoj kasqayta rikuchisaj chaypachaqa, puchoj Egipto llajtayojkunapis yachallanqankutaj noqamin Tata Dios kasqayta, nispa.

Deuteronomio 32:31

Wajkunaj jark'akojninku chhankaqa mana jark'akuwajninchej chhanka jinachu. Chayta awqanchejkunapis allinta yachanku.

Nehemías 6:16

Awqaykukuna, muyuyniykupi tukuy suyukunapis chayta yachaspa, mayta manchachikorqanku. Chay runaykachasqankupis k'umuykuchisqa karqa, imaraykuchus yacharqanku tukuy ruwasqaykupi Tata Dios yanapawasqaykuta.

Éxodo 15:3

Tata Diosqa sumaj maqanakojmin, sutintaj Tata Diosmin.

Deuteronomio 1:30

Tata Diosniykichej ñawpaqeykichejta rishan, paymin qankunarayku maqanakonqa, imaynatachus qankunarayku Egiptopi maqanakorqa, ajinata.

Josué 10:14

Chay jina jatun p'unchayqa mana jayk'ajpis karqachu, ni qhepamanpis kanqachu, imaraykuchus Tata Diosqa uj runaj mañakusqanta uyarerqa. Ajinata ruwarqa, imajtinchus Tata Diosqa chaypacha israelitakunaman kutikuspa, paykunarayku maqanakorqa.

2 Crónicas 20:29

Israelpa awqankunaj contrankupi Tata Dios maqanakusqanta yachaspa, tukuy suyukunaqa Diosta mayta manchachikorqanku.

Nehemías 4:14

Jinapis mancharikusqankuta reparaspa, kurajkunata, kamachejkunata, tukuy runata ima tantaykorqani. Chantá paykunata nerqani: Ama chay awqanchejkunata manchachikuychejchu. Yuyarikuychej Tukuyta Kamachej Diosninchejqa may jatun, manchachikunataj kasqanta. Maqanakuychej ari llajta masiykichejrayku, wawaykichejrayku, ususiykichejrayku, warmiykichejrayku, wasiykichejrayku ima, nispa.

Nehemías 9:11

Chantá israelitakunaj ñawpaqenkupi mama qochata iskayman t'aqarqanki, chawpintataj ch'akipipuni chimparqanku. Egiptomanta soldadokunatatajrí ukhu qochaman chinkaykucherqanki.

Salmos 35:1

(1b) Tata Dios, contraypi sayaykuwajkunamanta jark'away. Qanmin maqanawankupaj sayaykuwajkunawan maqanakuy.

Isaías 31:4

Tata Dios kay jinata niwarqa: Uj león uñanwan ima ovejata wañuchispa, mayta phiñarikun. Michejkuna mancharichinankupaj tantakuspa mayta qhaparejtinkupis, león mana manchachikunchu. Ajinallatataj Tukuy Atiyniyoj Tata Diosqa Sión orqoman israelitakunaj awqankoj contranta maqanakoj urayk'amonqa.