Éxodo 14:21 - DIOSPA QHELQACHISQ

²¹ Chantá Moisés mama qochanejman makinta oqharerqa. Tata Diostaj tukuy chay tuta inti llojsimuynejmanta sinch'ita wayrachimuspa, mama qochapi yakuta iskayman khallarparerqa. Ajinapi qochaqa iskayman t'aqasqa rikhurerqa, pampantaj ch'akiman tukorqa.

Qheshwa Biblia DC

²¹ Moisesqa mar qochanejman makinta oqharerqa, Señortaj tukuy chay tuta inti llojsimuynejmanta sumajta wayrachimuspa yakuta iskayman khallarparerqa. Ajinamanta mar qochaqa iskayman ukhu wayq'o jina khallerparikuspa, chay cheqa ch'akiman tukorqa.

DIOSPA QHELQACHISQAN DEUTEROCANONICAL

²¹ Chantá Moisés mama qochanejman makinta oqharerqa. Tata Diostaj tukuy chay tuta inti llojsimuynejmanta sinch'ita wayrachimuspa, mama qochapi yakuta iskayman khallarparerqa. Ajinapi qochaqa iskayman t'aqasqa rikhurerqa, pampantaj ch'akiman tukorqa.

Éxodo 14:21 ပူးပေါင်းရင်းမြစ်များ

Isaías 63:12

Maypitaj kashan pichus jatun atiyninta Moisesta yanapananpaj churarqa, chayri? Maytaj kunan pichus israelitakunaj ñawpaqenkupi yakuta iskayman t'aqarqa, chayri? Ajinamanta Tata Diosqa atiyniyoj kasqanta wiñaypaj rikucherqa.

Éxodo 15:8

Mama qochata kallpawan phukuspa, yakuta iskayman t'aqarqanki. Yaku oqharikusqanpis perqa jina sayarqa. Mama qochaj sonqonpi yakupis tikayarparerqa.

Salmos 66:6

Mama qochata ch'aki jallp'aman tukucherqa, ñawpa tatanchejkunataj jatun mayuta chakipi chimparqanku. Chayrayku chaypi ruwasqanmanta kusikunachej.

Isaías 51:10

Manachu qan mama qochapi chay chhika ukhu yakuta ch'akicherqanki? Chaypitaj uj ñanta kicharerqanki, chayninta kacharichisqayki israelitakuna chimpanankupaj.

Salmos 78:13

Mama qochata iskayman khallarqa, perqata jina yakuta sayachispa, chaynintataj paykunata chimpacherqa.

Salmos 74:13

Qan atiyniykiwan mama qochata t'aqarqanki. Chay mama qochapi jatuchaj sierpekunaj umankutapis qanllataj p'akerqanki.

Nehemías 9:11

Chantá israelitakunaj ñawpaqenkupi mama qochata iskayman t'aqarqanki, chawpintataj ch'akipipuni chimparqanku. Egiptomanta soldadokunatatajrí ukhu qochaman chinkaykucherqanki.

Josué 4:23

Tata Diosniykichej kay Jordán mayupi yakuta sayacherqa, chayninta chimpanaykichejpaj, imaynatachus Puka Mama Qochatapis chayninta chimpanaykichejpaj ch'akicherqa, ajinata.

Salmos 136:13

Puka Mama Qochata iskayman khallajta pachis nillaychejtaj, imaraykuchus munakuynenqa wiñay wiñaypajmin.

Éxodo 14:16

Qantajrí varaykita oqharispa, makiykita mama qochanejman aysariy. Jinata ruwajtiykitaj, mama qocha iskayman t'aqakonqa, israelitakuna chayninta ch'aki pampata jina chimpanankupaj.

Isaías 51:15

Noqamin Tata Diosniyki kani, suteyqa Tukuy Atiyniyoj Tata Dios. Noqamin mama qochata sinch'ita qhollchoqeyachini, jinataj pata patata oqharichini.

Job 26:12

Payqa mama qochata atiyninwan kuyuchin, mama qochapi Rajab nisqa sierpetapis yachayninwan atipan.

Hechos 7:36

Moisés israelitakunata kacharichispa, may t'ukuna imakunata, runaj mana jayk'aj rikusqanta ima Egiptopi ruwarqa. Chantá Puka Mama Qochanejta, ch'innejta ima tawa chunka wata junt'ata pusarqa.

Génesis 8:1

Diosqa Noemanta, jinallataj jatun barcopi kasharqanku, chay animalkunamantapis khuyarikorqa. Chayrayku pay kay pachaman wayrachimorqa, yakutaj ch'akiyta qallarerqa.

Éxodo 7:19

Chantá Tata Dios Moisesta nillarqataj: Niy Aaronta, yaku yawarman tukunanpaj varanta jap'ispa oqharinanta mayukunaman, wayq'okunaman, qochakunaman, yaku jallch'anaman, jinataj tukuy imapichari yaku tiyan, chaynejman. Ajinata ruwajtintaj, tukuy Egiptopi yakoqa yawarman tukonqa, k'ullumanta chayrí rumimanta yaku jallch'anapi kachunpis, nispa.

Éxodo 14:20

Chay jinapi phuyoqa Egipto llajtayojkunaj chantá israelitakunaj chawpinkupi rikhurerqa. Chaypachataj phuyoqa Egiptomanta soldadokunata laqhayaykorqa, israelitakunatatajrí k'ancharqa. Chayrayku Egiptomanta soldadokuna chay tuta mana israelitakunaman qayllaykuyta aterqankuchu.

Josué 2:10

Noqayku uyariyku, Egiptomanta llojsimushajtiykichej, Puka Mama Qochapi yakuta Tata Dios ch'akichisqanta, chayninta qankuna chimpanaykichejpaj. Yachallaykutaj qankunaqa amorreo runakunaj iskaynin kuraj kamachejninkuta, Sijonta chantá Ogtawan atipaspa chinkarparichisqaykichejta. Paykunaqa Jordán mayu chimpapi karqanku.

Josué 3:17

Tukuynin israelitakunaqa Jordán mayuta ch'aki pampata jina chimparqanku. Tata Diospa trato ruwasqan arcata apaj sacerdotekunataj tukuy chimpanankukama mayu chawpipi ch'aki pampapi jina sayarqanku.

2 Reyes 2:8

Chantá Elías ponchonta jina qhatananta jap'ispa suk'aytawan, mayuta wajtarqa, wajtasqantawankamataj mayupi yaku iskayman t'aqarparikorqa. Jinataj paykunaqa ch'aki pampata jina mayuta chimparqanku.

Isaías 23:11

Tata Dios mama qocha pataman makinta oqharerqa, jinataj tukuy suyuta kharkatiticherqa. Canaanpi sumaj perqakunawan jark'achasqa llajtakunatapis thuñinankuta kamacherqa.

Isaías 43:16

Noqa Tata Dios aylluyta nini: Noqa mama qochaj chawpinta khallaspa, uj ñanta kicharerqani, manchana jina yakoj chawpintataj uj ñanta kicharerqani.

Isaías 50:2

Imaraykutaj jamuspa, mana pitapis tariparqanichuri? Imaraykutaj wajyashajtiypis, mana pipis kutichiwarqachuri? Ima kajtinpis, manachu atiyman kacharichiytari? Manañachu atiyneyqa kasqa paykunata kacharichinaypaj? Ujta nispalla, mama qochata ch'akichini, mayukunatapis ch'aki pampaman tukuchini. Chaypi kaj challwakunapis yakumanta jina wañuraspa, asnanku.

Isaías 63:13

Maytaj kunan pichus mama qochaj ukhunta pusaykachajri? Imaynatachus caballo ch'in pampapi mana misk'anchu, ajinallatataj paykuna mana misk'arqankuchu.

Habacuc 3:8

Tata Diosníy, mayukunaj contranpichu phiñakunki? Mama qochaj contranpichu lawrarishajta phiñakushanki? Chayraykuchu caballoykikunaman lloq'aykunki, maqanakupi atipaj carretaykikunamanpis?

Job 38:24

K'anchayqa kay pachaman imaynatataj junt'arinri? Imaynatataj inti llojsimuynejmanta wayra kay pachaman junt'aykunri?

Salmos 148:8

Illapa, chijchi para, rit'i, phuyupis, kamachisqanta junt'aj sinch'i wayrapis,

Isaías 44:27

Noqaqa mama qochata ch'akichiyta atini, jinallataj mayukunatapis.