Éxodo 14:14 - DIOSPA QHELQACHISQ

¹⁴ Tata Diosmin qankunarayku maqanakonqa, qankunatajrí ama imamantapis llakikuychejchu, nispa.

Qheshwa Biblia DC

¹⁴ Qankunaqa ama chaymanta llakikuychejchu, Señorlla cuentaykichejmanta maqanakonqa.

DIOSPA QHELQACHISQAN DEUTEROCANONICAL

¹⁴ Tata Diosmin qankunarayku maqanakonqa, qankunatajrí ama imamantapis llakikuychejchu, nispa.

Éxodo 14:14 ပူးပေါင်းရင်းမြစ်များ

2 Crónicas 20:15

Chantá Jahazielqa nerqa: Allinta uyariychej Judapi, Jerusalenpi tiyakojkuna, qanpis kuraj kamachej Josafat. Tata Dios nisunkichej: Chay chhika soldadokunata rikuspa, ama manchachikuychejchu, nitaj kharkatitiychejchu, imaraykuchus kay maqanakoqa mana qankunajtachu, manachayqa Diospatamin.

2 Crónicas 20:17

Manamin qankunachu maqanakunkichej. Chaynejpi mana kuyurispa sayaychej, rikunkichejtaj imaynatachus Tata Dios qankunata yanapasonqachej, chayta. Jerusalenpi, jinataj Judapi tiyakojkuna, ama manchachikuychejchu, nitaj kharkatitiychejchu. Q'ayapacha rispa, contrankupi sayaykuychej, imaraykuchus Tata Dios qankunawan kanqa, nispa.

2 Crónicas 20:29

Israelpa awqankunaj contrankupi Tata Dios maqanakusqanta yachaspa, tukuy suyukunaqa Diosta mayta manchachikorqanku.

Nehemías 4:14

Jinapis mancharikusqankuta reparaspa, kurajkunata, kamachejkunata, tukuy runata ima tantaykorqani. Chantá paykunata nerqani: Ama chay awqanchejkunata manchachikuychejchu. Yuyarikuychej Tukuyta Kamachej Diosninchejqa may jatun, manchachikunataj kasqanta. Maqanakuychej ari llajta masiykichejrayku, wawaykichejrayku, ususiykichejrayku, warmiykichejrayku, wasiykichejrayku ima, nispa.

Nehemías 4:20

Chayrayku maypichari cornetata waqajta uyarinkichej, chayman yanapanawaykupaj tantakamunkichej, Diosninchejtaj noqanchejrayku maqanakonqa, nispa.

Nehemías 9:11

Chantá israelitakunaj ñawpaqenkupi mama qochata iskayman t'aqarqanki, chawpintataj ch'akipipuni chimparqanku. Egiptomanta soldadokunatatajrí ukhu qochaman chinkaykucherqanki.

Salmos 35:1

(1b) Tata Dios, contraypi sayaykuwajkunamanta jark'away. Qanmin maqanawankupaj sayaykuwajkunawan maqanakuy.

Salmos 50:3

Diosninchejqa mana ch'inllamantachu jamushan. Ñawpaqenta sinch'i q'olaj nina jamushan, muyuynintataj sinch'i para.

Salmos 83:1

1 (2) Diosníy, ama ch'inlla kakuychu, ama ari ni imata ruwaspa ch'inlla kaychu.

Éxodo 14:15

Chantá Tata Dios Moisesta nerqa: Imaraykutaj yanapanayta mañakushawankiri? Israelitakuna ñawpajman puririnankuta niy.

Éxodo 14:25

Chay jawa, Diosqa carretankoj tililinkanta sik'irpayarqa. Chayrayku Egiptomanta soldadokuna manaña ñawpajman riyta aterqankuchu. Jinapi paykuna ninakorqanku: Israelitakunamanta ayqekunachej, imajtinchus Tata Dios paykunaman sayakuspa, noqanchejwan maqanakushan, nispa.

Éxodo 15:3

Tata Diosqa sumaj maqanakojmin, sutintaj Tata Diosmin.

Isaías 30:15

Tukuyta Kamachej Tata Dios, Israelpa May Llimphu Kaj Diosnin ajinata Israelta nin: Kutirikamuwaychej qhespichisqa kanaykichejpaj, noqapitaj atinikuychej. Ajinapi mana phutikuspalla, tukuy sonqo atinikuspataj kallpata jap'inkichej, nispa. Qankunatajrí chayta mana munarqankichejchu.

Lamentaciones 3:26

Tata Diospa yanapayninta ch'inllamanta suyanaqa may sumaj.

Deuteronomio 1:30

Tata Diosniykichej ñawpaqeykichejta rishan, paymin qankunarayku maqanakonqa, imaynatachus qankunarayku Egiptopi maqanakorqa, ajinata.

Deuteronomio 20:4

imaraykuchus Tata Diosniykichejqa qankunawan kashan. Payqa awqaykichejwan maqanakuspa, atipanaykichejpaj yanapasonqachej, nispa.

Deuteronomio 3:22

Paykunamanta ama manchachikunkichejchu, imaraykuchus Tata Diosniykichejqa qankunarayku maqanakonqa, nispa.

Josué 10:10

Tata Diostaj amorreokunata maytapuni musphacherqa, Israel soldadokunata rikusqankurayku. Ajinata Josueqa soldadonkunawan khuska Gabaonpi ashkha amorreo soldadokunata wañucherqanku. Chaymantaqa Bet Joronman wicharej ñannejta paykunata qhatiykorqanku, chantá Azecakama, Macedakama ima amorreokunata wañuchispa rillarqankupuni.

Josué 10:14

Chay jina jatun p'unchayqa mana jayk'ajpis karqachu, ni qhepamanpis kanqachu, imaraykuchus Tata Diosqa uj runaj mañakusqanta uyarerqa. Ajinata ruwarqa, imajtinchus Tata Diosqa chaypacha israelitakunaman kutikuspa, paykunarayku maqanakorqa.

Josué 10:42

Ajinata Josueqa ujllapi jallp'ankuta jap'ikaporqa, imaraykuchus Israelpa Tata Diosnin israelitakunaman kutikuspa, paykunarayku maqanakorqa.

Josué 23:10

Qankunamanta ujnillaykichej 1.000 runakunata ayqechiyta atin, imaraykuchus nisqanman jina Tata Diosmin qankunarayku maqanakushan.

Josué 23:3

Qankunaqa Tata Diosniykichej qankunarayku kay llajtayojkunawan imatachus ruwasqanta rikorqankichej. Tata Diospuni qankunarayku maqanakorqa.

Jueces 5:20

Janajmantapacha ch'askakunapis Sísaraj contranpi maqanakorqanku.

1 Samuel 4:7

Filisteokunaqa mancharikuspa, nerqanku: Dios jarankuman chayamun. Ay, noqanchejqa imapichus parasunpis. Manamin ujtapis ajina pasawarqanchejchu.