Éxodo 14:13 - DIOSPA QHELQACHISQ

¹³ Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Qheshwa Biblia DC

¹³ Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

DIOSPA QHELQACHISQAN DEUTEROCANONICAL

¹³ Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Éxodo 14:13 ပူးပေါင်းရင်းမြစ်များ

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 46:3

Chantá Dios payta nerqa: Noqa Dios kani, tataykej Diosnin. Egiptoman riyta ama manchachikuychu. Chaypi mirayniykita mirachispa, noqa ashkha runayoj jatun suyuman tukuchisqayki.

Génesis 49:18

Tata Diosníy, suyani qan qhespichinawaykita.

2 Reyes 6:16

Eliseotajrí nerqa: Ama mancharikuychu, imaraykuchus noqanchejwan kajkunaqa aswan ashkha kanku paykunawan kajkunamanta nisqaqa, nispa.

1 Crónicas 11:14

payqa tarpusqa chawpipi sayaykuytawan, filisteokunawan maqanakuspa atipaykorqa. Ajinata Tata Diosqa filisteokunata atipaykunanpaj yanaparqa.

2 Crónicas 20:15

Chantá Jahazielqa nerqa: Allinta uyariychej Judapi, Jerusalenpi tiyakojkuna, qanpis kuraj kamachej Josafat. Tata Dios nisunkichej: Chay chhika soldadokunata rikuspa, ama manchachikuychejchu, nitaj kharkatitiychejchu, imaraykuchus kay maqanakoqa mana qankunajtachu, manachayqa Diospatamin.

2 Crónicas 20:17

Manamin qankunachu maqanakunkichej. Chaynejpi mana kuyurispa sayaychej, rikunkichejtaj imaynatachus Tata Dios qankunata yanapasonqachej, chayta. Jerusalenpi, jinataj Judapi tiyakojkuna, ama manchachikuychejchu, nitaj kharkatitiychejchu. Q'ayapacha rispa, contrankupi sayaykuychej, imaraykuchus Tata Dios qankunawan kanqa, nispa.

Nehemías 9:9

Qanqa ñawpa tataykukuna imaynatachus Egiptopi ñak'arisqankuta rikorqanki, Puka Mama Qocha kantupipis qhaparikamususqankuta uyarerqanki.

Salmos 3:8

8 (9) Tata Diosníy, qanllamin yanapawayta atinki. Aylluykitataj saminchay ari.

Salmos 68:21

21 (22) Diosninchejqa awqankunaj umankuta p'altanqa, pikunachus juchallispallapuni purinku, chaykunajta.

Salmos 78:53

Ama manchachikunankupaj paykunata waqaychaspa pusarqa, awqankutatajrí mama qocha p'ampaykorqa.

Salmos 91:8

Cheqatapuni kikin ñawiykiwan rikunki millayta ruwajkuna ruwasqankuman jina jasut'isqa kanankuta.

Éxodo 14:30

Ajinata Tata Dios chay p'unchay Egipto soldadokunaj makinmanta israelitakunata kacharicherqa. Israelitakunataj Egiptomanta soldadokunata mama qocha kantupi wañusqataña rikorqanku.

Éxodo 20:20

Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

Isaías 26:3

Tata Dios, pichus qanpi sonqonta churajta sonqon tiyaykunanta ruwanki, imaraykuchus pay qanpipuni atinikun.

Isaías 30:15

Tukuyta Kamachej Tata Dios, Israelpa May Llimphu Kaj Diosnin ajinata Israelta nin: Kutirikamuwaychej qhespichisqa kanaykichejpaj, noqapitaj atinikuychej. Ajinapi mana phutikuspalla, tukuy sonqo atinikuspataj kallpata jap'inkichej, nispa. Qankunatajrí chayta mana munarqankichejchu.

Isaías 35:4

Manchachikojkunamantaj niychej: Kallpachakuychej, amataj manchachikuychejchu. Qhawariychej, Diosniykichej jamushan awqanchejkunata ñak'arichispa, ruwasqankuman jina pagachikunanpaj, kacharichinawanchejpajtaj, nispa.

Isaías 43:11

Noqamin Tata Dios kani, noqamanta jawataj mana waj qhespichejpis kanchu, nispa.

Isaías 7:4

Jinaspataj, payta niy: Allinta qhawakuy, amataj llakikuychu. Ama manchachikuychu, nitaj q'ewakuychu chay iskay q'oshñillajña k'aspikunamantaqa: Siriata kuraj kamachej Resín, Remaliaspa churin Pecaj ima, chaykunamanta.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Lamentaciones 3:26

Tata Diospa yanapayninta ch'inllamanta suyanaqa may sumaj.

Oseas 1:7

Judá suyumantarí khuyakusaj. Tata Diosninku jina noqa paykunata kacharichisaj mana maqanakuwanchu, nitaj flechawanchu, nitaj espadawanchu, nillataj caballokunapi purejkunawanchu, nispa.

Oseas 13:4

Tata Dios nin: Noqa Tata Diosniyki kani, Egipto suyupi kashasqaykimantapacha. Ama pitapis Diosniykita jina rejsikapuychu, manachayqa noqallata. Noqallamin Qhespichejniyki kani.

Oseas 13:9

Israel, qanta phirisqayki, imaraykuchus yanapasojniykej contranpi kanki.

Habacuc 3:13

Qan aylluykita yanapaj llojsimunki, jinallataj ajllakusqayki kamachejta yanapanki. Millay runaj wasinpa qhatantapis qan phirerqanki, cimientontapis ura k'uchunkama rikhuricherqanki.

Habacuc 3:8

Tata Diosníy, mayukunaj contranpichu phiñakunki? Mama qochaj contranpichu lawrarishajta phiñakushanki? Chayraykuchu caballoykikunaman lloq'aykunki, maqanakupi atipaj carretaykikunamanpis?

Números 14:9

Jinaqa ama Tata Diospa contranta oqharikuychejchu, amataj chay llajtayojkunamanta manchachikuychejchu. Paykunataqa manaraj imapi atipasun. Paykunamanta jark'akojqa mana pipis kanchu. Noqanchejwanrí Tata Dios kashan. Chaynejta ama manchachikuychejchu, nispa.

San Mateo 28:5

Jinapi angelqa chay warmikunata nerqa: Ama manchachikuychejchu. Noqa yachani Jesusta mask'ashasqaykichejta, pichus cruzman chakatasqa karqa, chayta, icharí?

Deuteronomio 20:3

Israelitakuna, uyariychej: Kunan awqaykichejwan maqanakoj rinkichej. Ama iskayrayankichejchu, amataj manchachikunkichejchu, nitaj kharkatitinkichejchu, nillataj q'ewakunkichejchu,

1 Samuel 11:13

Saultajrí nerqa: Kunan mana pipis wañuchisqa kanqachu, Israel suyuta Tata Dios kacharichisqanrayku, nispa.

1 Samuel 12:16

Sumajta uyariwaychej: Kunan Tata Diospa t'ukuna ruwasqanta kikin ñawiykichejwan rikunkichej.