Éxodo 14:12 - DIOSPA QHELQACHISQ

¹² Egiptollapiraj kashaspa, qanta nerqayku: Egipto llajtayojkunaj wata runanku kaspa, walejlla kashayku. Noqaykupaj paykunaj wata runanku kana aswan allin ch'inpi wañunaykumanta nisqaqa, nispa.

Qheshwa Biblia DC

¹² Chayrayku qanta nerqayku Egiptollapiraj kashaspa: Saqewayku egipciospa kamachisnin kajta, nispa. Noqaykupajqa walej kanman karqa egipciospa kamachisnin kanayku, kay ch'in pampapi wañunaykumantaqa.

DIOSPA QHELQACHISQAN DEUTEROCANONICAL

¹² Egiptollapiraj kashaspa, qanta nerqayku: Egipto llajtayojkunaj wata runanku kaspa, walejlla kashayku. Noqaykupaj paykunaj wata runanku kana aswan allin ch'inpi wañunaykumanta nisqaqa, nispa.

Éxodo 14:12 ပူးပေါင်းရင်းမြစ်များ

Salmos 106:7

Tataykukunaqa Egiptopi t'ukuna imakunata ruwasqaykita pisipaj qhawarqanku. Mana tukukuyniyoj khuyakuyniykimanta qonqapuspa, Puka Mama Qocha qayllapi contraykipi oqharikorqanku.

Éxodo 13:17

Maypachachus faraón israelitakunata kachariporqa chaypacha, Filistea suyunejta pasaj ñan aswan qaylla karqa. Chaywanpis, Dios mana paykunata chaynejtachu pusarqa, imajtinchus pay nerqa: Sichus israelitakuna contrankupi maqanakoj llojsimojta rikunkuman chayqa, mancharikuspa, Egiptoman kutiripuyta munankuman, nispa.

Éxodo 3:9

Noqaqa israelitakunaj qhaparikusqankuta uyarini, chantá rikullanitaj Egipto llajtayojkuna paykunata maytapuni ñak'arichisqankuta.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Éxodo 6:9

Chantá Moisés israelitakunaman chay tukuyta willarqa. Paykunatajrí mana kasuta ruwarqankuchu, imaraykuchus wata runa jina sinch'i ruwanapi kaspa, sonqonku p'akisqa kasharqanku.

Oseas 4:17

Efrainqa lantita yupaychayman qokapun. Chayrayku saqellaychej jina purejta.

Jonás 4:3

Chayrayku kunanqa, Tata Dios, mañakuyki wañuchinawaykita. Astawan allin kanman wañupunay kawsanaymantaqa, nispa.

Jonás 4:8

Inti llojsimuytataj Tata Dios sinch'i q'oñi wayrata inti llojsimuynejmanta wayrachimorqa. Jinapi intej ruphaynin Jonaspa umanta sinch'ita k'ajaykorqa, chayraykutaj Jonaspa yuyaynin chinkanayarqa. Paytaj wañuyta munaspa, nerqa: Astawan allin kanman wañupunay, kawsanaymanta nisqaqa, nispa.

Marcos 1:24

Nazaretmanta Jesús, ima nispa noqaykuwan jap'inakoj jamunkiri? Noqaykuta tukuchejchu jamunki? Noqa yachani pichus kasqaykita. Qanqa Diospa May Llimphu Kaj Ajllakusqan kanki, nispa.

Marcos 5:7

Sinch'ita qhaparispataj, nerqa: Jesús, Patapi Kaj Diospa Churin, imá ruwanayki tiyan noqawanri? Diospa sutinpi mañakuyki ama ñak'arichinawaykita, nispa.