Éxodo 13:12 - DIOSPA QHELQACHISQ

¹² qankuna Tata Diosman tukuy kuraj kaj churiykichejta qopunkichej, jinallataj tukuy uywaykichejkunamanta phiwi uñanmanta orqo kajtawan. Tukuy chaykunaqa Tata Diospata kanqa.

DIOSPA QHELQACHISQAN DEUTEROCANONICAL

¹² qankuna Tata Diosman tukuy kuraj kaj churiykichejta qopunkichej, jinallataj tukuy uywaykichejkunamanta phiwi uñanmanta orqo kajtawan. Tukuy chaykunaqa Tata Diospata kanqa.

Éxodo 13:12 ပူးပေါင်းရင်းမြစ်များ

Nehemías 10:36

Jinallataj nerqayku Diospa Templonman apanaykuta kuraj kaj qhari wawaykukunata, wakakunaj, ovejakunaj phiwi uñantapis, sacerdotekunaj ñawpaqenman sayarichinaykupaj kamachisqa kasqanman jina.

Nehemías 10:37

Jinallataj nerqayku Diosniykoj Templonpi jallch'ana wasiman sacerdotekunapaj apanaykuta chajraykumanta ñawpaj kaj poqoyta, ñawpaj kaj poqoymanta jak'uta, huertaykumanta ñawpaj kaj poqoyta, vinomanta, aceitemanta ima. Chantá levitakunaman apanaykuta nillarqaykutaj, tukuy chajra poqoykunamanta sapa chunkamanta ujta, imaraykuchus paykuna chayta sapa llajtaykupi tantananku karqa.

Éxodo 13:1

Tata Dios Moisesta nerqa:

Éxodo 13:2

Tukuy kuraj kaj qhari wawakunata noqapaj t'aqapuwankichej. Israelitakunamanta tukuy kuraj kaj churikuna, jinallataj uywamanta tukuy phiwi uñakuna noqajtamin kanqanku, nispa.

Éxodo 22:28

28 (27) Ama Diospa contranpi rimankichu, nitaj pichus llajtaykita kamachejta maldicinkichu.

Éxodo 22:29

29 (28) Chajra poqoyta oqharisqaykimanta, jinataj vinota ruwasqaykimanta ofrenda qonawaykita ama qonqankichu. Jinallataj kuraj kaj churiykitapis qopullawankitaj.

Éxodo 34:19

Tukuy kuraj kaj qhari wawaqa noqajta kanqa. Jinallataj wakamanta, ovejamanta phiwi uña, orqo kajtenqa, noqajllatataj kanqa.

Éxodo 34:20

Munaspaqa burroj phiwi uñaj cuentanmanta uj corderota chayrí uj chivituta qonkichej. Manachus kacharichinkichej chayrí, burro uñata kunkanmanta q'ewispa wañuchinkichej. Tukuy kuraj kaj churiykichejpa cuentanmantarí preciota pagaspa kacharichinaykichej tiyan. Manapuni pipis noqaman ch'usaj makillaqa jamuwanqachu.

Ezequiel 16:20

Jinallataj noqapaj rejsisqayki warmi wawakunata, chantá qhari wawakunatapis lantikunaman qaraykorqanki. Qanpaj khuchi warmiman tukusqayki pisichu karqa?

Ezequiel 44:30

Tukuy ima ñawpaj kaj poqoykunamanta, chantá israelitakuna apamuspa jaywasqanku ima, chay tukoyqa sacerdotekuna mikhunankupaj kanqa. Jinallatataj t'antata ruwaspaqa, israelitakuna aswan allin kajninta Temploman apamonqanku. Ajinata ruwajtinku, wasinkupi ni imamanta pisenqankuchu.

Levítico 27:26

Tukuy uywakunaj phiwi uñanqa Tata Diospata kanku. Phiwi uña kasqanrayku, mana pipis chaytaqa Tata Diosman qonanpaj t'aqayta atenqachu. Waka uñapis, chayrí oveja uñapis kachun, chayqa Tata Diospataña.

Números 18:15

Jinallataj israelitakuna kuraj kaj churinkuta, jinataj uywankoj phiwi uñanta t'aqaspa, noqapaj apamuwasqankoqa qanpaj kanqa. Chaywanpis kuraj kaj churinkuta, ch'ichipaj qhawasqa uywakunaj phiwi uñanta ima qolqeta pagaspa, kacharichinankuta ninki.

Números 3:12

Tukuy israelitakunamanta levitakunata ajllakorqani. Paykunata sapa ayllupi kuraj kaj churikunaj cuentanmanta ajllakuni. Chayrayku paykunaqa noqajta kanku.

Números 3:13

Tukuy kuraj kaj qhari wawakunaqa noqajtamin kanku. Maypachachus Egipto llajtayojkunaj kuraj kaj churinkukunata wañuracherqani chaypacha, israelitakunaj kuraj kaj churinkukunata, jinallataj uywakunaj phiwi uñankutapis noqapaj ajllakorqani. Chayrayku chaykunaqa noqajta kanku. Noqamin Tata Diosqa kani, nispa.

Números 8:17

Israelitakunaj tukuy kuraj kaj churinkukunaqa noqajtamin kanku. Ajinallataj tukuy uywankukunaj phiwi uñankunapis noqajllatataj kanku. Maypachachus Egipto llajtayojkunaj kuraj kaj churinkukunata wañuracherqani chaypacha, noqa paykunata ajllakorqani.

San Lucas 2:23

Chayta junt'arqanku, Tukuyta Kamachej Diospa kamachisqanpi nisqaman jina: Tukuy kuraj kaj qhari wawa Tata Diospaj t'aqasqa kanqa, nispa.

Deuteronomio 15:19

Tukuy phiwi orqo uñata, wakamanta, ovejamanta ima Tata Diosniykiman qonaykipaj t'aqanki. Phiwi torillota ama llank'achinkichu, amallataj phiwi corderoj millmanta ruthunkichu.