Éxodo 12:3 - DIOSPA QHELQACHISQ

³ Qankuna tukuy israelitakunata ninkichej: Kay killamanta chunka kaj p'unchaypi sapa wasi ayllu uj corderota, chayrí chivota t'aqaychej. Sapa ayllupaj uj uywa kachun.

Qheshwa Biblia DC

³ Qankuna parlaychej israelitasman, ajinata: Kay killapi chunka día kashajtin, sapa ujniykichej ñak'aychej uj allinnin kaj corderota sapa ayllupi, chaytaj kachun sapa wasipi.

DIOSPA QHELQACHISQAN DEUTEROCANONICAL

³ Qankuna tukuy israelitakunata ninkichej: Kay killamanta chunka kaj p'unchaypi sapa wasi ayllu uj corderota, chayrí chivota t'aqaychej. Sapa ayllupaj uj uywa kachun.

Éxodo 12:3 ပူးပေါင်းရင်းမြစ်များ

Génesis 22:8

Abrahamtaj kuticherqa: Wawáy, Diosmin q'olachinanchejpaj corderota qowasunchej, nispa. Chantá iskayninku rillarqankupuni.

Génesis 4:4

Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

2 Crónicas 35:7

Chantá Josiasqa kapuyninmanta chaypi kashajkunaman qorqa ovejakunata, corderokunata, cabrakunata ima, Pascua raymita ruwanankupaj. Tukuyninpi 30.000 uywakunata qorqa, 3.000 torillokunatawan.

Éxodo 12:2

Kunanmanta qankunapaj kay killaqa maypaj qhawana killa kanqa, wata qallariy killa.

Éxodo 12:21

Chantá Moisesqa israelitakunamanta tukuy kurajkunata tantachispa, nerqa: Rispa, sapa wasi ayllupaj uj watayoj corderota, chayrí watayoj chivituta jap'ispa, Pascua raymita ruwanaykichejpaj ñak'ankichej.

Éxodo 12:4

Sichus uj wasipi pisilla kasqankurayku, mana corderota mikhuspa tukunankupaj jinachu kankuman chayqa, wasi masillanwan khuskachakuchun. Corderotaqa mashkhachá kasqankuman jina rak'inakuchunku, sapa runa mashkhatachus mikhuyta yachasqanman jina.

Éxodo 12:6

T'aqasqaykichej uywataqa kay killamanta chunka tawayoj p'unchaykama wisq'aspa, jap'inkichej. Chantá chay p'unchayta inti yaykuykushajtin, tukuy israelitakuna chay uywata ñak'ankichej.

Éxodo 14:15

Chantá Tata Dios Moisesta nerqa: Imaraykutaj yanapanayta mañakushawankiri? Israelitakuna ñawpajman puririnankuta niy.

Éxodo 20:19

Chantá Moisesta nerqanku: Qanlla parlawayku, noqaykutaj kasusqayku. Sichus Dios noqaykuwan parlanman chayqa, wañuykumanchari, nispa.

Éxodo 4:30

Aarontaj paykunaman willarqa, Tata Dios imatachus Moisesman nisqa, chay tukuyta. Moisestaj Diospa kamachisqanman jina, kurajkunaj rikunankuta t'ukunapaj jina señalkunatapis ruwallarqataj.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Ezequiel 40:1

Babiloniaman apasqa kasqaykumanta iskay chunka phishqayoj wataña kashajtin, wata qallariy killata chunka p'unchayninpi, Tata Dios makinwan llankhaykuwarqa. Chantá Jerusalenman pusawarqa. Chayqa Jerusalenta jap'isqankumanta chunka tawayoj wataña karqa.

Levítico 1:2

Israelitakunata niy: Qankunamanta pipis Tata Diosman jaywananpaj apamuspaqa, wakata, chayrí ovejata apamunaykichej tiyan.

Levítico 5:6

Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.

Números 15:11

Ajinata sapa torillowan, sapa carnerowan, sapa corderowan, chayrí sapa cabrawan ruwankichej.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

San Juan 1:36

Juantaj chaynejpi Jesusta purishajta rikuspa, nerqa: Rikuychej, Diospa Corderon kaypi kashan, nispa.

San Juan 12:1

Pascua raymipaj sojta p'unchayraj kashajtin, Jesús Betaniaman rerqa. Chaypi Lázaro tiyakorqa, pitachus Jesús wañusqamanta kawsarichisqa, chay.

San Juan 12:12

Ashkha runa Jerusalén llajtaman Pascua raymiman rerqanku. Q'ayantintaj Jesús Jerusalenman chayananta yachaspa,

1 Corintios 5:7

Chayrayku qankunamanta chay ñawpa levadurata wijch'uychej, mosoj masa jina kanaykichejpaj. Ajinamanta qankuna mana levadurayoj t'anta jina kankichej. Cristopis, Pascuapi ñak'ana Cordero jina juchanchejrayku wañunña.

Josué 7:14

Q'aya, jatun ayllumanta sapa ayllu chimpamunkichej. Chantá mayqen ayllutachá noqa nisaj, chay ayllumanta sapa wasi ayllu chimpamonqa. Mayqen toldotachá noqa nisaj, chay toldomanta sapa qhari chimpamonqa.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

1 Samuel 7:9

Chantá Samuelqa ñuñoj corderitota jap'ispa ñak'aytawan, tukuyninta Tata Diospaj ruphacherqa. Chaymantataj Tata Dios yanapananta mañaporqa, Tata Diostaj mañakusqanta uyarerqa.