Éxodo 12:29 - DIOSPA QHELQACHISQ

²⁹ Jinapi chawpi tutata Tata Diosqa Egipto llajtayojkunaj tukuy kuraj kaj churinkunata wañuracherqa. Wañucherqa faraonpa kuraj kaj churin, pichus kamachinan tiyanapi tiyaykunan karqa, chaymanta, carcelpi wisq'asqa kasharqa, chaypa kuraj kaj churinkama. Jinallataj tukuy uywakunaj phiwi uñantapis wañuchillarqataj.

Qheshwa Biblia DC

²⁹ Khuskan tutata Señorqa Egiptopi wañuracherqa sapa wasipi egipciospa kuraj wawasninkuta, tronopi tiyasharqa chay faraompa kuraj wawanta, presochasqa runa carcelpi kasharqa chaynintimpata, jinallataj tukuy uywasninkoj phiwi uñasnintapis.

DIOSPA QHELQACHISQAN DEUTEROCANONICAL

²⁹ Jinapi chawpi tutata Tata Diosqa Egipto llajtayojkunaj tukuy kuraj kaj churinkunata wañuracherqa. Wañucherqa faraonpa kuraj kaj churin, pichus kamachinan tiyanapi tiyaykunan karqa, chaymanta, carcelpi wisq'asqa kasharqa, chaypa kuraj kaj churinkama. Jinallataj tukuy uywakunaj phiwi uñantapis wañuchillarqataj.

Éxodo 12:29 ပူးပေါင်းရင်းမြစ်များ

Génesis 15:14

Qhepanejmanrí noqa wata runaman tukuchej suyumanta llajtayojkunata ñak'arichisaj, mirayniykitaj chaymanta manchay qhapaj llojsimonqanku.

Job 34:20

Runakunaqa uj ñawi ch'irmiyllapi wañunku. Chawpi tuta kashajtin, paykuna mayta ch'ajwanku, chantá chinkapunku. Atiyniyoj runapis ni pej imanasqallan chinkachisqa rikhurin.

Salmos 105:36

Jinallataj Diosqa Egipto llajtayojkunaj tukuy kuraj kaj churinkukunata wañucherqa, sapa ayllumanta manchay munasqa kajta.

Salmos 135:8

Jinallataj Tata Dios Egiptopi sapa wasi ayllupi kuraj kaj qhari wawata wañucherqa, uywakunamantapis phiwi uñakunata.

Salmos 136:10

Tukuy Egipto llajtayojkunaj kuraj kaj churinkukunata wañuchejta pachis niychej, imaraykuchus munakuynenqa wiñay wiñaypajmin.

Salmos 78:50

Phiñakuyninta patankuman kachaykorqa, manataj wañuchisqa kanankumanta paykunata kacharicherqachu. Aswanpis paykunata wañuchisqa kanankupaj jaywaykorqa.

Salmos 78:51

Egiptopi kuraj kaj churikunatapis wañurachillarqataj, ajinataj Campa mirayninpa kuraj kaj churinkunata tukucherqa.

Éxodo 11:1

Chantá Tata Dios Moisesta nerqa: Uj llakiytawanraj faraonman, Egipto llajtayojkunaman ima kachaykamusaj. Chay ñak'ariy pasaytaraj kacharipusonqachej. Kikin faraonpuni kaymanta wijch'usonqachej.

Éxodo 12:12

Chay ch'isi noqaqa tukuy Egipto suyuta pasasaj, chantá Egipto llajtayojkunaj tukuy kuraj kaj churinkunata, jinallataj tukuy uywankukunaj phiwi uñantapis wañuchisaj. Ajinata ruwaspa, Egiptoj tukuy diosninkunata castigasaj. Noqa Tata Diosmin chayta nini.

Éxodo 12:28

Chantá israelitakuna rispa, tukuy imata ruwarqanku Tata Dios imatachus Moisesman, Aaronman ima kamachisqanman jina.

Éxodo 13:15

Faraón sonqonta rumiyachispa, mana kacharipuyta munawarqaykuchu. Chayrayku Tata Diosqa Egipto llajtayojkunaj tukuy kuraj kaj churinkukunata wañucherqa, jinallataj uywankukunaj phiwi uñankutapis wañuchillarqataj. Chayrayku uywaj phiwi orqo uñankuta Tata Diosman jaywanchej. Jinallataj kuraj kaj churiykuta kacharichinaykupaj Diosman preciota pagayku, nispa. Ajinata wawaykichejkunaman ninkichej.

Éxodo 4:23

Ña niykiña, yupaychanawanpaj churiyta kacharinaykita, qantajrí mana rinanta munashankichu. Chayrayku noqaqa kuraj kaj qhari wawaykita wañuchisaj, nispa.

Éxodo 9:6

Q'ayantinpacha Tata Dios nisqanta ruwarqa. Jinataj Egiptopi tukuy uywakuna wañurarqanku. Israelitakunaj uywankunamantarí ni ujpis wañorqachu.

Isaías 24:22

Ujllaman tantaykuspa, paykunata wisq'aykonqa, chaypitaj wisq'asqa qhepakonqanku. Unaymanta orqhomuspatajrí, paykunata jasut'enqa.

Isaías 41:11

Chantá qanta tukuy chejnisojkunaqa p'enqachisqa, k'umuykuchisqataj kanqanku. Qanwan maqanakojkunaqa manapis kankumanchu jina wañuchisqa kanqanku.

Isaías 51:14

Carcelpi ñak'arichisqa kajqa usqhayllata kacharichisqa kanqa. Mana carcelpi wañonqachu, nillataj yarqhaymantapis ch'ayñanqachu.

Jeremías 38:13

Chantá chay runakuna Jeremiasta pujyumanta orqhorqanku. Chaymantataj Jeremías kuraj kamachejpa wasinta qhawajkunaj pationllapiña presochasqa qhepakorqa.

Jeremías 38:6

Chantá paykuna Jeremiasta jap'iytawan, kuraj kamachejpa ayllunmanta kaj churin Malquiaspa pujyunman wijch'uykorqanku. Chay pujyoqa kuraj kamachejpa wasinta qhawajkunaj pation chawpipi karqa, chaymantaj Jeremiasta waskhawan wataykuspa urayk'ucherqanku. Chay pujyupi mana yaku kasqachu, manachayqa t'urulla, chaypitaj Jeremías t'uruman chinkaykorqa.

Habacuc 3:5

Paypa ñawpaqenta millay wañuchej onqoykuna purinku, chay qhepantataj k'ajaj onqoypis chayamullantaj.

Zacarías 9:11

Tata Dios kayta nin: Jerusalén, yawarwan tratota ruwasqanchejrayku, pikunachus presochasqa kaspa mana yakuyoj ukhu t'oqoman wijch'uykusqa karqanku, chaykunata chaymanta orqhosaj.

Números 3:13

Tukuy kuraj kaj qhari wawakunaqa noqajtamin kanku. Maypachachus Egipto llajtayojkunaj kuraj kaj churinkukunata wañuracherqani chaypacha, israelitakunaj kuraj kaj churinkukunata, jinallataj uywakunaj phiwi uñankutapis noqapaj ajllakorqani. Chayrayku chaykunaqa noqajta kanku. Noqamin Tata Diosqa kani, nispa.

Números 33:4

Chaykamataj Egipto llajtayojkunaqa Tata Dios tukuy kuraj kaj churinkuta wañurachisqanta p'ampasharqanku. Chayta ruwaspataj, Tata Dios Egipto llajtayojkunaj diosninkuta p'enqaypi rikhuricherqa.

Números 8:17

Israelitakunaj tukuy kuraj kaj churinkukunaqa noqajtamin kanku. Ajinallataj tukuy uywankukunaj phiwi uñankunapis noqajllatataj kanku. Maypachachus Egipto llajtayojkunaj kuraj kaj churinkukunata wañuracherqani chaypacha, noqa paykunata ajllakorqani.

Hebreos 11:28

Chaymanta qhepaman Moisesqa Diospi atinikusqanrayku Pascua raymita ruwarqa, kamacherqataj israelitakuna wasinkoj punkunkuta yawarwan ch'ajchunankuta, wañuchej ángel kuraj kaj churinkuta ama wañurachinanpaj.

Hebreos 12:23

Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.