Éxodo 12:19 - DIOSPA QHELQACHISQ

¹⁹ Qanchis p'unchayta wasiykichejpi mana levadura kananchu tiyan. Sichus pipis levadurayojta imatapis mikhunman chayqa, pay israelitakuna ukhumanta wijch'usqa kanqa, Israel llajtayoj kachun, chayrí waj llajtayojpis.

Qheshwa Biblia DC

¹⁹ Chay qanchis diapi levaduraqa mana wasiykichejpi kanqachu. Sichus mayqen levadurayojta mikhonqa chayqa, israelita ukhumanta wijch'usqa kanqa, kikin llajtayoj kajpis, chayri karu llajtayoj kajpis.

DIOSPA QHELQACHISQAN DEUTEROCANONICAL

¹⁹ Qanchis p'unchayta wasiykichejpi mana levadura kananchu tiyan. Sichus pipis levadurayojta imatapis mikhunman chayqa, pay israelitakuna ukhumanta wijch'usqa kanqa, Israel llajtayoj kachun, chayrí waj llajtayojpis.

Éxodo 12:19 ပူးပေါင်းရင်းမြစ်များ

Éxodo 12:15

Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Éxodo 12:20

Chayrayku levadurayojta amapuni imatapis mikhunkichejchu. Maypi tiyakushaspapis, mana levadurayoj t'antata mikhunkichej, nispa. Ajinata Tata Dios Moisesta nerqa.

Éxodo 12:43

Chaypacha Tata Dios Moisesta, Aarontawan ima nerqa: Kaymin Pascuata ruwanamanta kamachisqakuna. Pascuapi mikhunaykichej aychata mana waj llajtayoj runa mikhonqachu.

Éxodo 12:48

Sichus qankunawan tiyakoj waj llajtayojqa Tata Diospaj Pascua raymita ruwayta munanman chayqa, ayllunpi tukuy qhari circuncidachikunanku tiyan. Chaypacharaj Pascua raymita ruwayta atenqa, imajtinchus circuncidasqaqa llajta masiykichejman tukonqa. Mana circuncidasqa kajrí, Pascuapi mikhuna aychamanta manapuni mikhuyta atenqachu.

Éxodo 13:3

Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 13:7

Qanchis p'unchayta mana levadurawan ruwasqa t'antata mikhunkichej. Chaypachataj tukuy llajtaykichejkunapi mana levadura kananchu tiyan, ni levadurawan ruwasqa t'antapis.

Éxodo 23:15

Mana Levadurayoj T'anta raymita ruwankichej. Imaynatachus nisusqayman jina, qanchis p'unchayta mana levadurayoj t'antata mikhunkichej. Chaytaqa Aviv killapi mikhunkichej, imaraykuchus chay killapi Egiptomanta llojsimorqankichej. Amataj pipis noqaman ch'usaj makilla jamuwanqachu.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

Éxodo 34:18

Kamachisqayman jina Mana Levadurayoj T'anta Mikhuna raymita ruwankichej. Qankunaqa qanchis p'unchayta mana levadurayoj t'antata ruwaspa mikhunkichej. Chay raymeqa sapa wata Aviv killapi kanqa, imajtinchus qankunaqa Egiptomanta Aviv killapi llojsimorqankichej.

Levítico 23:5

Wata qallariy killapi, chunka tawayoj p'unchay ch'isiyaykushajtin, Tata Diospa sutinpi Pascua raymita ruwankichej.

Números 9:13

Chaywanpis sitajchus pipis llimphupaj qhawasqa kashaspa, nitaj ñan puriypipis kashaspa, Pascuata mana ruwanmanchu chayqa, Israel ayllu ukhumanta chinkachisqa kachun. Chay kikin p'unchaypi Tata Diosman jaywanata mana jaywasqanrayku, chay runa juchachasqa kanqa.

Deuteronomio 16:3

Uywa ñak'asqaj aychantaqa mana levadurayoj t'antatawan mikhunkichej. Mana levadurayoj t'antata qanchis p'unchayta mikhunkichej, imaraykuchus chay t'anta niyta munan “ñak'ariy t'anta”. Qankunaqa Egiptomanta usqhay usqhayta llojsimorqankichej, chayrayku kawsanaykichejkama mayk'ajchus Egiptomanta llojsimusqaykichejta yuyarikunkichej.