Éxodo 10:9 - DIOSPA QHELQACHISQ

⁹ Moisestaj kuticherqa: Noqaykoqa juch'uy wawaykukunawan, machu runaykukunawan, churiykukunawan, ususiykukunawan, ovejaykukunawan, wakaykukunawan ima rinayku tiyan. Tukuyniykupuni rinayku tiyan, imaraykuchus Tata Diospa sutinpi jatun raymita ruwanayku tiyan, nispa.

Qheshwa Biblia DC

⁹ Moisestaj kuticherqa: Noqaykoqa llojsipunayku tiyan tukuy wawasniykuwan, machu runasniykuwan, qhari wawasniykuwan, warmi wawasniykuwan, ovejasniykuwan, wakasniykuwan ima; imaraykuchus noqaykupajqa may jatun p'unchay, chaypi ruwanayku tiyan uj fiestata Señorniykuman.

DIOSPA QHELQACHISQAN DEUTEROCANONICAL

⁹ Moisestaj kuticherqa: Noqaykoqa juch'uy wawaykukunawan, machu runaykukunawan, churiykukunawan, ususiykukunawan, ovejaykukunawan, wakaykukunawan ima rinayku tiyan. Tukuyniykupuni rinayku tiyan, imaraykuchus Tata Diospa sutinpi jatun raymita ruwanayku tiyan, nispa.

Éxodo 10:9 ပူးပေါင်းရင်းမြစ်များ

Génesis 50:8

Jinallataj Jacobpa tukuy ayllun, Josejpa ayllun, wawqenkuna ima paywan rerqanku. Gosenpeqa wawakunallata, chantá uywakunatawan imalla saqerqanku.

Éxodo 10:10

Chantá faraón Moisesta, Aarontawan ima nerqa: Ajá, qankunaqa ima mana allin kajta ruwayta yuyashankichej. Tata Dios qankunawan kashanman chaypis, qankunata, wawaykichejkunantinta mana kachariykichejmanchu.

Éxodo 10:26

Jinallataj tukuy uywaykukunaqa noqaykuwan rinanku tiyan. Mana ujpis qhepakonqachu, imaraykuchus Tata Diosniykuta yupaychanaykupaj chaykunamanta wakinta ajllanayku tiyan. Jaqayman chayanaykukama, manaraj yachaykuchu mayqen uywatachus Tata Diosman jaywanaykuta, nispa.

Éxodo 12:32

Jinallataj ovejaykichejta, wakaykichejtapis qhatikapuychej, chantá usqhayllata ripuychej. Chantá noqaraykupis Diosmanta mañapuwaychej, nispa.

Éxodo 12:37

Israelitakunaqa Ramesés llajtamanta puririspa, Sucotman rerqanku. Mana wawakunata yupaspa, tukuyninpi 600.000 qharikuna maqanakuman rinankupaj jina karqanku.

Éxodo 12:38

Paykunawan khuska tukuy imaymana may chhika runakunapis llojsillarqankutaj. Jinallataj paykuna may chhika ovejankukunata, wakankukunata ima qhatiriykukuspa, riporqanku.

Éxodo 13:6

Qankuna mana levadurayoj ruwasqa t'antataqa qanchis p'unchayta mikhunkichej, qanchis kaj p'unchaypitaj Tata Diospaj raymita ruwankichej.

Éxodo 3:18

Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Éxodo 5:1

Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

Éxodo 5:3

Chantá Moisés, Aaronwan ima nerqanku: Diosniykoqa noqayku hebreokunaman rikhuriwarqayku. Chayrayku ch'innejman kinsa p'unchay puriyta rinayku tiyan, chaypitaj uywa ñak'asqata q'olachispa, Tata Diosman jaywamusqayku. Manachus Tata Diosman jaywaykuman chayqa, ichapis pay onqoywan, chayrí espadawan wañuchiwaykuman, nispa.

Proverbios 3:9

Tukuy kapuyniykiwan Tata Diosta jatunchay, jinallataj chajraykej ñawpaj kaj poqoyninwan ima.

Eclesiastés 12:1

Waynapis, sipaspis kashaspa, pichus ruwasoj Diosniykimanta yuyarikuy. Manaraj mana allin p'unchaykuna chayamushajtin, chay watakunapitaj qan niwaj: Kay kawsayqa mana kusikunaypaj jinachu, nispa.

Números 29:12

Qanchis kaj killapi, chunka phishqayoj p'unchaypi Diosta yupaychanaykichejpaj tantakunkichej. Chay p'unchayqa ruwanaykichejmanta amapuni ni imata ruwankichejchu. Qanchis p'unchaynintinta Tata Diospaj jatun raymita ruwapunkichej.

Efesios 6:4

Qankunarí tata, mama, ama wawaykichejta phiñachiychejchu. Manachayqa paykunata uywaychej cheqan ñanman churaspa, jinataj Tukuyta Kamachej Jesuspa munasqanman jina yachachispa.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.