Éxodo 10:3 - DIOSPA QHELQACHISQ

³ Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Qheshwa Biblia DC

³ Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

DIOSPA QHELQACHISQAN DEUTEROCANONICAL

³ Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 10:3 ပူးပေါင်းရင်းမြစ်များ

1 Reyes 18:21

Chantá Eliasqa tukuy runaman chimpaykuspa, nerqa: Mayk'ajkamataj iskayrayaspa kankichejri? Sichus Tata Diosqa cheqa kaj Dios kanman chayqa, payta qhatiychej. Baal cheqa kaj dios kajtinrí, paypa ruwananpi kaychej, nispa. Runakunatajrí mana imatapis kuticherqankuchu.

1 Reyes 21:29

Rikunkichu Ajabqa k'umuykamuwasqanta? Mana allinta ruwasqanmanta noqaman kutirikamuwasqanrayku, kawsanankama mana nisqay llakiyta apachimusajchu. Manachayqa churin kuraj kamachej kajtin, chay llakiyta tukuy mirayninman apachimusaj, nispa.

2 Reyes 22:19

Chantá kay llajta jinataj chaypi tiyakojkuna maldicisqa kanankuta, chantá ch'inman tukuchisqa kanankuta nisqayrayku, sonqoykita wawayachispa ñawpaqeypi k'umuykorqanki, jinallataj p'achaykita llik'irakuspa waqarqanki. Chayta noqa uyariyki, nispa Tata Diosqa nisunki.

2 Crónicas 33:12

Chaymanta Manasesqa sinch'i ñak'ariypi kashaspa, ñawpa tatankukunaj Tata Diosninman mayta k'umuykukuspa qhaparikorqa.

2 Crónicas 33:19

Diosmanta mañakusqan, Dios payta uyarisqan, tukuy juchallisqan, Diosta qhesachasqan, loma patapi lanti wasikunata jatarichisqan, jinataj maykunapichus churarqa Asera lantikunata, waj lantikunatawan, manaraj Diosman k'umuykushaspa, tukuy chaykunamantaqa Diosmanta sut'inchajkunaj qhelqankupi qhelqasqa kashan.

2 Crónicas 34:27

sonqoykita wawayachispa, noqaman k'umuykamuwarqanki, kay cheqaj contranpi, kaypi tiyakojkunaj contrankupiwan, imakunatachus nisqayta uyarispa. Ñawpaqeyman k'umuykamuwarqanki, p'achaykita llik'ikuspataj, ñawpaqeypi waqarikorqanki. Chayrayku noqapis mañakuwasqaykita uyarillaykitaj, nispa. Noqa Tata Diosniyki nishayki:

2 Crónicas 7:14

sichus ajllakusqay aylluy k'umuykuspa, tukuy sonqo mañakamuwanman, sajra kawsayninta saqespataj mask'awanman chayqa, noqaqa janaj pachamantapacha uyarimusaj, juchantataj pampachasaj, jallp'antapis allinyachisaj.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

Éxodo 10:4

Manapunichus kacharipuyta munanki chayqa, q'ayapacha phinki phinkikunata tukuy Egiptoman kachaykamusaj.

Éxodo 16:28

Chayrayku Tata Dios Moisesta nerqa: Mayk'ajkamataj qankuna kamachisqayta, yachachisqayta ima mana kasuyta munankichejchuri?

Éxodo 4:23

Ña niykiña, yupaychanawanpaj churiyta kacharinaykita, qantajrí mana rinanta munashankichu. Chayrayku noqaqa kuraj kaj qhari wawaykita wañuchisaj, nispa.

Éxodo 5:1

Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

Éxodo 9:17

Chaywanpis qanqa aylluypa contranpi churanakushankiraj, manataj paykunata kachariyta munashankichu.

Proverbios 1:22

Qankuna, kawsay imachus kasqanta mana yachajkuna, mayk'ajkamataj ajinallapuni kayta munankichejri? Alqochakojkuna, mayk'ajkamataj asikuspa kusirikunkichejri? Wampukuna, mayk'ajkamataj yachayta chejninkichejri?

Proverbios 1:24

Noqa wajyarqaykichej, qankunatajrí mana uyariyta munarqankichejchu. Makiyta jaywashajtiypis, qankuna mana rikoj tukorqankichej.

Proverbios 18:12

Pichus runaykachajpaj qhepaman llakiylla jamonqa. Llamp'u sonqo runarí qhepaman allinpaj qhawasqa kanqa.

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 13:18

Kuraj kamachejman, jinataj qoyamanpis kay jinata niy: Kamachinaykichej tiyanakunamanta urayk'uspa, pampapi tiyakuychej, imaraykuchus umaykichejta k'achancharqa, chay pilluykichejqa urmanña, nispa.

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Ezequiel 5:6

Jerusalenrí kamachisqaypa contranpi, nisqaypa contranpi ima oqharikorqa. Paypa ruwasqanqa astawan millaypuni karqa muyuyninpi kaj llajtakunaj, chantá suyukunaj ruwasqankumanta nisqaqa, imaraykuchus nisqayta, kamachisqaytawan mana kasuspa, qhesacharqapuni, nispa.

Daniel (hebreo) 5:22

Qantajrí, kuraj kamachej Belsasar, Nabucodonosorpa churin kashaspa, tataykiwan imachus kasqanta yacharqanki. Chaywanpis mana k'umuykorqankichu.

Números 14:27

Mayk'ajkamataj israelitakuna contraypi millayta rimasqankuta awantasajri? Paykuna noqaj contrayta rimasqankuta uyarini.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

Santiago 4:10

Aswanpis Tukuyta Kamachej Diosman k'umuykuychej, paytaj jatunchasonqachej.

1 Pedro 5:6

Chayrayku Tukuy Atiyniyoj Diospa makinpi kaspa k'umuykuychej, paytaj qankunata jatunchana p'unchay chayamojtin, qankunata jatunchaspa pataman oqharisonqachej.