Éxodo 10:23 - DIOSPA QHELQACHISQ

²³ Sinch'i laqha kasqanrayku, kinsa p'unchayta mana pipis rikunakorqankuchu, nitaj pipis, maypichus kasharqa, chaymanta kuyurerqachu. Chaywanpis maypichus israelitakuna tiyakusharqanku, chayllapi k'anchay karqa.

Qheshwa Biblia DC

²³ Jinamanta ni pipis rikorqachu, nitaj rikunakorqankuchu, manataj pipis kuyurerqachu maypichus kasharqa chaymanta kinsa día junt'ata. Israelitas kasharqanku chaypeqa mana jinachu karqa, k'anchayqa kallarqapuni wasisninkupi.

DIOSPA QHELQACHISQAN DEUTEROCANONICAL

²³ Sinch'i laqha kasqanrayku, kinsa p'unchayta mana pipis rikunakorqankuchu, nitaj pipis, maypichus kasharqa, chaymanta kuyurerqachu. Chaywanpis maypichus israelitakuna tiyakusharqanku, chayllapi k'anchay karqa.

Éxodo 10:23 ပူးပေါင်းရင်းမြစ်များ

Éxodo 14:20

Chay jinapi phuyoqa Egipto llajtayojkunaj chantá israelitakunaj chawpinkupi rikhurerqa. Chaypachataj phuyoqa Egiptomanta soldadokunata laqhayaykorqa, israelitakunatatajrí k'ancharqa. Chayrayku Egiptomanta soldadokuna chay tuta mana israelitakunaman qayllaykuyta aterqankuchu.

Éxodo 7:25

Tata Dios, Nilo mayupi yakuta yawarman tukuchisqanqa qanchis p'unchayña karqa.

Éxodo 8:18

18 (14) Jinallataj Egiptomanta yatirikunapis yachasqankuwan usata rikhurichiyta munallarqankutaj, manataj aterqankuchu. Usaqa tukuy runaman, jinallataj uywakunamanpis junt'aykorqa.

Éxodo 8:19

19 (15) Chayrayku yatirikunaqa faraonta nerqanku: Kayqa Diospa ruwasqan, nispa. Faraontajrí, Tata Diospa nisqanman jina, astawan sonqonta rumiyacherqa, manataj Moisesta Aarontawan ima kasorqachu.

Éxodo 8:22

22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Éxodo 9:26

Chaywanpis Gosenman, maypichus israelitakuna tiyakusharqanku, chaynejmanqa mana chijchi para chayarqachu.

Éxodo 9:4

Chaywanpis Tata Diosqa israelitakunaj uywankuta Egipto llajtayojkunaj uywankumanta t'aqanqa. Chayrayku israelitakunaj uywankumanta ni ujpis wañonqachu.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Amós 4:7

Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.

Colosenses 1:13

Diosqa laqhayaypi kamachejpa atiyninpi kawsashasqanchejmanta orqhospa, munasqa Churinpa kamachiyninman churawarqanchej.

Josué 24:7

Ñawpa tataykichejkunataj yanapanayta mañakuwarqanku, noqataj Egiptomanta soldadokuna israelitakunata ama taripanankupaj laqhayaykucherqani. Chantá mama qocha yakuta kachaykorqani, chaytaj paykunata wañuracherqa. Qankunaqa Egiptopi imatachus ruwasqayta rikorqankichej, chay qhepatataj qankunaqa unayta ch'innejta purerqankichej.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.