Éxodo 10:21 - DIOSPA QHELQACHISQ

²¹ Chantá Tata Dios Moisesta nillarqataj: Janajman makiykita oqhariy, tukuy Egiptopi manchay tuti laqha kananpaj, nispa.

Qheshwa Biblia DC

²¹ Chaymanta Señorqa ujtawan Moisesman nillarqataj: Makiykita oqhariy tukuy Egipto jallp'a patata laqhaykunampaj tukuypis laqhayayta llujchirinampaj jina.

DIOSPA QHELQACHISQAN DEUTEROCANONICAL

²¹ Chantá Tata Dios Moisesta nillarqataj: Janajman makiykita oqhariy, tukuy Egiptopi manchay tuti laqha kananpaj, nispa.

Éxodo 10:21 ပူးပေါင်းရင်းမြစ်များ

Job 5:14

Paykunaqa p'unchaypacha laqhapi jina purinku, chawpi p'unchaypi tutapi jina thamaykachanku.

Salmos 105:28

Tata Dios tukuy Egipto suyuta laqhayaykucherqa. Chaywanpis Egipto llajtayojkuna paypa nisqanta mana kasorqankuchu.

Salmos 35:6

Purisqanku ñanpi jayt'akuspa urmachunku, llusk'achunkutaj. Tata Diospa angelnintaj paykunata qhatiykachachun.

Salmos 78:49

Diosqa Egiptopi tiyakojkunaj patankuman k'araj phiñakuyninta kachaykorqa. Phiñakuyninwan, sinch'i llakiywan ima paykunata ñak'aricherqa, wañuchispa tukuchej angelkunatawan imataj kachaykorqa.

Éxodo 7:19

Chantá Tata Dios Moisesta nillarqataj: Niy Aaronta, yaku yawarman tukunanpaj varanta jap'ispa oqharinanta mayukunaman, wayq'okunaman, qochakunaman, yaku jallch'anaman, jinataj tukuy imapichari yaku tiyan, chaynejman. Ajinata ruwajtintaj, tukuy Egiptopi yakoqa yawarman tukonqa, k'ullumanta chayrí rumimanta yaku jallch'anapi kachunpis, nispa.

Éxodo 9:22

Chantá Tata Dios Moisesta nillarqataj: Makiykita janajnejman oqhariy, tukuynin Egipto suyupi runakunaman, uywakunaman, tukuy q'omer kaj chhikaman ima chijchi para paramunanpaj, nispa.

Proverbios 4:19

Mana allinta purejkunaj ñanninkurí laqhalla, manataj yachankuchu imapichus misk'asqankuta.

Eclesiastés 2:14

Yachayniyoj runaqa maymanchus rishasqanta yachan, wampu runarí laqhallapi purin. Chaywanpis reparallarqanitaj, kawsayninchej tukukapojtenqa, tukuypis wañupunanchejta.

Eclesiastés 6:4

Sullusqa wawaqa yanqhata paqarin, laqhayaymantaj ripun, jinataj sutin laqhayaypi p'ampasqa kashan.

Ezequiel 32:7

Chantá qanta wañuchiytawan, janaj pachata laqhayachisaj, ch'askakunaj k'anchaynintataj wañuchisaj. Intitapis phuyuwan p'ampaykusaj, killapis manaña k'anchanqachu.

San Mateo 27:45

Chantá chawpi p'unchaymanta kinsa kaj phanikama tukuy chay cheqa laqhayaykorqa.

Marcos 15:33

Chawpi p'unchay kashajtin, tukuy kay pacha laqhayaykorqa kinsa kaj phanikama.

San Lucas 23:44

Chawpi p'unchay jinaña karqa. Chantá tukuy chay cheqaqa laqhayaykorqa kinsa kaj phanikama.

Deuteronomio 1:30

Tata Diosniykichej ñawpaqeykichejta rishan, paymin qankunarayku maqanakonqa, imaynatachus qankunarayku Egiptopi maqanakorqa, ajinata.

Deuteronomio 28:29

Sut'i p'unchaypi ñawsa jina thamaykachaspa purinki. Nitaj ni ima ruwasqaykipi allin risonqachu. Qanqa tukuy imapi sarusqa kanki. Kapuyniykitapis wajkuna apakaponqanku, nitaj pipis kutikusoj kanqachu.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

2 Pedro 2:17

Chay yachachejkunaqa ch'aki pujyu jina kanku, sinch'i wayraj apaykachasqan phuyu jinataj. Paykunapajrí aswan tuti laqhayay wiñaypaj wakichisqa kashan.

2 Pedro 2:4

Diosqa wakin juchallikoj angelkunaj juchankuta mana pampacharqachu. Aswanpis paykunata ukhu pachaman wijch'uykorqa, tuti laqhapi wisq'asqa kanankupaj juzgasqa kananku p'unchay chayamunankama.

Judas 1:13

Jinallataj imaynatachus mama qochaj qhollchoqeyasqan phosoqota wijch'un, ajinallatataj paykunapis p'enqay millay ruwasqankuta sut'iman orqhonku. Jinallataj paykuna mana ñanniyoj purej ch'askakuna jina kanku. Chaywanpis paykunapaj wiñaypaj tuti laqhayay wakichisqa kashan.

Judas 1:6

Jinallataj wakin angelkunapis Tata Dios qosqan kamachinapaj atiyta mana waqaychasqankuchu. Manachayqa maynejmanchus churasqa karqanku, paykuna chayta saqesqanku. Diostajrí chay angelkunata tuti laqhayaypi wiñaypaj wisq'aykusqa, jatun juicio p'unchaypi juchachasqa kanankupaj.

Apocalipsis 8:12

Chantá tawa kaj angelñataj trompetata waqacherqa. Chaypachataj inti, killa, chantá ch'askakuna ima kinsaman t'aqasqamanta ujnin kaj t'aqa mana allinman tukorqanku, laqhayaporqankutaj. Chayrayku p'unchaypis, tutapis kinsaman t'aqasqamanta ujnin kaj t'aqa mana k'anchayniyojchu karqa.