Éxodo 10:2 - DIOSPA QHELQACHISQ

² Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Qheshwa Biblia DC

² Chayta qan willanaykipaj wawasniykiman, allchhisniykiman ima, noqa egipcio runa ukhuspi, jatuchaj t'ukunasta ruwasqasniyta ima; ajinapi yachankichej noqamin Señorqa kasqayta.

DIOSPA QHELQACHISQAN DEUTEROCANONICAL

² Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Éxodo 10:2 ပူးပေါင်းရင်းမြစ်များ

2 Samuel 7:22

Chayraykumin jatunchasqa kanki, Tukuyta Kamachej Tata Diosníy. Mana pipis qan jinaqa kanchu, manataj qanmanta jawaqa waj dios kanchu, noqayku uyarisqaykuman jinaqa.

Salmos 44:1

1 (2) Diosníy, noqayku uyarerqayku, tataykupis willallawarqaykutaj, unay paykuna kawsashajtinku, t'ukunata ruwasqaykimanta.

Salmos 44:2

2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

Salmos 58:11

11 (12) Chantá tukuy runakuna nenqanku: Cheqan runakunaqa t'inkachisqa kanqanku, kay pachapi juzgananpajtaj Dios tiyan, nispa.

Salmos 71:18

Allin machituña yuraj umaña kashajtiypis, Diosníy, amapuni saqerpariwaychu, imajtinchus may jina atiyniyoj kasqaykimanta kunan kashajkunaman, jinataj qhepanejman kajkunaman willanayraj kashan.

Salmos 78:3

Uyarispa imatachus yachasqanchejta sut'inchasaj, imatachus ñawpa tatanchejkuna willawarqanchej, chayta.

Éxodo 13:14

Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

Éxodo 14:18

Maypachachus noqa faraonta, soldadonkunata, carretapi, caballopi ima purej soldadokunata atipaspa, atiyniyoj kasqayta rikuchisaj chaypachaqa, puchoj Egipto llajtayojkunapis yachallanqankutaj noqamin Tata Dios kasqayta, nispa.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 7:17

Chayrayku Tata Dios ajinata nisunki: Kunan qan yachanki noqa Tata Dios kasqayta, nispa. Noqataj, makiypi jap'ishani, chay varawan Nilo mayupi yakuta wajtasaj, chaypachataj yakoqa yawarman tukonqa.

Éxodo 7:5

Egipto llajtayojkunaj contrankuta atiyniyta rikuchispa, israelitakunata chaymanta orqhosaj. Chaypachataj Egipto llajtayojkuna yachanqanku noqamin Tata Dios kasqayta, nispa.

Éxodo 8:6

6 (2) Chantá Aaronqa Egiptopi tukuy yakuman varanta oqharerqa. Jinajtinkamataj, k'aylankulakunaqa yakumanta llojsiykamuspa, tukuynin Egipto suyuman junt'aykorqanku.

Isaías 38:19

Kawsajkunalla yupaychasuyta atinku, imaynatachus noqapis kunan yupaychashayki, ajinata. Nisqaykita junt'aj kasqaykimanta tatakunaqa wawankukunaman willanku.

Ezequiel 20:26

Jinataj saqellarqani ch'ichichakunankuta kuraj kaj churinkukunata lantikunaman q'olachisqankunejta. Chayta ruwarqani paykuna sinch'i mancharisqa kanankupaj, noqalla Tata Dios kasqayta yachanankupajtaj.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Joel 1:3

Kayta wawaykichejkunaman willaychej, wawaykichejtaj wawankuman willachunku, wawankukunataj qhepata jamojkunaman willallachunkutaj.

Efesios 6:4

Qankunarí tata, mama, ama wawaykichejta phiñachiychejchu. Manachayqa paykunata uywaychej cheqan ñanman churaspa, jinataj Tukuyta Kamachej Jesuspa munasqanman jina yachachispa.

Deuteronomio 4:9

Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.