Éxodo 1:21 - DIOSPA QHELQACHISQ

²¹ Parterakuna Diosta may jatun respetowan qhawasqankuraykutaj, Diosqa ashkha wawayoj kanankuta ruwarqa.

Qheshwa Biblia DC

²¹ Onqochejkuna Diosta manchachikusqankurayku Diosqa mayta paykunata yanaparqa israelitas astawan miranankupaj.

DIOSPA QHELQACHISQAN DEUTEROCANONICAL

²¹ Parterakuna Diosta may jatun respetowan qhawasqankuraykutaj, Diosqa ashkha wawayoj kanankuta ruwarqa.

Éxodo 1:21 ပူးပေါင်းရင်းမြစ်များ

1 Reyes 11:38

Sichus kay tukuy kamachisusqayta uyariwanki, munasqayman jinataj purinki, cheqanta ruwaspa, kamachisqayta, nisqaytawan kasuspa, kamachiy David junt'arqa jinata chayqa, noqaqa qanwan kasaj. Aylluykimanta kuraj kamachejkunaqa kanqankupuni, imaynachus Davidpa ayllunmanta kanku ajinata, Israel suyutataj qanman jaywasqayki.

1 Reyes 2:24

Tata Diospa sutinrayku tilullanitaj, pichus tatay Davidpa kamachinan tiyanapi allinta tiyachiwan, mirayniytapis sumajta sayachenqa, chay Diosrayku: Adoniasqa kunanpacha wañuchisqa kanqa, nispa.

Salmos 112:1

Tata Dios jatunchasqa kachun. Tata Diosta manchay jatun respetowan qhawaj runaqa kusisqamin, pichus Diospa kamachisqanta kasuspa misk'irichikojqa.

Salmos 127:1

(1b) Manachus Tata Dios wasita sayachin chayqa, wasichajkunaqa qhasillata wasita oqharinku. Manachus Tata Dios llajtata qhawan chayqa, qhawaj soldadokunaqa qhasillata qhawanku.

Salmos 127:3

Wawakunaqa Tata Diospa qosqanmin kanku, warmimanta paqarejtaj may munasqa t'inka.

Salmos 37:3

Manachayqa Tata Diospi atinikuy, allin kajtataj ruway. Kay pachapi kawsakuy, Tata Diosta mana jayk'aj wasanchaspa.

Éxodo 1:17

Chaywanpis parterakunaqa Diosta may jatun respetowan qhawaspa, Egipto suyuta kuraj kamachejta mana kasorqankuchu, nitaj qhari wawakunata wañucherqankuchu.

Proverbios 24:3

Wasitaqa yachaywan jatarichina, allinta yuyaychakuspataj cimientontapis churana.

Eclesiastés 8:12

Juchasapaqa pachaj kutita juchallikuspapis, unayta kawsan. Jinapis yachallarqanitaj, pikunachus Diosta may jatun respetowan qhawaspa kawsakunku, chaykunata allinpuni rinanta.

Jeremías 35:2

Recabpa ayllunman rispa, paykunawan parlamuy. Chaymanta Templo patiopi ujnin kaj cuartoman pusaspataj, paykunaman vinota ujyanankupaj jayway, nispa.

1 Samuel 2:35

Chaywanpis noqaqa uj sacerdoteta ajllakusaj, paytaj sonqoypa munasqayman jina tukuy imata ruwanqa. Paypa mirayninta mana chinkananta saqesajchu, jinataj ajllakusqay kuraj kamachejta sirvenqa.

1 Samuel 25:28

Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.