Éxodo 1:14 - DIOSPA QHELQACHISQ

¹⁴ Awantay mana atinata, paykunawan t'uruta saruchispa, adobeta ruwacherqanku, wakinkunatataj chajrata tarpucherqanku. Ajinata tukuy imaymana sinch'i ruwanawan sonqo nanayta israelitakunata ñak'aricherqanku.

Qheshwa Biblia DC

¹⁴ Ajinata maytapuni llakichispa israelitasta llank'acherqanku, t'uruta sarucherqanku, ladrillosta ruwacherqanku, wakintaqa campospi llank'acherqanku, wakintataj mayta jasut'ispa waj llank'aykunaman churarqanku.

DIOSPA QHELQACHISQAN DEUTEROCANONICAL

¹⁴ Awantay mana atinata, paykunawan t'uruta saruchispa, adobeta ruwacherqanku, wakinkunatataj chajrata tarpucherqanku. Ajinata tukuy imaymana sinch'i ruwanawan sonqo nanayta israelitakunata ñak'aricherqanku.

Éxodo 1:14 ပူးပေါင်းရင်းမြစ်များ

Génesis 15:13

Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

1 Reyes 12:14

Imaynatachus chay waynuchukuna umachasqankuman jina kuticherqa: Tatayqa sinch'i ruwanaman churasorqachej, noqatajrí astawanraj yapaykusqaykichej. Tatayqa seq'onawan seq'osorqachej, noqatajrí puntanpi titi bolayoj seq'onawan seq'osqaykichej, nispa.

Salmos 129:1

(1b) Kunan israelitakuna nichunku: Wayna kasqaymantapacha awqaykuna sinch'ita llakichiwarqanku.

Salmos 68:13

13 (14) Oveja kanchapi tiyakojkunapis valorniyoj imakunata tarerqanku, qolqe metalmanta lijrayoj urpita, chantá qorimanta phuruyojta ima.

Salmos 81:6

6 (7) Uj mana rejsisqa parlayta uyarerqani kay jinata nejta: Wasaykimanta llasa q'epita q'epiracherqani, sinch'i ruwanamantataj qanta samaricherqayki.

Éxodo 1:11

Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Éxodo 1:13

Jinapi Egipto llajtayojkuna israelitakunata sinch'i ruwanaman churaspa, maytapuni ñak'aricherqanku.

Éxodo 1:15

Chay jawa Egiptota kuraj kamachejqa israelitakunaj parteranku Sifrata, chantá Fuata ima nerqa:

Éxodo 2:23

Chaymanta aswan qhepanejman Egipto suyuta kuraj kamachej wañuporqa. Israelitakunatajrí, wata runa kasqankumanta waqarikuspa, qhaparikorqanku. Diostaj sinch'i ñak'arispa qhaparikusqankuta uyarerqa.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 6:9

Chantá Moisés israelitakunaman chay tukuyta willarqa. Paykunatajrí mana kasuta ruwarqankuchu, imaraykuchus wata runa jina sinch'i ruwanapi kaspa, sonqonku p'akisqa kasharqanku.

Proverbios 28:15

Wajcha runakunapaj millayta ruwaj kamachejqa qhaparej león jina, chayrí yarqhasqa oso jina.

Isaías 10:24

Chayrayku Tukuy Atiyniyoj Tata Dios ajinata nin: Sionpi tiyakoj ayllúy, Asiria runakunamanta ama manchachikuychu. Paykunaqa qanpa contraykipi varankuta oqharenqanku, imaynatachus Egipto runakuna k'aspiwan wajtasorqanku, ajinata.

Isaías 14:6

Payqa phiñakuyninwan tukuy suyukunata jasut'ej, mana sayk'uspataj seq'oj. Chantá phiñakuyninwan suyukunata chakin uraman churaj, mana khuyakuywan qhatiykachaspa.

Isaías 51:23

Noqatajrí chay copata ñak'arichisojkunamanñataj qosaj, pikunachus nisoj kanku: Pampaman siriykuy, pataykita purinaykupaj, nispa, chaykunaman. Qanqa paykunata kasuspa, pampaman sirerqanki, paykunataj pataykita ñanta jina purerqanku, nispa.

Isaías 52:5

Kunanqa imataj kayri? Mana imallamanta aylluyta mana munashajta waj suyuman apanku. Paykunata ñak'arichejkunaqa wapuykachaspa, qhaparqachanku, sapa p'unchaytaj contraytapis rimanku.

Isaías 58:6

Manachu yachankichej imayna ayunotachus munasqayta? Noqa munani qankuna manakajmanta ñak'arichisqa kajkunata kacharichinaykichejta, yugopi watasqa jina runakunatataj phaskaranaykichejta. Munallanitaj llakichisqa kajkunata kacharinaykichejta, kallpankupi atinikuspa ñak'arichej runakunatataj chinkachinaykichejta.

Levítico 25:43

Chantapis ama mana sonqoyoj runa jina paykunata ñak'arichinkichu, manachayqa Diosniykita may jatun respetowan qhawaspa manchachikunki.

Levítico 25:46

Chaykunatataj wawaykichejman chayaqeta jina saqeyta atinkichej, paykunajta kanankupaj. Paykunata wata runata jina wiñaypaj jap'ikunkichej. Chaywanpis ama pipis israelita masiykichejta sinch'ita ruwachispa, ñak'arichinkichejchu.

Levítico 25:53

Paytaqa uj watapajpis peonta jap'inman karqa jina qhawankichej. Ama saqenkichejchu rantejnin sinch'ita ñak'arichispa payta ruwachinanta.

Miqueas 3:3

Aylluytaqa kawsashajllata oqoykunkichej. Qaranta ch'uskinkichej, tulluntapis p'akirankichej. Mankaman churanapaj aychata jina qhawankichej.

Nahúm 3:14

Yakuta tantaspa jallch'ay, awqaykiwan muyuykusqa kashajtiyki ama pisisunanpaj. Jark'akunayki perqata astawan perqachiy. T'uruta saruspa, wakichiy, ladrillo ruwana moldetataj oqharikuy.

Números 20:15

Ñawpa tataykukuna Egiptoman riporqanku, chaypitaj unayta tiyakorqanku. Egipto llajtayojkunatajrí noqaykuta, ñawpa tataykuta jina, mayta ñak'arichiwarqayku.

Hechos 7:19

Chay kuraj kamachejtaj ñawpa tatanchejkunata chejnikuspa, manchayta paykunata ñak'aricherqa. Kamacherqataj israelitakuna qhari wawankukunata paqarisqantawankama wijch'unankuta wañunankupaj.

Hechos 7:34

Noqa rikuni Egiptopi imaynatachus israelita aylluy ñak'arishasqankuta, sonqo nanayta ayqosqankuta ima uyarillanitaj. Chayrayku urayk'amuni chaymanta paykunata kacharichinaypaj. Kunanqa oqharikuy ari, Egiptoman kachasunaypaj, nispa.

Deuteronomio 26:6

Chaypitaj Egipto llajtayojkuna mayta ñak'arichiwarqanchej, llakichiwarqanchej ima, chantá wata runata jina sinch'ita ñak'arichiwarqanchej.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Rut 1:20

Noemitajrí kuticherqa: Amaña Noemí niwaychejchu, manachayqa Mara niwaychej, imajtinchus Tukuy Atiyniyoj Diosqa imaymana llakiykunata apachimuwan.