Ester (hebreo) 6:4 - DIOSPA QHELQACHISQ

⁴ Amanrí chaypachapuni kamachina wasi patioman yaykumusharqa kuraj kamachejmanta mañakunanpaj Mardoqueota chay sipinata ruwachisqanpi warkhuchinanta. Chantá kuraj kamachejqa kamachinkunata taporqa: Pitaj patiopi kashanri? nispa.

Qheshwa Biblia DC

⁴ Chanta reyqa taporqa: Pitaj chay patiopi kashan?, nispa. Amanrí chaypachapuni palacio patioman yaykumusqa reywan parlanampaj, mañakunampajtaj Mardoqueota warkhuchinampaj chay sipichinata ruwachisqampi.

DIOSPA QHELQACHISQAN DEUTEROCANONICAL

⁴ Amanrí chaypachapuni kamachina wasi patioman yaykumusharqa kuraj kamachejmanta mañakunanpaj Mardoqueota chay sipinata ruwachisqanpi warkhuchinanta. Chantá kuraj kamachejqa kamachinkunata taporqa: Pitaj patiopi kashanri? nispa.

Ester (hebreo) 6:4 ပူးပေါင်းရင်းမြစ်များ

Ester (hebreo) 5:14

Chantá warmin Zereswan, tukuy kawsaqenkunawan ima nerqanku: Sipinata ruwachiy. Sayaynenqa kachun iskay chunka iskayniyoj metroyoj. Q'aya paqarintaj kuraj kamachejta niy chayman Mardoqueota warkhuchinanta. Ajinata ruwaspa, qanqa kuraj kamachejwan khuska kusisqa mikhoj rinki, nispa. Chay nisqanku Amanpajqa sumaj karqa. Chantá sipinata ruwacherqapacha.

Ester (hebreo) 4:11

Kuraj kamachejpa tukuy kamachinkuna, jinataj kamachiyninpi tukuy runakuna yachanku: Pi qharichus chayrí warmichus kuraj kamachejpa ukhu pationman mana wajyachisqalla yaykojqa kamachisqaman jina wañuchisqa kanan tiyan. Jinapis pimanchus kuraj kamachejqa qorimanta kamachina varanta jaywarin, chay kajlla mana wañuchisqachu kanqa. Noqatarí, killataña mana wajyachiwanchu, nispa.

Salmos 2:4

Janaj pachapi kuraj kamachejrí paykunamanta asikun. Tukuyta Kamachej Diosqa paykunamanta asiykukun.

Ester (hebreo) 5:1

Kinsa p'unchaymantawan Esterqa qoya p'achata churaykukuspa, kamachina wasiman yaykorqa, maypichus kuraj kamachejqa kamachinan tiyanapi tiyasqa kasharqa, chaypa ñawpaqenman. Chay tiyananqa yaykuna punku qhawarisqa karqa.

Eclesiastés 9:10

Imatachus ruwanaykita tukuy sonqoykiwan ruway, imaraykuchus wañuspa maymanchus rinki, chay ukhu pachapeqa manaña ima ruwanapis, ni yuyanapis, ni yachanapis, nitaj yachaypis kanqañachu.

Salmos 33:19

Paykunataqa wañuymanta kacharichin, yarqhay watapitaj kawsachin.

Job 5:13

Payqa millay yuyayniyojkunata sajra yuyaynillankuwantaj ch'ipaykun. Millayta ruwanankupaj wakichisqankutataj manakajman tukuchin.

Ester (hebreo) 7:9

Jarbonaqa kuraj kamachejta nerqa: Amanpa wasinpi runa sipina ruwasqa kashan iskay chunka iskayniyoj metro sayayniyoj. Chayta kay Amán ruwachisqa, qanpaj allin ruwaj Mardoqueota chaypi sipichinanpaj, nispa. Kuraj kamachejtaj chayta uyariytawan, kamacherqa: Chayman Amanta warkhumuychej, nispa.

Ester (hebreo) 6:3

Chay willayta uyarispa, kuraj kamachejqa nerqa: Chay jinata Mardoqueo ruwasqanmanta, imata qospa payta jatuncharqanchejri? nispa. Chay kamachinkunataj nerqanku: Mana imatapis paypajqa ruwapunchejchu, nispa.

Ester (hebreo) 6:5

Kamachinkunataj nerqanku: Patiopeqa Amán kashan, nispa. Kuraj kamachejtaj nerqa: Yaykuchimuychej, nispa.