Esdras 9:8 - DIOSPA QHELQACHISQ

⁸ Kunantajrí, Tata Diosniyku, khuyakuyniykiman jina munarqanki puchoj israelitakuna kacharichisqa kanaykuta, qanpaj t'aqasqa jallp'api tiyakunaykupaj. Wata runa kanamanta samarichiwayku, sonqoykutapis kawsarichiwayku.

Qheshwa Biblia DC

⁸ Jinallataj kunanqa Señor Diosniyku, khuyakuyniykiman jina ruwakun uj puchoj llajta masiyku kacharisqa kananta, qampaj t'aqasqa jallp'api wasita ruwakunaykupaj. Qanqa mosoj k'anchayta rikuchiwarqayku, uj pisi kusisqa kausayta qoshawayku jap'isqa kausanayku chaupipi.

DIOSPA QHELQACHISQAN DEUTEROCANONICAL

⁸ Kunantajrí, Tata Diosniyku, khuyakuyniykiman jina munarqanki puchoj israelitakuna kacharichisqa kanaykuta, qanpaj t'aqasqa jallp'api tiyakunaykupaj. Wata runa kanamanta samarichiwayku, sonqoykutapis kawsarichiwayku.

Esdras 9:8 ပူးပေါင်းရင်းမြစ်များ

2 Reyes 19:4

Ichapis Tata Diosniykeqa soldadokunata kamachej Rabsacespa parlasqanta uyarinña. Asiria suyuta kuraj kamachejqa payta kachamorqa kawsaj Diosmanta millayta parlananpaj. Tata Diosniyki imatachus nisqanmanta payta jasut'ichun. Kunanqa kaypi qhepakojkunarayku Diosmanta mañapuy ari, nispa.

Esdras 9:9

Wata runakuna kashajtiykupis, mana saqerpariwarqaykuchu. Khuyakuyniykita rikuchiwarqayku Persiamanta kaj kuraj kamachejpa ñawpaqenpi. Qanmin kawsayta qowarqayku, laqaya Temploykita watejmanta ruwanaykupaj. Judapi, jinallataj Jerusalenpipis waqaychawarqayku.

Nehemías 1:11

Chayrayku mañarikuyki ari, Tukuyta Kamachej Diosníy, mañakususqayta uyariway. Qhaparikamususqaykutapis uyariwayku, pikunachus sutiykita mayta jatunchayta munayku. Mañakullaykitaj tukuy imapi allin rinawanta, jinallataj kay Persia suyoj kuraj kamachejninpa khuyakuyninta tariyta atinaypaj, nispa. Ajinata Diosmanta mañakorqani. Chaypacha noqaqa kuraj kamachej Artajerjespa copa jaywajnin karqani.

Nehemías 9:31

Chaywanpis jatun khuyakuyniykirayku mana tukuyninkutachu tukucherqanki, nitaj paykunata saqerparerqankichu, khuyakoj Dios, munakuyniyojtaj kasqaykirayku.

Job 33:30

Wañunanmanta qhespichin, kawsaytapis rikunanta saqenraj.

Salmos 13:3

3 (4) Tata Dios, Diosníy, qhawariway, uyariwaytaj. Imachus qhatirishawasqanta yachayta atinaypaj yanapariway, kawsachillawaypunitaj ari.

Salmos 13:4

4 (5) Ama awqay nichunchu: Payta atipaykuni, nispa. Urmayman chaypis, ama kusikuchunchu.

Salmos 138:7

Llakiypi rikhurejtiy, qan mosoj kallpata qowanki, jinallataj atiyniykiwan awqaykunaj phiñakuyninkumanta kacharichiwanki.

Salmos 34:5

5 (6) Tata Diosman qayllaykojkunaqa manchay kusisqa kanku, imaraykuchus ni jayk'ajpis p'enqachisqachu kanqanku.

Salmos 85:6

6 (7) Manachu ujtawan kawsayta qowasqayku, noqayku aylluyki qanwan kusikunaykupaj?

Proverbios 29:13

Wajchawan, ñak'arichejwanqa kaypi rijch'anakunku: Tata Dios iskayninkuman kawsayta qon.

Eclesiastés 12:11

Yachayniyojkunaj nisqankoqa ayjon jina kanku. Tantasqa nisqankutaj Diosmanta jamun, chayrayku toldota sayachinapaj sumaj estaca jina kanku.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 14:3

Israel ayllu, maypachachus Tata Dios samarikuyta qosonqachej chay jinata ñak'arisqaykichejmanta, jinallataj phutikusqaykichejmanta chantá chay jina sinch'i ruwaymanta ima chaypacha,

Isaías 56:5

noqaj Temploypa pationpi, perqawan muyuykuchisqa llajtaypi ima sutinku qhelqasqa kanqa. Noqa paykunaman may uyarisqa sutita qosaj, chay wiñaypaj qosqa sutitaj mana jayk'aj chinkachisqachu kanqa. Chaytaj capasqa runapaj aswan sumaj kanqa wawayoj kanamanta nisqaqa.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 6:13

Sichus chunkamanta ujllapis kay suyupi qhepakunman chayqa, chaypis chinkachisqallataj kanqa. Chaywanpis imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa ajllakusqay Israel aylloqa, nispa.

Jeremías 42:2

Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.

Jeremías 44:14

Judiokunamanta Egiptoman tiyakapoj ripojkunamanta mana ujllapis wañunamanta llusp'enqachu. Judá suyuman kutipuyta munashaspapis, manapuni kutiponqankuchu, manachayqa ripojkunamanta uj mashkhalla kutenqanku, nispa.

Ezequiel 14:22

Chaywanpis pisilla kawsashaj qhepakonqanku. Churinkukunawan, ususinkukunawan qhespichisqa kanqanku, paykunataj Jerusalenmanta qankunaman jamonqanku. Babiloniaman jamojtinkutaj, qankuna rikunkichej imaynachus kasqankuta, ima sajratatajchus ruwasqanta ima. Chantá Jerusalenman jasut'ita apachimusqaymanta sonqochasqa kankichej.

Oseas 6:2

Iskay p'unchaymantawan kawsarichiwasunchej, kinsa p'unchayninmantaj sayarichiwasunchej paypa ñawpaqenpi kawsananchejpaj.

Habacuc 3:2

Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

Sofonías 3:12

Manachayqa noqa qankuna ukhupi llamp'u sonqoyoj runakunata, pisi kapuyniyoj runakunatapis kawsashajta saqesaj, pikunachus sutiypi atinikunku, chaykunallata.

Zacarías 10:4

Judá ayllumanta rikhurenqa cimiento esquinaman churana rumi, toldota sayachinapaj estaca, flechanapaj arco ima. Chaymanta tukuy kamachejkunapis jatarillanqankutaj.

Zacarías 8:12

Paykuna ukhupi allinpi kawsakuy tarpusqa kanqa. Uva sach'akunapis poqonqanku, chajrata tarpusqankupis ima munayta poqorenqa. Parapis paramullanqapuni. Noqataj kutimoj israelitakunaman kay tukuy imata paykunajta kananpaj qosaj.

Zacarías 8:6

Chay p'unchay chayamojtin, aylluymanta puchojkunapaj t'ukunapaj jina kanqa. Noqatajrí mana chaymanta t'ukusajchu, nispa nin Tukuy Atiyniyoj Tata Dios.

Romanos 9:27

Israelitakunamanta parlaspa, Isaiaspis nillarqataj: Israelitakunaj mirayninchus mama qochapi t'iyu jina kanman chaypis, chaykunamanta pisilla qhespichisqa kanqanku.

Apocalipsis 3:12

Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

1 Samuel 14:27

Jonatantajrí tatan soldadokunata tiluchisqanta mana yachaspa, makinpi jap'isharqa, chay k'aspita abeja misk'iman sat'ispa llajwarqa, chantá askamalla kutiriyta qallarerqa.

1 Samuel 14:29

Jonatantajrí kuticherqa: Tatayqa tiluchispa runakunata mana allinman churan. Qhawaychej má, uj chhikan abeja misk'ita llamirisqaywan yuyayniyman kutirini.