Esdras 9:6 - DIOSPA QHELQACHISQ

⁶ Diosníy, Diosníy. May p'enqasqa kashani, uma muyusqa jinataj. Mana yachanichu imaynatachus qanman qayllaykamusuyta. Pantasqaykoqa may jatunpuni, juchaykutaj janaj pachakama chayan.

DIOSPA QHELQACHISQAN DEUTEROCANONICAL

⁶ Diosníy, Diosníy. May p'enqasqa kashani, uma muyusqa jinataj. Mana yachanichu imaynatachus qanman qayllaykamusuyta. Pantasqaykoqa may jatunpuni, juchaykutaj janaj pachakama chayan.

Esdras 9:6 ပူးပေါင်းရင်းမြစ်များ

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

1 Reyes 8:47

Paykunataj maypichus preso kashaspa, yuyayninkuman churakunkuman, chantá qanman kutirikamuspa, chaypitaj mañakuspa nisunkuman: Noqayku juchalliyku, mana allin kajta ruwaspa. Juchayojpuni kayku, nispa.

2 Crónicas 28:9

Israelpa soldadonkuna Samaria llajtaman kutipushajtinku, Tata Diosmanta sut'inchaj Obed sutiyoj paykunata taripaspa nerqa: Ñawpa tataykichejpa Tata Diosnenqa Judá suyoj contranta phiñakuspa qankunaman jaywaykusorqachej. Qankunatajrí sinch'ita phiñakuspa paykunata wañuracherqankichej, chay ruwasqaykichejmantataj Tata Diosqa cuentata mañasonqachej.

Esdras 9:13

Kunantajrí mana allinta ruwasqaykurayku, jatun juchaykuraykutaj tukuy kay imakuna chayamuwayku. Chaywanpis qanqa mana millayta ruwasqaykuman jinapunichu jasut'iwarqayku, manachayqa kacharichiwarqaykuraj.

Esdras 9:15

Israelpa Tata Diosnin, qan cheqan kanki noqaykuwan. Qan noqaykumanta puchoj t'aqa kawsanaykuta munarqanki, imaynachus kunan p'unchay rikushayku jina. Noqaykoqa cheqamanta ñawpaqeykipi juchayoj kayku. Ajinallapuneqa mana ñawpaqeykipi kayta atiykumanchu.

Nehemías 1:6

Kunanqa, mañarikuyki uyarinawaykita tuta p'unchay israelitakunarayku mañakususqayta. Noqayku yachakuyku contraykipi juchallisqaykuta. Aylluykunapis, noqapis juchalliyku.

Job 40:4

Mana imapis kashaspa, ima nispataj qanman kutichiykimanri? Noqapajqa ch'inlla kakunay aswan walej.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

Salmos 38:4

4 (5) Millayta ruwasqay atiykushawan, llasa q'epita jina mana apayta atishanichu.

Salmos 38:5

5 (6) Wampuyaspa juchallisqayrayku, k'iriykunaqa q'eyaykuspa asnarishan.

Éxodo 32:31

Chantá Moisesqa maypichus Tata Dios kasharqa, chayman kutispa, nerqa: Israelitakunaqa qorimanta diosta ruwakuspa, jatunta juchallinku.

Isaías 1:18

Tata Dios nillantaj: Jamuychej, kay imamanta parlarisunchej: Mana allin ruwasqaykichej may jina pukapis kachun, rit'ita jina yurajyachisaj. May jina kullipis kachun, yuraj millmata jina yurajyachisaj.

Isaías 59:12

Juchanchejqa Tata Diospa ñawpaqenpi manchay ashkha, juchallanchejtaj mana allin kasqanchejmantata ch'ataykuwanchej. Mana allin kajta ruwasqanchejqa qhatiykachawanchej, yachanchejtaj juchayojpuni kasqanchejta.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Jeremías 31:19

Noqa qanmanta karunchakorqani. Chaywanpis juchallisqayta rejsikapuspa, watej qanman kutirikamuni. Qhasqoyta takakuspa, p'enqasqa k'umuykuni, wayna kashaspa juchallisqayrayku, nispa.

Jeremías 51:9

Babiloniata jampiykunchejña, jinapis manapuni qhaliyanchu. Payta saqerparispa, suyunchejman jaku ripunachej, imaraykuchus juchachasqa kasqanqa janajkama chayan, phuyukamataj oqharikun.

Jeremías 6:15

Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Lamentaciones 3:42

Noqaykoqa qanpa contraykita oqharikorqayku, manataj kasukorqaykuchu. Qantaj mana juchaykuta pampacharqankichu.

Ezequiel 16:63

Maypachachus noqa tukuy millay ruwasqaykita pampachasaj chaypacha, qan yuyarikuspa, uyaykita mana mayman churayta atinkichu. P'enqakunki, k'umuykunkitaj, simiykitapis mana ujtawan kicharinkichu. Noqa Tukuyta Kamachej Tata Dios chayta nini, nispa.

Levítico 26:40

Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis.

San Lucas 15:21

Jinapi churin nisqa: Tatáy, Diospa contranta juchallini, qanpa contraykitapis. Manaña wawayki kanaypaj jinachu kani, nispa.

San Lucas 18:13

Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

Romanos 6:21

Ajinata purisqaykichejrayku, imatataj tarerqankichejri? Manachu millay kajta ruwasqaykichejmanta kunan p'enqakushankichej? Chaykunataj pusashasorqachej wiñay wiñaypaj Diosmanta karunchasqa kanaykichejpaj.

Apocalipsis 18:5

Juchallisqanqa janaj pachaman chayanankama tawqaykukun, Diostaj tukuy millay ruwasqanta mana qonqanchu.