Esdras 9:2 - DIOSPA QHELQACHISQ

² Jinallataj israelitakunaqa, wawankukunapis kay llajtayojkunaj ususinkukunawan casararqanku. Ajinamanta waj llajtayojkunawan Diospaj t'aqasqa ayllun chhapukunku. Tukuymanta aswan ñawpajtaqa kurajkuna, kamachejkunawan ima chay juchata ruwarqanku, nispa.

Qheshwa Biblia DC

² Israelmanta kaj runasqa, jinataj wawasninkupis chay runakunaj warmi wawasninkuwan casararqanku. Ajinamanta waj llajtamanta kaj runakunawan llimphupaj qhawasqa aylloqa chajrukorqa. Kay juchata ñaupajta ruwajkunaqa, kurajkuna, kamachejkunawan karqanku, nispa.

DIOSPA QHELQACHISQAN DEUTEROCANONICAL

² Jinallataj israelitakunaqa, wawankukunapis kay llajtayojkunaj ususinkukunawan casararqanku. Ajinamanta waj llajtayojkunawan Diospaj t'aqasqa ayllun chhapukunku. Tukuymanta aswan ñawpajtaqa kurajkuna, kamachejkunawan ima chay juchata ruwarqanku, nispa.

Esdras 9:2 ပူးပေါင်းရင်းမြစ်များ

Génesis 6:2

Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku.

1 Reyes 11:1

Kuraj kamachej Salomonqa faraonpa ususin warmin kashajtinpis, waj llajtayoj ashkha warmikunawan casarakorqa: Amonitakunamanta, moabitakunamanta, edomitakunamanta, sidoniokunamanta, jititakunamanta kajkunawan ima.

Esdras 10:2

Chantá Elampa ayllunmanta Yejielpa churin Secaniasqa Esdrasta nerqa: Noqaykoqa Diosninchejpa contranpi juchalliyku, imaraykuchus waj llajtayoj warmikunawan casarakorqayku. Chaywanpis atinchejraj suyakuyta Diosqa Israelta khuyarikunanta.

Esdras 9:12

Chayrayku amapuni ususiykichejta wawankuwan casarachinkichejchu. Paykunaj ususinkutapis amallataj churiykichejwan casarachinkichejchu. Amataj jayk'ajpis mask'ankichejchu chay runakunajpa allin kawsayninkuta, nitaj allinninkutapis munaychejchu. Ajinamanta qankuna sinch'itapuni sayankichej, chay jallp'amanta allin kajninta mikhunkichej, chaymantataj chayaqeta wiñaypaj mirayniykichejman saqenkichej, nispa niwarqayku.

Esdras 9:14

Chantapis, kamachisqaykita p'akillaykumanpunichu, chay millay ruwayniyoj runakunawan aylluchakuspa? Manachu qanqa contraykuta phiñakuwaj, chinkachiwaykumantaj mana ujllapis kawsayniyoj qhepakunaykukama?

Nehemías 13:17

Chantá Judamanta kurajkunata k'amerqani: Imaraykutaj kay sajrata ruwaspa samarina p'unchayta manakajman tukuchishankichejri?

Nehemías 13:28

Kuraj kaj sacerdote Eliasibpa churin Joyadáj ujnin kaj wawanqa horonita Sambalatpa tolqan karqa. Chayrayku paytapis ñawpaqeymanta wijch'orqani.

Éxodo 19:6

Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.

Éxodo 22:31

31 (30) Qankunaqa noqapaj t'aqasqa runakuna kankichej. Ama atoj, chayrí leonpa jap'isqan aychata mikhunkichejchu. Chaytaqa alqoman qopunkichej.

Éxodo 34:16

Ichapis churiykichejkunata ususinkukunawan casarachiwajchej. Jinataj ususinkukuna millayta ruwaspa, diosninkuta yupaychanaman rispa, churiykichejtapis juchallichillankumantaj.

Isaías 6:13

Sichus chunkamanta ujllapis kay suyupi qhepakunman chayqa, chaypis chinkachisqallataj kanqa. Chaywanpis imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa ajllakusqay Israel aylloqa, nispa.

Levítico 21:15

Ajinata ruwanqa ama llajta masinkunata, nitaj mirayninta p'enqaypi rikhurichinanpaj. Noqa Tata Diosmin payta noqajta kananpaj t'aqakuni, nispa.

Malaquías 2:11

Judamanta kaj qharikunaqa lantikunata yupaychaj warmikunawan casaraspa, Diosta wasanchanku. Jerusalenpi millay ch'ichi imakunata ruwanku, Israelpipis kikillantaj. Tata Diospa munakusqan Templotapis ch'ichichallankutaj.

Malaquías 2:15

Manachu Tata Diosqa warmiykita qantawan uj runa jinallaman tukuchisorqachej? Ukhuykichejwan espirituykichejwan ima Diospata kankichej. Chantá Dios imatataj munanri? Manachu munan mirayniykichej payllapaj t'aqasqa kanankutari? Chayrayku qankuna sonqoykichejta allinta qhawakuychej, wayna kashaspa casarakusqaykichej warmita ama wasanchanaykichejpaj.

1 Corintios 7:14

Chayqa ajina, imaraykuchus Diosman mana kutirikoj qosaqa Diospaj allinpaj qhawasqa, warmin Diosta qhatikoj kasqanrayku. Ajinallataj Diosman mana kutirikoj warmipis Diospaj allinpaj qhawasqa, qosan Diosta qhatej kasqanrayku. Manachus jina kanman chayqa, wawankukunapis ch'ichipaj qhawasqa kankuman. Kunanrí paykunaqa Diospaj t'aqasqa kanku.

2 Corintios 6:14

Ama uj yugollapi yananchakuychejchu Diosman mana kutirikojkunawan. Cheqa kajqa mana allin kajwan mana yananchakuyta atinchu, nillataj k'anchaypis laqhawanqa khuska purinkumanchu.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Deuteronomio 7:6

Qankunaqa Tata Diosniykichejpaj t'aqasqa ayllu kankichej. Paymin kay pachapi tukuy suyumanta ajllakusorqachej, paypata may munasqa ayllun kanaykichejpaj.

Josué 22:15

Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

Josué 23:12

Sichus Diosta mana kasuspa, qankuna ukhupi tiyakushankuraj chay llajtayojkunawan chhapukunkichej chayqa, sitajchus paykunawan casarakunkichej chayqa, kayta sut'ita yachaychej: