Esdras 8:21 - DIOSPA QHELQACHISQ

²¹ Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Qheshwa Biblia DC

²¹ Chay qhepata Ahavá mayu qayllapi ayunota ruwanaykuta nerqani juchasniykumanta Diosniykoj ñaupaqempi k'umuykukunaykupaj, paymanta mañakunaykupaj, allillanta pusanawaykuta, familiasniykuta, jinallataj tukuy kapuwajniykutapis.

DIOSPA QHELQACHISQAN DEUTEROCANONICAL

²¹ Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Esdras 8:21 ပူးပေါင်းရင်းမြစ်များ

2 Crónicas 20:3

Josafatqa chayta uyarispa, manchachikorqa, Tata Diosmantaj k'umuykuspa, imatachus ruwananta taporqa. Tukuy Judá suyupi tiyakojkunatataj kamacherqa ayunanankuta.

2 Crónicas 20:4

Jinamanta Judamanta kajkuna tantakorqanku Tata Dios yanapananta mañakunankupaj. Chayrayku tukuynin Judá suyumanta Jerusalenman chayamorqanku.

Esdras 8:15

Chantá, tukuyninkuta tantaykorqani Ahava nisqa llajtaman, mayu jamushan, chaynejpi. Chaypitaj kinsa p'unchay junt'ata jarakorqayku. Maypachatajchus runakunata, jinataj sacerdotekunata waturerqani chaypacha, paykuna ukhupi levitakunamanta ni ujtapis tarerqanichu.

Esdras 8:31

Ahava mayumanta purirerqayku wata killa qallariypi chunka iskayniyoj kaj p'unchaypi, Jerusalenman ripunaykupaj. Chantá Diosniyku yanapawarqayku, waqaychawarqaykutaj ñanpi sajra runakunamanta, awqaykunamantawan.

Nehemías 9:1

Chantá israelitakunaqa chay kikin killallapitaj iskay chunka tawayoj kaj p'unchayninpi watej tantakorqanku. Chaypi qhashqa p'achata churakorqanku, ayunarqanku, jallp'atataj umankuman qhallaykukorqanku juchankumanta llakisqa kasqankumanta yachayta qonankupaj.

Ester (hebreo) 4:16

Qantajrí, Susa llajtapi tukuy judiokunata tantaspa, kinsa p'unchayta, kinsa tutatawan ayunaychej. Noqapis kamachiykunawan kikillantataj ruwasqayku. Chaymantaraj kuraj kamachejpa ñawpaqenman, kamachisqata p'akispa risaj. Wañunay kanqa chaypis, jina wañusaj, nispa.

Salmos 137:1

Babilonia mayukuna patapi tiyarikuytawan, Sionmanta yuyarikuspa waqarikoj kayku.

Salmos 5:8

8 (9) Awqaykuna muyuykuwasqankurayku, Tata Dios, cheqan kasqaykiman jina purichiway, cheqan ñanniykitataj pusaway.

Salmos 5:9

9 (10) Paykuna mana jayk'aj cheqanta parlankuchu. Sonqonkupeqa millay kajta ruwanalla junt'a. Siminkoqa kicharisqa covacha jina, q'otiyanankupajtaj wayllukunku.

Salmos 8:2

2 (3) Ñuñoj wawakunata, juch'uy wawakunatapis atiyniykimanta parlanankupaj yachacherqanki, ajinata ruwaspataj, awqaykikunata, contraykipi oqharikojkunata ima ch'inyacherqanki.

Proverbios 3:6

Tukuy ima ruwasqaykipi Tata Diosmanta yuyarikuy. Paymin cheqan ñanta pusasonqa.

Isaías 30:21

Chantaqa lloq'eman chayrí pañaman rejtiykichejpis, kayta nishajta uyarinkichej: Kaymin cheqan ñanqa. Mana pantaykuspa chayninta riychej, nispa nejta.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 49:10

Mana yarqhachikonqankuchu nitaj ch'akichikonqankuchu. Manataj ruphaypis paykunata sonqorparenqachu, nitaj intipis ruphanqachu, imaraykuchus paykunamanta khuyakojqa yaku juturiman paykunata pusanqa.

Isaías 58:3

Chantá ninku: Noqaykoqa ayunayku, qantajrí mana kasuta ruwawaykuchu. Sonqoykuta llamp'uyachiyku, qantajrí mana repararqankichu, nispa. Chaywanpis ayunashaspa, munasqallaykichejta ruwankichej. Chay p'unchaypi peonniykichejtapis astawan ch'irwankichej.

Isaías 58:5

Qankunaqa runaj rikunallanta k'umuykunkichej. T'utura qhora jina k'umuykuspa, qhashqa p'achata churakunkichej, ushpha patapitaj winkunkichej. Chaytachu qankuna ayuno kasqanta ninkichej? Noqa Tata Diospaj allin kasqantachu yuyankichej?

Jeremías 10:23

Chantá Jeremías ajinata Tata Diosmanta mañakorqa: Tata Diosníy, runaqa kawsayninmanta mana dueñochu kasqanta yachani. Runaqa kawsaynin imachus kananmanta mana yachanchu.

Jeremías 42:3

Diosniyki Tata Diosmanta mañapuwayku, maymanchus rinaykuta rikuchinawaykupaj, imatatajchus ruwanaykuta ninawaykupaj, nispa.

Daniel (hebreo) 9:3

Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.

Levítico 16:29

Kay kamachisqaqa qankunapaj wiñaypaj kanqa: Qanchis kaj killapi, chunka kaj p'unchaypi ayunankichej.Chay p'unchayqa ama ni ima ruwanaykichejta ruwankichejchu, ni kikin llajtayoj, nitaj qankunawan tiyakoj waj llajtayojkunapis.

Levítico 16:31

Kay kamachisqaqa wiñaypaj kanqa. Chay p'unchay qankunapaj samarina p'unchay kanqa. Chay p'unchaytaj ayunankichej.

Levítico 23:29

Pichus chay p'unchaypi mana ayunajqa, pipis kachun, llajtanmanta chinkachisqa kanqa.

Jonás 3:5

Jinamanta chay llajtapi tiyakojkuna Diospa nisqanta jap'ikorqanku. Chantá tukuy ayunanankuta nerqanku, jinallataj juchankumanta sinch'i llakisqa kashasqankuta rejsichinankupaj jatunpaj qhawasqa kajkunamanta mana kasu ruwana kajkunakama qhashqa p'achata churakorqanku.

Jonás 3:7

Chantá chay kuraj kamachej, jinataj yanapajninkuna ima tukuy Nínive llajtapi tiyakojkunata kamacherqanku: Ni pi runa, ni uywapis imatapis mikhuchunkuchu, nitaj yakutapis ujyachunkuchu.

Números 14:3

Imapajtaj Tata Dios kayman pusamuwarqanchejri? Maqanakupi wañunanchejpajchu? Warminchejkunata, wawanchejkunata ima awqanchejkuna jap'inankupajchu? Aswan allin kanman Egiptoman kutipunanchej, nispa.

Números 14:31

Jinallataj pisipaj qhawasqaykichej wawaykichejkuna jallp'aman yaykonqanku. Qankuna nerqankichej paykunata awqaykichej jap'ispa, apakapunankuta. Chaywanpis paykuna chay jallp'api tiyakoj yaykonqanku.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Jueces 20:26

Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.