Esdras 8:1 - DIOSPA QHELQACHISQ

¹ Kaykuna kanku wasi ayllu kamachejkuna, ayllunkumanta qhelqasqaman jina, Artajerjes kamachishajtin, Babiloniamanta noqawan khuska kutimporqanku, chaykunaj sutinku:

Qheshwa Biblia DC

¹ Kaykuna kanku sapa aylloj tatasninkoqa, sapa ujninkumanta qelqasqaman jina, Artajerjes kamachishajtin, Babiloniamanta noqawan khuska kutimporqanku chaykunaqa:

DIOSPA QHELQACHISQAN DEUTEROCANONICAL

¹ Kaykuna kanku wasi ayllu kamachejkuna, ayllunkumanta qhelqasqaman jina, Artajerjes kamachishajtin, Babiloniamanta noqawan khuska kutimporqanku, chaykunaj sutinku:

Esdras 8:1 ပူးပေါင်းရင်းမြစ်များ

1 Crónicas 24:31

Ajinallatataj paykunapis, kuraj kamachej David rikunanta, chantá sacerdotekuna Sadoc, Ajimélec ima, jinataj levitakunaj wasi ayllunkuta kamachejkunaj rikunankuta, Aaronpa miraynin jinallataj suerteta choqaspa mit'ata rak'inakorqanku.

1 Crónicas 26:32

Jeriaspata wawqenkunaqa 2.700 wapu runakuna karqanku, jinataj ayllunkupi kamachejkuna karqanku. Davidqa paykunata churarqa Rubén jatun ayllupi, Gad jatun ayllupi, Manasés khuskan ayllupi ima, Tata Diosta yupaychanamanta chantá kuraj kamachejpa ruwananmanta qhawanankupaj.

1 Crónicas 4:33

Jinataj Baal cheqanejkama chay llajtakunaj muyuyninpi kaj llajtitakunapipis tiyakorqanku. Chaykuna ayllunkumanta oqharisqa lista karqa.

1 Crónicas 9:1

Ajinata tukuynin israelitakunaj sutinku, Israel suyuta chantá Judá suyuta kuraj kamachejkunaj qhelqankupi listasqa karqa. Judá suyumanta kajkunaqa Tata Diosta mana kasusqankurayku Babiloniaman wijch'usqa karqanku.

1 Crónicas 9:34

Chaykuna levitakunaj ayllunkupi kamachejkuna karqanku, listasqa kasqankuman jina. Paykunataj Jerusalenpi tiyakorqanku.

2 Crónicas 26:12

Ayllunkuman jina wapu maqanakoj soldadokunata kamachejkunaqa 2.600 karqanku.

Esdras 1:5

Chantá Judá jatun ayllumanta, Benjamín jatun ayllumantawan kuraj runakuna wakichikorqanku Jerusalenman rinankupaj, Tata Diospa Templonta watejmanta ruwamunankupaj. Jinallatataj wakichikorqanku sacerdotekuna, levitakuna, chantapis pikunaj sonqonkutachus Dios kuyuricherqa, chaykuna ima.

Esdras 2:2

Paykunata pusarejkuna kaykuna karqanku: Zorobabel, Josué, Nehemías, Seraías, Relaías, Mardoqueo, Bilsán, Mispar, Bigvay, Rejún, Baná ima. Israel ayllumanta qharikunaqa kay jina yupasqa karqanku:

Esdras 2:3

Parospa ayllunmanta 2.172 qharikuna karqanku.

Esdras 2:62

Chaykunataj ñawpa tatankoj sutinkuta mask'arqanku, maypichus sutikuna qhelqakoj karqa, chay qhelqapi, manataj tarerqankuchu. Chayrayku manaña sacerdotekunapaj qhawasqachu karqanku.

Esdras 7:13

Noqa kamachini: Kamachisqay suyupi kashanku, chay tukuy israelitakunamanta pikunachus qanwan khuska Jerusalenman ripuyta munajkuna rillachunku, chantá sacerdotekunapis, jinallataj levitakunapis.

Esdras 7:28

Diostaj rikuchiwarqa k'acha kayninta kuraj kamachejpa ñawpaqenpi, umachajninkunaj ñawpaqenkupi, chantá kamachiyninpi kuraj runakunaj ñawpaqenkupi ima. Tata Dios sonqochawarqa, paypa yanapayninwantaj Israelpa kurajninkunata tantaykuyta aterqani, noqawan khuska kutimpunankupaj, nispa.

Esdras 7:6

Esdrasqa Tata Diospa kamachisqanmanta yachachej karqa, paytaj, Israelpa Tata Diosnin ima kamachisqatachus Moisesman qorqa, chaymanta sumajta yacharqa. Tata Dios payta yanapasqanraykutaj, kuraj kamachej Artajerjesqa tukuy ima mañasqanta payman qorqa. Chay jinamanta Esdras Babiloniamanta Jerusalenman jamorqa.

Esdras 7:7

Paywan ashkha israelitakunapis jamullarqankutaj. Chaykunamanta wakin karqanku sacerdotekuna, wakintaj levitakuna, takejkuna, punkuta qhawajkuna, wakintaj Temploj kamachinpi ruwajkuna. Paykunataj Babiloniamanta puririmorqanku, kuraj kamachej Artajerjes qanchis watataña kamachishajtin.

Esdras 8:2

Finespa ayllunmanta Gersón, Itamarpa ayllunmantataj Daniel, Davidpa ayllunmantataj Jatús.