Esdras 7:6 - DIOSPA QHELQACHISQ

⁶ Esdrasqa Tata Diospa kamachisqanmanta yachachej karqa, paytaj, Israelpa Tata Diosnin ima kamachisqatachus Moisesman qorqa, chaymanta sumajta yacharqa. Tata Dios payta yanapasqanraykutaj, kuraj kamachej Artajerjesqa tukuy ima mañasqanta payman qorqa. Chay jinamanta Esdras Babiloniamanta Jerusalenman jamorqa.

Qheshwa Biblia DC

^6-7 Kay Esdrasqa may umayoj yachachej karqa, Israelpa Señor Diosnin kamachiyta Moisesman qorqa chaymanta sumajta pay yacherqa. Señortaj paywan karqa yanapanampaj, chaynejta rey Artajerjesqa tukuy ima mañasqanta payman qorqa. Chay jinamanta Esdrasqa kutimporqa Babiloniamanta Jerusalenman. Paywantaj kutimporqanku ashkha israelitas. Chaykunamanta wakin karqanku sacerdotes, wakintaj levitas, takejkuna, punkuta qhawajkuna, wakintaj templopi sirvejkuna. Paykunaqa Babiloniamanta llojsimusqanku rey Artajerjes qanchis watataña kamachishajtin.

DIOSPA QHELQACHISQAN DEUTEROCANONICAL

⁶ Esdrasqa Tata Diospa kamachisqanmanta yachachej karqa, paytaj, Israelpa Tata Diosnin ima kamachisqatachus Moisesman qorqa, chaymanta sumajta yacharqa. Tata Dios payta yanapasqanraykutaj, kuraj kamachej Artajerjesqa tukuy ima mañasqanta payman qorqa. Chay jinamanta Esdras Babiloniamanta Jerusalenman jamorqa.

Esdras 7:6 ပူးပေါင်းရင်းမြစ်များ

Génesis 32:28

28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

Esdras 5:5

Chaywanpis judiokunaj kurajninkutaqa Dios waqaychasharqa. Chayrayku mana jark'arqankuchu Templo ruwanankuta, kuraj kamachej Darioman cartata apachejtinku kutichimunankama.

Esdras 6:22

Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Esdras 7:21

Noqa, kuraj kamachej Artajerjesqa kaytawan kamachini, Éufrates mayoj chimpanpi kaj tukuynin qolqe waqaychajkunaman: Janaj pachapi Diospa kamachisqanmanta sumajta yachaj Esdras sacerdotemanqa tukuy ima mañasqanta jaywaychejpuni:

Esdras 7:28

Diostaj rikuchiwarqa k'acha kayninta kuraj kamachejpa ñawpaqenpi, umachajninkunaj ñawpaqenkupi, chantá kamachiyninpi kuraj runakunaj ñawpaqenkupi ima. Tata Dios sonqochawarqa, paypa yanapayninwantaj Israelpa kurajninkunata tantaykuyta aterqani, noqawan khuska kutimpunankupaj, nispa.

Esdras 7:5

Buquitaj Abisuajta churin, Abisuataj Finespa churin, Finestaj Eleazarpa churin, Eleazartaj ñawpaj kaj sacerdote Aaronpa churin karqa.

Esdras 7:9

Diospa yanapayninwan Esdras, paywan purejkunawan ima Babiloniamanta puririmusqanku ñawpaj kaj killa qallariypi, jinataj Jerusalenman chayamorqanku phishqa kaj killa qallariypi chay kikin watapi.

Esdras 8:1

Kaykuna kanku wasi ayllu kamachejkuna, ayllunkumanta qhelqasqaman jina, Artajerjes kamachishajtin, Babiloniamanta noqawan khuska kutimporqanku, chaykunaj sutinku:

Esdras 8:18

Diosninchej sumajta yanapawasqaykurayku, paykunaqa Serebías sutiyoj sumaj yachayniyoj runata kachamuwarqayku. Payqa Majali sutiyoj levitaj ayllunmanta karqa. Wawankunawan, wawqenkunawantaj chunka pusajniyoj runakuna karqanku.

Esdras 8:22

P'enqakorqani Babiloniapi kaj kuraj kamachejmanta caballopi purej soldadokunata mañakuyta, ñanpi awqakunamanta waqaychanawaykupaj, imaraykuchus kuraj kamachejman nerqaykuña: Diosqa waqaychan payta mask'ajkunata. Payta saqerajkunarí k'araj phiñakuyninta rikonqanku, nispa.

Esdras 8:31

Ahava mayumanta purirerqayku wata killa qallariypi chunka iskayniyoj kaj p'unchaypi, Jerusalenman ripunaykupaj. Chantá Diosniyku yanapawarqayku, waqaychawarqaykutaj ñanpi sajra runakunamanta, awqaykunamantawan.

Nehemías 12:26

Chaykunaqa kawsarqanku Josadacpa allchhin Josuejpa churin Joyacinpa p'unchayninpi, jinataj kamachej Nehemiaspa, chantá sacerdote yachachej Esdraspa p'unchayninpi ima.

Nehemías 12:36

Chay jawa ayllunkumanta karqanku: Semaías, Azarael, Milalay, Guilalay, May, Natanael, Judá, Jananí ima. Chaykunaqa Diospa kamachin Davidpa ruwachisqan tocanakunata tocaspa risharqanku. Paykunaj ñawpaqenkutataj yachachej Esdras risharqa.

Nehemías 2:12

Chaymantaqa wakinkunawan tuta jatarikorqani, manataj pimanpis willarqanichu, imatachus Dios sonqoyman niwasqanta Jerusalenpi ruwanaypaj. Manataj waj caballokunataqa aparqanichu, purisharqani, chayllata aparqani.

Nehemías 2:18

Chantá willarqani Dios imaynatachus khuyakuyninwan yanapawasqanta, jinataj imatachus kuraj kamachej parlawasqantapis. Paykunataj niwarqanku: Perqayta qallarinachej, nispa. Paykunataj sumajta kallpachanakuspa, perqayta qallarerqanku.

Nehemías 2:8

Waj cartatapis qollawankimantaj kuraj kamachejpa sach'ankunata qhawaj Asafpaj, kurkukunata qonawanpaj. Chaywan Diospa Templonpa punkunkunata churasaj, jinallataj llajtaj perqanpa punkunkunata, chantá maypichus tiyakusaj, chay wasipajpis, nispa. Kuraj kamachejtaj tukuy mañasqayta qowarqa, Dios khuyarikuwaspa yanapawasqanrayku.

Nehemías 4:15

Chantá awqaykukunaqa yachakorqanku noqayku paykunata suyaykushasqaykuta, Diostaj imatachus ruwayta munawasqaykuta pantachisqanta. Noqaykutajrí tukuyniyku perqa ruwayman watej kutillarqaykutaj sapa uj ruwananman.

Nehemías 8:1

Tukuy runakuna uj runa jinalla plazapi, Yaku punkoj ñawpaqenpi tantakorqanku. Chantá yachachej Esdrasta nerqanku: Ama jinachu kay, aparimuy Tata Diospa qosqan qhelqata, mayqentachus Moisesnejta Israelman qosqa, chayta, nispa.

Nehemías 8:13

Q'ayantenqa, sapa ayllumanta kurajkuna, chantá sacerdotekuna, levitakuna ima yachachej Esdraswan tantakorqanku, Diospa kamachisqan qhelqa imatachus nisqanta yachaqanankupaj.

Nehemías 8:4

Yachachej Esdrasqa tarima patapi sayasharqa. Pañanpi kaykuna karqanku: Matatías, Semá, Anías, Urías, Hilcías, Maseías ima. Lloq'enpitaj karqanku: Pedaías, Misael, Malquías, Jasún, Jasbadana, Zacarías, Mesulán ima.

Nehemías 8:9

Chaypi tantasqa runakunaqa Diospa kamachisqanmanta uyarispa, waqarqanku. Chayrayku kamachej Nehemiasqa, yachachej sacerdote Esdraspis, levitakuna ima tukuy runata nerqanku: Kay p'unchayqa Tata Diospaj t'aqasqan, chayrayku ama llakikuychejchu nitaj waqaychejchu, nispa.

Nehemías 9:13

Chaymanta Sinaí orqoman urayk'amorqanki, paykunamantaj parlamorqanki. Cheqan kamachisqaykita, cheqan sumaj yachachisqaykita ima paykunaman qorqanki.

Salmos 109:27

Tata Dios, paykuna yachachunku kay tukuy ima qanmanta kasqanta, qannejta ruwasqa kasqanta ima.

Salmos 147:19

Diosqa Jacobman, pichus Israel sutillayojtaj kashan, chayman kamachisqanta, yachachisqantapis rejsicherqa.

Salmos 45:1

1 (2) K'acha misk'i yarawi sonqoypi junt'a kashan. Chayrayku kuraj kamachejpa ñawpaqenpi yarawiyta takisaj, simiytaj sumajta qhelqayta yachajpa lapiznin jina kanqa.

Salmos 80:18

18 (19) Chantá manaña jayk'ajpis qanmanta karunchakusqaykuchu. Kawsayta qowayku, noqaykutaj qanllatapuni yupaychasqayku.

Proverbios 3:6

Tukuy ima ruwasqaykipi Tata Diosmanta yuyarikuy. Paymin cheqan ñanta pusasonqa.

Isaías 50:2

Imaraykutaj jamuspa, mana pitapis tariparqanichuri? Imaraykutaj wajyashajtiypis, mana pipis kutichiwarqachuri? Ima kajtinpis, manachu atiyman kacharichiytari? Manañachu atiyneyqa kasqa paykunata kacharichinaypaj? Ujta nispalla, mama qochata ch'akichini, mayukunatapis ch'aki pampaman tukuchini. Chaypi kaj challwakunapis yakumanta jina wañuraspa, asnanku.

Isaías 59:1

Uyariychej, Tata Diospa atiynenqa mana pisiyapunchu kacharichisuyta atinanpaj, manataj ninrinpis joq'arayapunchu mana uyarisuyta munananpaj.

Jeremías 8:8

Imaynatataj qankuna niwajchej: Yachayniyoj kayku, imaraykuchus Tata Diospa kamachisqankuna qhelqasqa tiyapuwayku, nispari? Chay kamachisqakunata yachachejkuna yapaykuspa qhelqanku, manataj maychus kajta yachachinkuchu.

San Mateo 13:52

Chantá Jesús paykunata nillarqataj: Chayrayku, Diospa kamachisqanmanta pi yachachejpis Diospa janaj pacha kamachiyninmanta yachaqakuspa, uj wasiyojman rijch'akun. Chay wasiyojqa waqaychananmanta orqhomusqa mosoj imakunata, mawk'a imakunatawan ima, nispa.

San Mateo 23:2

Fariseokunawan, Diospa kamachisqanmanta yachachejkunawan imaqa Moisespa cuentanmanta Diospa kamachisqanta yachachinku.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

1 Corintios 1:20

Ajinaqa, maytaj chay yachayniyojri? Maytaj chay yachachejri? Maypitaj kay pachapi kaj imakunamanta churanakoj kashanri? Diosqa payta mana qhatejkunaj yachayninkuta p'enqaypi rikhuricherqa.

1 Corintios 15:1

Kunanqa, wawqe panakuna, Jesusmanta sumaj willayta willasqaymanta yuyarichiykichej. Qankuna chay sumaj willayta jap'ikorqankichej, chaypitaj sinch'ita sayashankichej.

Deuteronomio 28:1

Sichus qan Tata Diosniykej tukuy nisqanta cheqapuni kasunki, chantá kunan qoshayki, chay kamachisqakunata kasuspa, ruwanki chayqa, Tata Diosniyki kay pachapi tukuy suyumanta aswan pataman churasonqa.

Deuteronomio 4:5

Noqaqa Tata Diosniy kamachiwasqanman jina kamachisqanta, nisqantawan ima yachacherqaykichej, jap'inkichej chay jallp'api kasunaykichejpaj.