Esdras 7:27 - DIOSPA QHELQACHISQ

²⁷ Chaypacha Esdrasqa Tata Diosta kay jinata jatuncharqa: Tatanchejpata Tata Diosnin jatunchasqa kachun, pichus churarqa kuraj kamachejpa sonqonpi Jerusalenpi Tata Diospa Templonta jatunchananpaj, chay.

Qheshwa Biblia DC

²⁷ Chaypacha Esdrasqa Diosta yupaycharqa kay jinata: Tatasniykojpata Diosnenqa Señornintaj yupaychasqa kachun, Pay churarqa reypa sonqompi Jerusalempi kaj Señorpa templonta jatunchanampaj.

DIOSPA QHELQACHISQAN DEUTEROCANONICAL

²⁷ Chaypacha Esdrasqa Tata Diosta kay jinata jatuncharqa: Tatanchejpata Tata Diosnin jatunchasqa kachun, pichus churarqa kuraj kamachejpa sonqonpi Jerusalenpi Tata Diospa Templonta jatunchananpaj, chay.

Esdras 7:27 ပူးပေါင်းရင်းမြစ်များ

2 Crónicas 31:8

Kuraj kamachej Ezequías yanapajninkunawan chay tantasqankuta qhawaj rispa, Tata Diosta jatuncharqanku, Israel ayllutataj samincharqanku.

Esdras 6:22

Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Nehemías 2:12

Chaymantaqa wakinkunawan tuta jatarikorqani, manataj pimanpis willarqanichu, imatachus Dios sonqoyman niwasqanta Jerusalenpi ruwanaypaj. Manataj waj caballokunataqa aparqanichu, purisharqani, chayllata aparqani.

Nehemías 2:8

Waj cartatapis qollawankimantaj kuraj kamachejpa sach'ankunata qhawaj Asafpaj, kurkukunata qonawanpaj. Chaywan Diospa Templonpa punkunkunata churasaj, jinallataj llajtaj perqanpa punkunkunata, chantá maypichus tiyakusaj, chay wasipajpis, nispa. Kuraj kamachejtaj tukuy mañasqayta qowarqa, Dios khuyarikuwaspa yanapawasqanrayku.

Nehemías 7:5

Chaypacha Diosqa sonqoyman churarqa kuraj runakunata, aylluta kamachejkunata, tukuy Judapi kaj runakunatapis tantaykunayta, sapa ayllunkuman jina listaykunaypaj ñawpaj chayamojkunaj sutinkunata uj qhelqapi qhelqasqata. Chaypitaj kay jina qhelqasqa kasqa:

Éxodo 8:9

9 (5) Moisestaj kuticherqa: Niway: Qanrayku, tukuy yanapajniykikunarayku, chantá tukuy runaykikunarayku ima, mayk'ajtaj Tata Diosmanta mañapusunayta munawajri? Ajinata k'aylankulakunaqa qanmanta, wasiykimantapis karunchasqa kanqanku, mayullapiñataj qhepakonqanku, nispa.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Isaías 60:13

Tata Diosqa Jerusalenta ajinata nillantaj: Líbanoj qhapaj kayninta qanman apamonqanku, ciprés sach'akunata, pino sach'akunata ima. Ajllakusqay cheqaqa chaykunawan k'achanchasqa kanqa, maypichus noqa tiyakuni, chayta aswan sumajman tukuchinaypaj.

San Lucas 7:5

imaraykuchus payqa ayllunchejta munakun. Tantakuna wasitapis ruwachipuwanchej, nispa.

2 Corintios 8:16

Noqaqa Diosta pachis nini, imaraykuchus pay Titoj sonqonman churarqa qankunamanta yuyarikunanpaj, imaynatachus noqa qankunamanta yuyarikunipuni, ajinallatataj.

Filipenses 4:10

Noqaqa Tukuyta Kamachej Jesusta may jinatapuni jatunchani, qankuna ujtawan yuyarikuwasqaykichejmanta. Yachani qankuna noqamanta mana qonqapuwasqaykichejta. Qankuna yanapawayta munarqankichej chaypis, mana aterqankichejchu.

Hebreos 10:16

Qhepanejman paykunawan kay jina tratota ruwasaj: Noqaqa sonqonkuman kamachisqayta churasaj, yuyayninkupitaj qhelqasaj, nispa Tata Dios nin.

Hebreos 8:10

Chayrayku chay p'unchay, kay jina mosoj tratota Israel aylluwan ruwasaj, nispa Tata Dios nin: Yuyayninkuman kamachisqayta churasaj, sonqonkupitaj nisqayta qhelqasaj. Noqa Diosninku kasaj, paykunataj noqaj aylluy kanqanku.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

Apocalipsis 17:17

Ajina chay phisu warmiwan kanqa, imaraykuchus Diosqa sonqonkuman churanqa paypa munayninta ruwanankupaj, parlarikuspataj, kamachinapaj atiyta puka sierpeman qonankupaj, Diospa nisqan junt'akunankama.