Esdras 7:25 - DIOSPA QHELQACHISQ

²⁵ Qantaj Esdras, Diosniyki yachayta qosusqanman jina juezkunata churay, kamachejkunatawan, Éufrates mayoj chimpanpi tiyakojkunapaj justiciata ruwanankupaj, pikunachus Diosniykej kamachisqanta yachanku, chaykunapaj. Pikunachus manaraj yachankuchu, chaykunamantaj Diospa kamachisqanta yachachiy.

Qheshwa Biblia DC

²⁵ Qantaj Esdras, Diosniyki yachayta qosunki chayman jinaqa, juecesta churay, kamachejkunatawan, Eufrates mayoj chimpampi kaj tukuy runasta cheqanchanankupaj, Diosniykej leyninta yachanku chaykunata. Manaraj yachankuchu chaykunamantaj yachachiy.

DIOSPA QHELQACHISQAN DEUTEROCANONICAL

²⁵ Qantaj Esdras, Diosniyki yachayta qosusqanman jina juezkunata churay, kamachejkunatawan, Éufrates mayoj chimpanpi tiyakojkunapaj justiciata ruwanankupaj, pikunachus Diosniykej kamachisqanta yachanku, chaykunapaj. Pikunachus manaraj yachankuchu, chaykunamantaj Diospa kamachisqanta yachachiy.

Esdras 7:25 ပူးပေါင်းရင်းမြစ်များ

Génesis 41:38

Chantá faraón nerqa: Joseta jina Diospa espiritunwan kaj runataqa mana maypipis tarisunmanchu, nispa.

Génesis 41:39

Chantá faraonqa Joseta nerqa: Mana pipis qan jina sumaj yuyayniyoj, yachayniyoj runaqa kanchu. Kay tukuy imachus kananmanta Diosllamin qanman yachachisunki.

1 Reyes 3:28

Israelmanta tukuy runakunaqa chay jina cheqan justiciata ruwasqanta uyarispa, kuraj kamachej Salomonta may jatunpaj qhawarqanku, imaraykuchus paykuna repararqanku Diosmanta yachayniyoj kayqa paypi kasqanta, cheqanta ruwananpaj.

2 Reyes 17:27

Chantá Asiria suyuta kuraj kamachej nerqa: Chay llajtamanta kayman apamusqaykichej sacerdotekunamanta ujninta jaqayman kutichiychej, jaqaypi tiyakuspa, Diosninpa kamachisqanta chaypi tiyakojkunaman yachachinanpaj, nispa.

1 Crónicas 22:12

Tata Diostaj sumaj yuyayta yachaytawan ima qosuchun, Israel suyuta kamachishaspa, Tata Diosniykej kamachisqanta junt'anaykipaj.

1 Crónicas 23:4

Chaykunamanta 24.000 qharikuna Tata Diospa Templonta qhawaspa ruwachinankupaj churasqa karqanku. Juezkuna kanankupaj 6.000 kamachejkunata churarqanku.

Esdras 10:4

Sayarillayña, imaraykuchus qanmin kayta ruwanayki tiyan, noqaykutaj nisqaykiman jina ruwasqayku. Kallpachakuspa, qallariypacha, nispa.

Esdras 6:6

Chayta ñawiriytawan, kuraj kamachej Darío kay jinata kamacherqa: Éufrates mayu chimpapi kamachej Tatenay, chantá Setar Bosnay, kamachej masiykichejkunawan ima,

Esdras 7:10

Tata Diosqa Esdrasta yanaparqa, imaraykuchus Esdrasqa sonqonta churarqa Tata Diospa kamachisqanta sumajta yachaqananpaj, chantá junt'ananpajtaj, jinataj israelitakunaman yachachinanpaj.

Esdras 7:14

Noqa Artajerjes, qanchis yuyaychajniykunawan ima qanta kachashasuyku yachamunaykipaj Judapi, jinallataj Jerusalenpipis Diospa kamachisqanta imaynatachus junt'ashasqankuta, imaraykuchus qan chay kamachisqakunata sumajta rejsinki.

Nehemías 9:3

Chaypi sayashajtinkutaj, levitakunapis tukuypa uyarinanta kinsa phanitapuni Tata Diosninkoj kamachisqanta jatunmanta ñawirerqanku. Waj kinsa phanitawan chay runakunaqa Tata Diosman juchankuta rimarerqanku, chantá Tata Diosta yupaycharqanku.

Salmos 19:7

Tata Diospa yachachisqanqa mana pantayniyoj kaspa, runaj sonqonta kawsarichin. Tata Diospa kamachisqanqa cheqanpuni, jinataj mana yachayniyojta yachayniyojman tukuchin.

Proverbios 2:6

Tata Diosmin yachaytaqa qon. Tukuy yachay, yuyayniyoj kaypis siminmanta llojsimun.

Proverbios 6:23

Cheqamanta kamachisqankoqa jap'ichisqa lámpara jina, yachachiyninkutaj k'anchay jinallataj. K'amiykuna, yuyaychaykuna ima, imaynatachus kawsanaykita rikuchisonqanku.

Malaquías 2:7

Sacerdotekunaqa runakunaman yachachinanku tiyan imaynatachus noqata rejsinawankuta, munayniyman jina purinankupaj. Chantá tukuy runakuna paykunaman rinanku tiyan yachayta jap'ikunankupaj, imaraykuchus sacerdotekunaqa Tukuy Atiyniyoj Tata Diospa kachankuna kanku.

San Mateo 13:52

Chantá Jesús paykunata nillarqataj: Chayrayku, Diospa kamachisqanmanta pi yachachejpis Diospa janaj pacha kamachiyninmanta yachaqakuspa, uj wasiyojman rijch'akun. Chay wasiyojqa waqaychananmanta orqhomusqa mosoj imakunata, mawk'a imakunatawan ima, nispa.

Marcos 6:34

Chantá Jesusqa botemanta urayk'uspa, ashkha runata rikorqa. Paytajrí paykunata khuyakuywan qhawarqa, mana michejniyoj oveja jina kasqankurayku. Chantá paykunaman tukuy imata Diosmanta yachachiyta qallarerqa.

Deuteronomio 16:18

Tata Diosniykichej qosonqachej, chay llajtakunapi juezkunata, kurajkunatawan ima churankichej, paykuna tukuypaj justiciata ruwanankupaj.

Colosenses 1:28

Chayrayku Cristomanta willayku tukuy runata yuyaychaspa, tukuy yachaywan yachachispa ima. Ajinata ruwayku tukuy runata Cristowan ujchasqa kawsakunapi yuyayninpiña kashajta rikhurichinaykupaj.

Santiago 1:5

Sichus qankunamanta mayqellanpis pisi yachayniyoj kanman chayqa, Diosmanta mañakuchun. Diostaj yachayta payman qonqa, imaraykuchus Diosqa tukuy mañakojkunaman mana mich'akuspa nitaj rimakuspa qon.