Esdras 7:14 - DIOSPA QHELQACHISQ

¹⁴ Noqa Artajerjes, qanchis yuyaychajniykunawan ima qanta kachashasuyku yachamunaykipaj Judapi, jinallataj Jerusalenpipis Diospa kamachisqanta imaynatachus junt'ashasqankuta, imaraykuchus qan chay kamachisqakunata sumajta rejsinki.

Qheshwa Biblia DC

¹⁴ Noqa reyqa, qanchis umachaj runasniywan ima qantaqa kachashasuyku yachamunaykipaj, Judapi, jinallataj Jerusalempipis imaynatachus junt'ashasqankuta Diospa kamachisqasninta, makiykipi jap'ishanki chayta.

DIOSPA QHELQACHISQAN DEUTEROCANONICAL

¹⁴ Noqa Artajerjes, qanchis yuyaychajniykunawan ima qanta kachashasuyku yachamunaykipaj Judapi, jinallataj Jerusalenpipis Diospa kamachisqanta imaynatachus junt'ashasqankuta, imaraykuchus qan chay kamachisqakunata sumajta rejsinki.

Esdras 7:14 ပူးပေါင်းရင်းမြစ်များ

Esdras 1:3

Paymin Israelpa Diosnin, Jerusalenpitaj kashan. Chayrayku pikunachus Diospa ayllunmanta kankichej, tukuyniykichejwan Dios kachun, qankunatataj yanapachun Judapi kaj Jerusalenman rispa, Tata Diospa Templonta sayarichimunaykichejpaj.

Esdras 5:8

Kayta willamuyku qanman: Judá jap'iyta watumuspa, atiyniyoj Diospa Templonta rikorqayku. Chay wasita watejmanta ruwashanku jatuchaj sumaj ch'eqosqa rumiwan. Kunantaj perqaman tablakunata churaykushankuña. May usqhayllata ruwashanku.

Esdras 6:12

Sichus mayqen kuraj kamachejpis, chayrí llajtapis, Jerusalenpi kashan, chay Temploj contranpi mana allinta ruwayta munanqa chayqa, pichus sutin yupaychasqa kananpaj Jerusalenta ajllakoj Diosmin paytaqa chinkarparichichun. Noqa Darío kaytaqa kamachini, kay nisqaytaj kikinpuni junt'akuchun, nispa.

Esdras 6:8

Jinallataj kamachiykichej qankunaqa judiokunaj kurajninkuta yanapanaykichejta, Diospa Templonta watejmanta ruwachinankupaj. Éufrates mayu chimpamanta noqapaj impuesto qolqeta paganku, chay qolqemanta orqhospa, ruwajkunaman pagankichejpuni ajinamanta Templo ruwanaqa ama sayananpaj.

Esdras 7:15

Noqa chantá yuyaychajniykuna ima tukuy sonqo qolqe metalta, qoritawan qoyku, chayta Jerusalenpi kaj Israelpa Diosninman apanaykipaj.

Esdras 7:28

Diostaj rikuchiwarqa k'acha kayninta kuraj kamachejpa ñawpaqenpi, umachajninkunaj ñawpaqenkupi, chantá kamachiyninpi kuraj runakunaj ñawpaqenkupi ima. Tata Dios sonqochawarqa, paypa yanapayninwantaj Israelpa kurajninkunata tantaykuyta aterqani, noqawan khuska kutimpunankupaj, nispa.

Esdras 8:25

Paykunamantaj qolqe metalta, qorita, Diosta yupaychanapaj imakunatawan tupuspa jaywarqani, mayqentachus kuraj kamachej, chantá yuyaychajninkunawan, kurajkunawan, tukuy chaypi kaj israelitakunapiwan qosqanku Diosniykoj Templonpaj, chaykunata.

Ester (hebreo) 1:14

Chaypacha kaykunaqa kuraj kamachejwan kasharqanku: Carsena, Setar, Admata, Tarsis, Meres, Marsena, Memucán ima. Paykuna kuraj kamachejta yuyaychaspa, kamachiyninpi yanapaj kanku, imaraykuchus paykuna Persiamanta, Mediamantawan kamachejpa ajllasqan kurajkuna karqanku.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Daniel (hebreo) 6:20

20 (21) Chantá may llakisqa qayllaykuspa, Danielta wajyarqa: Daniel, kawsaj Diospa kamachin, pitachus tukuy sonqo kasuspa yupaychanki, chay Diosniyki leonkunamanta kacharichisuyta aterqachu? nispa.

Daniel (hebreo) 6:26

26 (27) Kayta kamachini: Tukuynin suyuypi Danielpa Diosninta manchachikuychej, kharkatitispataj payllamantaj k'umuykuychej, imaraykuchus paymin kawsaj Diosqa. Payllapuni wiñaypaj wiñaynintinkama kawsan. Kamachiynenqa mana jayk'ajpis chinkarenqachu, nitaj atiyninpis tukukonqachu.

Zacarías 6:10

Pikunachus Babiloniaman apasqa karqanku, chay kutimojkunamanta Jelday, Tobías, Jedaías ima ofrendata apamushanku. Chayrayku kunanpacha Sofoniaspa churin Josiaspa wasinman rispa, chay ofrendata jap'iy.