Esdras 7:13 - DIOSPA QHELQACHISQ

¹³ Noqa kamachini: Kamachisqay suyupi kashanku, chay tukuy israelitakunamanta pikunachus qanwan khuska Jerusalenman ripuyta munajkuna rillachunku, chantá sacerdotekunapis, jinallataj levitakunapis.

Qheshwa Biblia DC

¹³ Noqa kamachini, reinoypi kashanku chay tukuy israelitasmanta qanwan khuska Jerusalenman ripuyta munajkunaqa ripullachunku, chanta sacerdotespis, jinallataj levitaspis.

DIOSPA QHELQACHISQAN DEUTEROCANONICAL

¹³ Noqa kamachini: Kamachisqay suyupi kashanku, chay tukuy israelitakunamanta pikunachus qanwan khuska Jerusalenman ripuyta munajkuna rillachunku, chantá sacerdotekunapis, jinallataj levitakunapis.

Esdras 7:13 ပူးပေါင်းရင်းမြစ်များ

2 Crónicas 30:5

Chaytataj tukuy Israel suyuman Bersebamantapacha Dan chaynejkama willarachinankuta nerqanku Jerusalenpi Israelpa Tata Diosninpa Pascua raymita ruwaj jamunankupaj. Unayña Pascua raymita mana kamachisqa kasqanman jinachu ruwasqanku.

Esdras 1:3

Paymin Israelpa Diosnin, Jerusalenpitaj kashan. Chayrayku pikunachus Diospa ayllunmanta kankichej, tukuyniykichejwan Dios kachun, qankunatataj yanapachun Judapi kaj Jerusalenman rispa, Tata Diospa Templonta sayarichimunaykichejpaj.

Esdras 5:13

Chay qhepatarí kuraj kamachej Ciroqa uj wataña Babiloniapi kamachishaspa, Diospa Templon watejmanta ruwakunanta kamachisqa.

Esdras 6:1

Chantá kuraj kamachej Darioqa kamacherqa chayta Babiloniapi mask'anankuta, maypichus qhelqakunata waqaychaj kanku, chaypi.

Ester (hebreo) 3:15

Chantapis chaskikunaqa kuraj kamachejpa kamachisqanman jina tukuy llajtakunaman usqhayta chay cartata apararqanku. Jinallataj kuraj kamachejpa tiyanan Susa llajtapi sut'inchakojtin, llajtayojkunaqa maytapuni qhollpikusharqanku chay imakunata yachaspa. Chaykamataj kuraj kamachejwan, Amanwanqa tiyaykurispa, vinowan ch'allarisharqanku.

Ester (hebreo) 9:14

Chantá kuraj kamachej nerqa ajinata ruwanankuta. Susa llajtapi chay kamachisqata willarachimorqa, judiokunataj Amanpa chunkantin churinkunaj ayankuta sipinaman warkhorqanku.

Salmos 110:3

Maqanakoj llojsinayki p'unchayta soldadoykikunaqa sonqomanta munaspa, qanwan khuska maqanakonqanku qanpaj t'aqakusqayki orqopi. Inti llojsimuyta kallpaykeqa chhullawan jina mosojyachisqa kanqa.

Salmos 148:6

Payqa tukuy imata maychus kananman churarqa wiñay wiñaynintinpaj. Kamachisqanqa mana waj jinaman tukuchisqa kanmanchu.

Daniel (hebreo) 6:26

26 (27) Kayta kamachini: Tukuynin suyuypi Danielpa Diosninta manchachikuychej, kharkatitispataj payllamantaj k'umuykuychej, imaraykuchus paymin kawsaj Diosqa. Payllapuni wiñaypaj wiñaynintinkama kawsan. Kamachiynenqa mana jayk'ajpis chinkarenqachu, nitaj atiyninpis tukukonqachu.

Filipenses 2:13

Ajinata ruwaychej, imaraykuchus Diosmin allin kajta ruwayta munachisunkichej, payllataj ruwanaykichejpaj yanapasunkichej sonqonpa munasqanman jina.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.