Esdras 7:12 - DIOSPA QHELQACHISQ

¹² Noqaqa kamachejkunaj kuraj kamachejnin Artajerjes kani, noqataj kayta qhelqashani janaj pachapi kaj Diospa kamachisqanmanta sumajta yachaj sacerdote Esdrasman. Tukuy sonqo napaykuyki:

Qheshwa Biblia DC

¹² Chay cartataj kay jina karqa: Reykunaspata kuraj reynin Artajerjesqa napaykun, janaj pachapi kaj Diospa yachachiyninmanta sumaj yachayniyoj sacerdote Esdrasta:

DIOSPA QHELQACHISQAN DEUTEROCANONICAL

¹² Noqaqa kamachejkunaj kuraj kamachejnin Artajerjes kani, noqataj kayta qhelqashani janaj pachapi kaj Diospa kamachisqanmanta sumajta yachaj sacerdote Esdrasman. Tukuy sonqo napaykuyki:

Esdras 7:12 ပူးပေါင်းရင်းမြစ်များ

1 Reyes 20:1

Chaymanta qhepaman Siriata kuraj kamachej Ben Adadqa tukuy soldadonkunata tantaykorqa. Paywan kinsa chunka iskayniyoj kuraj kamachejkuna rerqanku ashkha caballokunawan, carretakunawan ima. Chaykunawan rispataj, Samaria llajtata muyuykuspa, maqanakorqankupacha.

1 Reyes 4:24

24 (5.4) Ajinata churaj kanku, imaraykuchus Salomonqa chay tukuynin suyuta kamacherqa, Éufrates inti yaykuynejmanta, Tifesajmanta Gaza chaynejkama, chay tukuy suyupitaj allin kawsay karqa.

Esdras 1:2

Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Esdras 4:17

Chantá kuraj kamachej Artajerjesqa kutichispa, kay jinata qhelqacherqa: Kamachej Rejún, qhelqeri Simeyta, chantá, Samariapi tiyakunku chay wakin kamachej masiykichej, jinallataj Éufrates mayoj inti yaykuynej ladopi tiyakojkunapis, napaykamuykichej.

Esdras 7:1

Chaymanta qhepaman Persiapi kuraj kamachej Artajerjes kamachishajtin, uj runa karqa, Esdras sutiyoj. Payqa Seraiaspa churin karqa. Seraiastaj Azariaspa churin, Azariastaj Hilciaspa churin karqa.

Esdras 7:11

Ajina Esdras sacerdoteqa sumaj yachayniyoj karqa, Tata Dios imatachus Israelman qorqa, chay tukuy yachachisqakunamanta, kamachisqakunamantawan. Jinapi manaraj Esdras Jerusalenman puririmushajtin, kuraj kamachej Artajerjesqa Esdrasman uj cartata jaywasqa, chay cartataj kay jina karqa:

Esdras 7:6

Esdrasqa Tata Diospa kamachisqanmanta yachachej karqa, paytaj, Israelpa Tata Diosnin ima kamachisqatachus Moisesman qorqa, chaymanta sumajta yacharqa. Tata Dios payta yanapasqanraykutaj, kuraj kamachej Artajerjesqa tukuy ima mañasqanta payman qorqa. Chay jinamanta Esdras Babiloniamanta Jerusalenman jamorqa.

Isaías 10:8

Pay jatunchakuspa, ajinata nin: Tukuy yanapawajkuna kuraj kamachejkuna kanqanku.

Ezequiel 26:7

Tukuyta Kamachej Tata Dios ajinata nillantaj: Noqaqa wichaynejmanta Babiloniata kuraj kamachej Nabucodonosorta Tiroj contranpi kachaykamusaj. Paymin tukuy kuraj kamachejkunamanta nisqaqa aswan atiyniyoj. Chayrayku pay jamonqa caballokunawan, carretakunawan, carretata purichejkunawan, may ashkha soldadokunawan ima.

Daniel (hebreo) 2:37

Kamachejníy, qan tukuynin kuraj kamachejkunamanta aswan atiyniyoj kanki, imaraykuchus janaj pachapi kaj Diosmin kamachinata, atiyta, kallpata ima qorqasunki jatunchasqa kanaykipaj.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

1 Timoteo 6:15

Chantá k'ata Diosqa maychus tiemponpi Jesucristota rikhurichimonqa. Paymin yupaychasqa k'ata Kuraj Kamachejqa, tukuy kuraj kamachejkunaj kamachejnin, waj kamachejkunaj Kurajninkutaj.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.