Esdras 6:9 - DIOSPA QHELQACHISQ

⁹ Amallataj qonqaychejchu sapa p'unchay kay imakunata jaywayta Jerusalenpi sacerdotekunaj nisqankuman jina: Torillokunatachus, carnerokunatachus, chayrí corderokunatachus, janaj pachapi kaj Diosman jaywaspa q'olachinankupaj. Paykunaman qollankichejtaj trigota, kachita, vinota, aceitetawan ima.

Qheshwa Biblia DC

⁹ Sapa p'unchay paykunaman entregasqapuni kachun Jerusalempi kaj sacerdotespa nisqankuman jina, imastachá mañanqanku chay tukuyta: Torillustachus, carnerostachus, corderostachus, janaj pachapi kaj Diosman jaywaspa ruphachinankupaj; manachayqa, trigotachus, kachitachus, vinotachus, aceitetachus.

DIOSPA QHELQACHISQAN DEUTEROCANONICAL

⁹ Amallataj qonqaychejchu sapa p'unchay kay imakunata jaywayta Jerusalenpi sacerdotekunaj nisqankuman jina: Torillokunatachus, carnerokunatachus, chayrí corderokunatachus, janaj pachapi kaj Diosman jaywaspa q'olachinankupaj. Paykunaman qollankichejtaj trigota, kachita, vinota, aceitetawan ima.

Esdras 6:9 ပူးပေါင်းရင်းမြစ်များ

1 Crónicas 9:29

Wakintaj churasqa karqanku chuwakunata, qerukunata, Templopi imachus kajta qhawanankupaj. Jinallataj jak'uta, vinota, aceiteta, inciensota, sumaj q'apashaj jawinata ima qhawanallankupajtaj.

Esdras 6:10

Ajinamanta chay imakunata ima munay q'apashajta jaywanqanku janaj pachapi kaj Diosman, chantapis noqapaj, wawaykunapajpis Diosmanta mañaripuwasqayku.

Esdras 6:8

Jinallataj kamachiykichej qankunaqa judiokunaj kurajninkuta yanapanaykichejta, Diospa Templonta watejmanta ruwachinankupaj. Éufrates mayu chimpamanta noqapaj impuesto qolqeta paganku, chay qolqemanta orqhospa, ruwajkunaman pagankichejpuni ajinamanta Templo ruwanaqa ama sayananpaj.

Isaías 49:23

Kuraj kamachejkuna uywaqeykikuna kanqanku, qoyakunapis ñuñuchisojkuna kanqanku. Paykunaqa pampakama ñawpaqeykipi k'umuykukonqanku. Chakiykipi jallp'a kajtapis qallunkuwan llajwanqanku. Ajinapi qan yachanki noqa Tata Dios kasqayta. Pikunachus noqapi atinikojkunaqa mana jayk'ajpis p'enqachisqachu kanqanku.

Levítico 1:10

Sichus israelitakunamanta pipis q'olachispa jaywananpaj ovejamanta, chayrí cabramanta apamonqa chayqa, orqota mana iman imanasqata apamunan tiyan.

Levítico 9:2

Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway.

Marcos 9:49

Tukuy runaman ñak'ariykuna nina jina jamonqa, imaynachus kasqanku sut'ita yachakunanpaj.