Esdras 6:22 - DIOSPA QHELQACHISQ

²² Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Qheshwa Biblia DC

²² Qanchis p'unchay junt'aqa mana levadurayoj t'anta nisqa fiestata may kusiywan ruwarqanku, imaraykuchus Señor paykunata kusicherqa, Persiapi kaj reypa sonqonta paykunaman kutirichimuspa, yanapananampajtaj Diospa templonta ruwaypi. Chay Diosqa, Israelpa Diosnin.

DIOSPA QHELQACHISQAN DEUTEROCANONICAL

²² Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Esdras 6:22 ပူးပေါင်းရင်းမြစ်များ

2 Reyes 23:29

Josías kamachishajtin chaypachataj, Egipto suyuta kuraj kamachej faraón Necao Éufrates mayu qayllaman llojsimorqa Asiria suyuta kuraj kamachejta yanapananpaj. Kuraj kamachej Josiastajrí paywan maqanakoj Meguidoman rerqa. Necaotaj Josiaswan tinkuytawankama, wañucherqa.

2 Crónicas 23:18

Chantá sacerdote Joyadaqa Tata Diospa Templon patioman qhawajkunata churallarqataj, paykunataj sacerdotekunaj, levitakunaj kamachiyninkupi kananku karqa. Chay karqa David Tata Diospa Templopi mit'ata rak'isqanman jina, uywa ñak'asqata Tata Diosman q'olachinankupaj, Moisespa kamachisqanpi qhelqasqa kasqanman jina. Tata Diosta yupaychaspa kusiywan takinallankutaj karqa Davidpa kamachisqanman jina.

2 Crónicas 29:30

Chaymantataj kuraj kamachej Ezequías, jinataj kurajkunapis levitakunata kamacherqanku, Davidpa wakichisqan takiykunawan jinataj Diosmanta sut'inchaj Asafpa wakichisqan takiykunawan ima Tata Diosta yupaychanankuta. Paykunataj qonqoriykukuspa, tukuy kusiywan yupaycharqanku.

2 Crónicas 30:21

Ajinata qanchis p'unchayta Jerusalenpi tantasqa israelitakuna kusisqa Mana Levadurayoj T'anta raymita ruwarqanku. Sacerdotekuna, levitakunawan, sapa p'unchay sinch'ita sumaj tocanawan takispa, Tata Diosta yupaychasharqanku.

2 Crónicas 33:11

Chayraykumá Tata Diosqa Asiria suyuta kuraj kamachejpa soldadonkunaj kamachejninkunata paykunaj contrankupi kachamorqa, chaykunataj Manasesta jap'ispa, presocharqanku. Chantá fierro ganchokunawan, broncemanta ruwasqa cadenakunawan payta wataykuspa, Babiloniaman apacherqanku.

2 Crónicas 35:17

Jerusalenpi kaj israelitakunaqa Pascuata mikhorqanku, Mana Levadurayoj T'anta raymi nisqatapis, qanchis p'unchayta ruwarqanku.

Esdras 1:1

Persiamanta kuraj kamachej Ciro uj watataña kamachishajtin, Tata Dios junt'ayta qallarerqa, ima sut'inchaytachus pay willachisqa sut'inchaj Jeremiasnejta, chayta. Chayrayku Tata Diosqa kuraj kamachej Ciroj sonqonta kuyuricherqa. Cirotaj tukuynin kamachiyninpi kajkunaman parlaypi, qhelqasqapitaj kay jinata willacherqa:

Esdras 6:1

Chantá kuraj kamachej Darioqa kamacherqa chayta Babiloniapi mask'anankuta, maypichus qhelqakunata waqaychaj kanku, chaypi.

Esdras 7:27

Chaypacha Esdrasqa Tata Diosta kay jinata jatuncharqa: Tatanchejpata Tata Diosnin jatunchasqa kachun, pichus churarqa kuraj kamachejpa sonqonpi Jerusalenpi Tata Diospa Templonta jatunchananpaj, chay.

Nehemías 13:6

Chay ajina kashajtenqa, noqa mana Jerusalenpichu karqani, manachayqa Babiloniapi kuraj kamachej Artajerjes kinsa chunka iskayniyoj watataña kamachishajtin, paypaman kutirerqani. Jinapis mana unayninmantachu noqaqa kuraj kamachejmanta mañarqani Jerusalenman kutirejta saqenawanta.

Proverbios 16:7

Maypachachus pipis imaynatachus kawsasqanwan Tata Diosta kusichin chaypacha, Tata Diosqa chay runaj awqankunatapis paywan allin kawsayman churanqa.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Ezequiel 23:23

Babiloniamanta kajkunata, caldeokunata, Pecodmanta kajkunata, Soamanta, Coamanta kajkunata ima, chantá asiriokunatawan contraykita kachaykamusaj. Paykunaqa moq'ey alajitu waynakuna kanku, kurajkuna, kamachejkunataj, maqanakunapaj atiyniyojkuna, tukuyninku caballopi purej soldadokuna.

San Mateo 26:17

Mana Levadurayoj T'anta Mikhuna Raymi qallariy p'unchayta Jesuspa yachachisqankuna payman qayllaykuspa, taporqanku: Maypitaj Pascua mikhuyta wakichinaykuta munankiri? nispa.

San Juan 19:11

Jesustaj kuticherqa: Mana imatapis contraypi ruwayta atiwajchu, manachus Dios atiyta qosunkiman chayqa. Chayrayku pichus noqata qanman jaywaykuwajqa qanmanta aswan juchayoj, nispa.