Esdras 6:21 - DIOSPA QHELQACHISQ

²¹ Tukuynin israelitakuna, pikunachus Babiloniamanta kutimpojkunaqa Pascua raymipi wakichisqa mikhuyta mikhorqanku. Jinallataj chay jallp'api tiyakojkunamanta, pikunachus Israelpa Tata Diosninta yupaychayta munaspa, millay kawsayninkumanta t'aqakusqanku, chaykunapis Pascua mikhuyta mikhorqanku.

Qheshwa Biblia DC

²¹ Tukuynin israelitas, jap'isqamanta kutimporqanku chaykunaqa mikhorqanku Pascuapi wakichisqa mikhuyta. Chay jallp'amanta wakin runas millay kausayninkumanta t'aqakorqanku, Israelpa Señor Diosninkuta yupaychayta munaspa, chaykunapis israelitaswan khuska mikhullarqankutaj.

DIOSPA QHELQACHISQAN DEUTEROCANONICAL

²¹ Tukuynin israelitakuna, pikunachus Babiloniamanta kutimpojkunaqa Pascua raymipi wakichisqa mikhuyta mikhorqanku. Jinallataj chay jallp'api tiyakojkunamanta, pikunachus Israelpa Tata Diosninta yupaychayta munaspa, millay kawsayninkumanta t'aqakusqanku, chaykunapis Pascua mikhuyta mikhorqanku.

Esdras 6:21 ပူးပေါင်းရင်းမြစ်များ

2 Crónicas 30:19

Paykunaqa mana llimphuchakorqankuchu, manataj junt'arqankuchu kamachisqaykiman jina. Chaywanpis tukuy sonqo qan Tata Diosta yupaychaj jamunku, imaraykuchus qan ñawpa tatankoj Diosnin kasqaykita yachanku, nispa.

Esdras 9:1

Chaymanta qhepaman kurajkunaqa qayllaykamuwaspa, niwarqanku: Israelitakuna, sacerdotekuna, levitakuna ima, kay cheqakunapi tiyakoj runakunawan chhapuykukunku, manataj t'aqakunkuchu cananeokunamanta, jititakunamanta, ferezeokunamanta, jebuseokunamanta, amonitakunamanta, moabitakunamanta, Egipto llajtayojkunamanta, amorreokunamanta ima. Chantá kay llajtayojkunaj millay ruwasqankuta ruwallankutaj.

Esdras 9:11

mayqenkunatachus Diosmanta sut'inchajnejta kamachiwarqayku, chaykunata. Qan kay jinata niwarqaykuña: Mayqen jallp'amanchus tiyakoj yaykunkichej, chaypi kaj runakunaqa sajra kawsayniyoj kanku. Millay ruwasqankuwan kay jallp'aman junt'aykucherqanku.

Nehemías 10:28

Chantá tukuy runakuna tantaykukorqanku Dioswan tratota ruwanankupaj: Sacerdotekuna, levitakuna, punkuta qhawajkuna, takejkuna, Templopi kamachikuna ima. Tantakullarqankutaj pikunachus Diospa kamachisqanta junt'anankurayku waj llajtayojkunamanta t'aqakusqanku, chaykuna, warminkunawan khuska, wawankukunawan, ususinkukunawan, pikunachus yuyayniyojña karqanku, chaykunawan.

Nehemías 9:2

Paykuna ñapis mana judiokunamanta t'aqakusqankuña. Chantá sayarikuspa, sapa uj juchankuta, jinallataj ñawpa tatankoj juchankutapis Diosman rimarerqanku.

Salmos 93:5

Tata Dios, tukuy kamachisqaykeqa mana waj jinaman tukuchisqa kayta atinchu. Kamachiyniykeqa wiñay wiñaypaj llimphu.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.