Esdras 6:20 - DIOSPA QHELQACHISQ

²⁰ Sacerdotekuna, chantá, levitakuna imaqa mayllakusqankurayku tukuyninku Diospa ñawpaqenpi llimphupaj qhawasqaña karqanku. Chaymanta Pascua raymipi jaywana kajta jaywarqanku, waj suyuman apasqa kasqankumanta kutimpusqanku, chay tukuyninkurayku, sacerdotekunarayku, jinallataj paykuna kikinkuraykupis.

Qheshwa Biblia DC

²⁰ Sacerdotes, chanta, levitas imaqa llimphuchakusqankuña. Ajinamanta tukuyninku llimphusña karqanku. Chaymanta Pascuapi jaywana kajta jaywarqanku, jap'isqamanta kutimporqanku chay tukuyninrayku, sacerdotesninkurayku, jinallataj paykuna kikinkuraykupis.

DIOSPA QHELQACHISQAN DEUTEROCANONICAL

²⁰ Sacerdotekuna, chantá, levitakuna imaqa mayllakusqankurayku tukuyninku Diospa ñawpaqenpi llimphupaj qhawasqaña karqanku. Chaymanta Pascua raymipi jaywana kajta jaywarqanku, waj suyuman apasqa kasqankumanta kutimpusqanku, chay tukuyninkurayku, sacerdotekunarayku, jinallataj paykuna kikinkuraykupis.

Esdras 6:20 ပူးပေါင်းရင်းမြစ်များ

2 Crónicas 29:34

Sacerdotekuna pisilla kasqankurayku, q'olachinapaj uywakunata ñak'ayta mana tukuyta aterqankuchu. Chaynejta levita wawqenkunawan tukunankukama yanapachikorqanku, chay wakin sacerdotekunataj chaykama llimphuchakusharqanku Diospa ñawpaqenpi llimphupaj qhawasqa kanankupaj. Sacerdotekunamanta nisqaqa astawan levitakuna sonqota churarqanku llimphuchakunankupaj.

2 Crónicas 35:11

Chaypacha Pascuapi ñak'ana corderokunata ñak'arqanku, yawarninwantaj sacerdotekunaqa altarta ch'ajchorqanku. Chaykamataj levitakunaqa chay ñak'asqa corderota ch'uskisharqanku.

2 Crónicas 35:14

Chantá levitakunaqa paykunapajñataj, jinataj Aaronpa ayllunmanta kajkuna sacerdotekunapajpis tukuy imata wakicherqanku, imaraykuchus sacerdotekunaqa ch'isiyanankama ruwanapi karqanku q'olachinakunata jaywaspa, uywaj wirantawan q'olachispa. Chayrayku levitakunaqa paykunapaj, jinallataj Aaronpa ayllunmanta sacerdotekunapajpis tukuy imata wakichillarqankutaj.

2 Crónicas 35:15

Asafpa ayllunmanta takejkuna maypichus kanankupi kasharqanku, imaynatachus kuraj kamachej David, yanapajninkuna Asaf, Hemán, Diospa rikuchisqanta willaj Jedutún ima kamachisqanku, ajina. Punkuta qhawajkunapis sapa uj punkunkupi kasharqanku. Mana mayqenninkupis qhawanataqa saqerparerqankuchu, wawqenku levitakunaqa paykunapajwan wakichisqankurayku.

Éxodo 12:21

Chantá Moisesqa israelitakunamanta tukuy kurajkunata tantachispa, nerqa: Rispa, sapa wasi ayllupaj uj watayoj corderota, chayrí watayoj chivituta jap'ispa, Pascua raymita ruwanaykichejpaj ñak'ankichej.

Hebreos 7:27

Jesusqa mana chay waj kuraj kaj sacerdotekuna jinachu. Paykuna sapa p'unchay uywa ñak'asqata q'olachispa Diosman jaywananku karqa, ñawpajta paykunaj juchankurayku, qhepantataj runakunaj juchankurayku. Jesusrí runakunaj juchanku pampachasqa kananpaj uj kutillata wiñaypaj wañorqa, pay kikin kawsayninta qospa.