Esdras 6:16 - DIOSPA QHELQACHISQ

¹⁶ Chaypachaqa israelitakuna, sacerdotekuna, levitakuna, chantá wajkunawantaj, Babiloniaman apasqa kasqankumanta kutimpusqanku, chaykunaqa manchay kusisqa chay Templota Diosman jaywaporqanku.

Qheshwa Biblia DC

¹⁶ Chaypachaqa, israelitakuna, sacerdotekuna, levitakuna, chanta wajkunawantaj, jap'isqa kasqankumanta kutimporqanku chaykunaqa, may kusiywan Diospa templontaqa payman qoporqanku.

DIOSPA QHELQACHISQAN DEUTEROCANONICAL

¹⁶ Chaypachaqa israelitakuna, sacerdotekuna, levitakuna, chantá wajkunawantaj, Babiloniaman apasqa kasqankumanta kutimpusqanku, chaykunaqa manchay kusisqa chay Templota Diosman jaywaporqanku.

Esdras 6:16 ပူးပေါင်းရင်းမြစ်များ

1 Reyes 8:62

Chantá kuraj kamachejqa, tukuynin israelitakunapiwan uywa ñak'asqakunata Tata Diosman jaywarqanku.

1 Reyes 8:63

Salomontaj Tata Diosman allinyakuy jaywanakunatapis qollarqataj, 22.000 torokunata, 120.000 ovejakunatawan. Ajinata kuraj kamachejqa, tukuy israelitakunapiwan Templota Tata Diosman jaywaporqanku.

1 Crónicas 15:28

Ajinata tukuy israelitakuna Tata Diospa trato ruwasqan arcata kusiymanta qhaparirispa aparqanku, pututukunata, trompetakunata, platillokunata, jinataj cuerdayoj tocanakunata, chantá arpakunata ima tocarispa.

1 Crónicas 9:2

Ñawpajta kutimpuspa jallp'ankupi, chantá llajtankupi tiyakojkuna, wakin israelitakuna, levitakuna, sacerdotekuna, chantá Diospa Templonpi ruwajkuna ima karqanku.

2 Crónicas 29:30

Chaymantataj kuraj kamachej Ezequías, jinataj kurajkunapis levitakunata kamacherqanku, Davidpa wakichisqan takiykunawan jinataj Diosmanta sut'inchaj Asafpa wakichisqan takiykunawan ima Tata Diosta yupaychanankuta. Paykunataj qonqoriykukuspa, tukuy kusiywan yupaycharqanku.

2 Crónicas 30:23

Chaymantataj paykuna yuyarqanku qanchis p'unchaytawan raymita ruwanankuta, jinataj may kusisqa chayta ruwarqanku.

2 Crónicas 30:26

Ajinata Jerusalenpi manchay kusiy karqa, imajtinchus Israelpa kuraj kamachej Davidpa churin Salomonpa tiemponmantapachaqa Jerusalenpi mana jayk'ajpis ajinata ruwasqankuchu.

2 Crónicas 7:5

Kuraj kamachej Salomonqa Tata Diosman jaywarqa 22.000 torokunata, 120.000 ovejakunata ima. Ajinata kuraj kamachejqa chantá tukuy israelitakunapis Templota Diosman jaywaporqanku.

Esdras 4:1

Judá jatun aylluta, Benjamín jatun ayllutawan chejnejkunaqa yacharqanku, Babiloniaman apasqa kajkunamanta kutimojkuna Israelpa Tata Diosninpa Templonta watejmanta ruwashasqankuta.

Esdras 6:22

Qanchis p'unchay junt'ata Mana Levadurayoj T'anta raymita manchay kusiywan ruwarqanku, imaraykuchus Tata Diosqa Asiriamanta kaj kuraj kamachejpa sonqonta llamp'uyachisqa, Israelpa Diosninpa Templonta ruwayta yanapananpaj.

Nehemías 12:27

Jerusalén perqata Diosman jaywapuna p'unchay chayamojtinkama, tukuynejmanta levitakunata wajyacherqanku. Chantá paykunata Jerusalenman pusarqanku llajtaj muyuynin jatun perqata Diosman jaywanankupaj, kusiywan yupaychana takiykunata takispa, platillokunata, arpakunata, lirakunata ima tocarispa.

Nehemías 12:43

Chay p'unchaypi ashkha uywata ñak'aspa Diosman jaywarqanku, runakunataj mayta kusikorqanku Dios paykunata mayta kusichisqanrayku. Warmikunapis, wawakunapis sinch'ita kusikullarqankutaj. Chaypacha Jerusalenpi kusiywan ch'ajwasqankoqa karumantapacha uyarikorqa.

Nehemías 7:73

Chaypacha sapa ujninku llajtankupi tiyakaporqanku: Sacerdotekuna, levitakuna, punku qhawajkuna, takejkuna, llajtamanta kajkuna, Diospa Templonpi Diospaj ruwanayoj kajkuna, jinallataj tukuynin israelitakunapis. Qanchis killa chayamunanpajtaj israelitakunaqa llajtankupiña kasharqanku.

Nehemías 8:10

Chantá Nehemías nillarqataj: Riychej, allin mikhunata mikhukamuychej, upi vinotataj ujyarikamuychej. Wajchakunamantaj mikhunaykichejmanta jaywariychej, imaraykuchus kay p'unchayqa Tukuyta Kamachej Diospaj t'aqasqamin. Ama llakikuychejchu, imaraykuchus kusichisoj Tata Diosniykichej kallpachasonqachej, nispa.

Salmos 122:1

(1b) Noqaqa manchayta kusikuni: Tata Diospa wasinman jaku rina, nispa niwajtinku.

Daniel (hebreo) 5:13

Chantá Danielta kuraj kamachejpaman pusajtinku, Belsasar payta taporqa: Qanchu Daniel kanki, pitachus tatay Nabucodonosor kuraj kamachej kashaspa, Judá suyumanta apachimorqa, chaykunamanta ujnin kaj?

San Juan 10:22

Chaypacha chiri tiempoña karqa. Jerusalenpitaj Templo Diosman jaywasqa kasqanmanta yuyarikuna raymita ruwasharqanku.

Deuteronomio 12:7

Chayllapitaj Tata Diosniykichejpa ñawpaqenpi tukuy aylluykichejwan khuska mikhunkichej. Ajinata ruwankichej llank'aspa, imatachus tarisqaykichejmanta kusikuspa, imajtinchus Tata Diosniykichejmin yanapasunkichej.

Filipenses 4:4

Qankuna Tukuyta Kamachej Jesusman ujchasqa kasqaykichejmanta kusikuychejpuni. Ujtawanpis nillaykichejtaj: Kusikuychej, nispa.