Esdras 5:8 - DIOSPA QHELQACHISQ

⁸ Kayta willamuyku qanman: Judá jap'iyta watumuspa, atiyniyoj Diospa Templonta rikorqayku. Chay wasita watejmanta ruwashanku jatuchaj sumaj ch'eqosqa rumiwan. Kunantaj perqaman tablakunata churaykushankuña. May usqhayllata ruwashanku.

DIOSPA QHELQACHISQAN DEUTEROCANONICAL

⁸ Kayta willamuyku qanman: Judá jap'iyta watumuspa, atiyniyoj Diospa Templonta rikorqayku. Chay wasita watejmanta ruwashanku jatuchaj sumaj ch'eqosqa rumiwan. Kunantaj perqaman tablakunata churaykushankuña. May usqhayllata ruwashanku.

Esdras 5:8 ပူးပေါင်းရင်းမြစ်များ

Esdras 2:1

Kaykuna kanku Judamanta Babiloniaman apasqa kajkunamanta pikunachus Judaman kutipojkuna. Paykunaqa kuraj kamachej Nabucodonosorpa kamachisqanman jina Judá jallp'amanta Babiloniaman apasqa kasqanku. Paykuna Judá suyuman kutiporqanku, wakinkuna Jerusalenman, wakinkunataj maymantachus karqanku, chay waj llajtankuman.

Esdras 5:7

Chay cartapitaj nerqanku: Kuraj kamachej Darío, qanta napaykamuyku, walejlla kanaykita munaspa.

Esdras 5:9

Jinapi judiokunaj kurajninkuta tapurerqayku: Pitaj kamachisunkichej watejmanta Templota ruwanaykichejta, kay perqatapis sayarichinaykichejtari? nispa.

Esdras 6:10

Ajinamanta chay imakunata ima munay q'apashajta jaywanqanku janaj pachapi kaj Diosman, chantapis noqapaj, wawaykunapajpis Diosmanta mañaripuwasqayku.

Esdras 6:4

Perqanqa kinsa sinru jatuchaj ch'eqosqa rumimanta kachun, ujnin sinrutaj mosoj kurkumanta kachun. Chay ruwakunanpajqa kuraj kamachejqa paganqa.

Esdras 7:23

Janaj pachapi kaj Diospa mañasqanta Templonpaj, chay tukuy imata usqhayllata qonkichej, ama Dios phiñakunanpaj wawaykunaj contranpi, chantá kamachiyniypa contranpipis.

Nehemías 11:3

Kutimpoj israelitakunamanta, sacerdotekunamanta, levitakunamanta, Temploj kamachinpi ruwanayoj kajkunamanta, jinataj Salomonpa kamachinkunaj miraynin kajkunamanta ima aswan ashkha Judapi llajtankupi, jallp'ankupi ima tiyakaporqanku. Kamachejkunamantarí ashkha Jerusalén llajtapi tiyakaporqanku.

Nehemías 7:6

Kaykuna kanku waj suyuman apasqa kasqankumanta kutimpojkuna. Paykunaqa kuraj kamachej Nabucodonosorpa kamachisqanman jina Judá suyumanta Babiloniaman apasqa karqanku. Chaywanpis paykunamanta wakinkuna Jerusalenman, Judá suyumantaj kutimporqanku, sapa ujninkutaj llajtankuman chayaporqanku.

Ester (hebreo) 1:1

Kay tukuy ima karqa Asuero kuraj kamachej kashajtin. Payqa Indiamanta Etiopiakama, 127 suyukunata kamacherqa.

Ester (hebreo) 1:22

Asueroqa chay kamachisqanta qhelqachispa, tukuy llajtaman, sapa jap'iypi qhelqayta yachasqankupi, parlayta yachasqankupi ima qhelqaspa apacherqa. Chay kamachisqapi nerqa sapa qhari warminwan kasuchikunanta. Nillarqataj chay kamachisqataj sapa llajtapi, parlayninkupi willakunanta.

Salmos 145:3

Tata Diosqa jatunmin, mayta yupaychanapaj jina, jatun kaynintaj mana yachay atina.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Daniel (hebreo) 3:26

Chantá horno punkuman qayllaykuspa, Nabucodonosor qhaparerqa: Sadrac, Mesac, Abednego, Patapi Kaj Diospa kamachinkuna, llojsimuychej, kaymantaj jamuychej, nispa. Chantá kinsantin runakuna nina lawrashaj chawpimanta llojsimorqanku.

Daniel (hebreo) 4:2

2 (3.32) Munani qankuna yachanaykichejta kay chhika t'ukuna imakunata Patapi Kaj Dios noqawan ruwasqanta.

Daniel (hebreo) 6:26

26 (27) Kayta kamachini: Tukuynin suyuypi Danielpa Diosninta manchachikuychej, kharkatitispataj payllamantaj k'umuykuychej, imaraykuchus paymin kawsaj Diosqa. Payllapuni wiñaypaj wiñaynintinkama kawsan. Kamachiynenqa mana jayk'ajpis chinkarenqachu, nitaj atiyninpis tukukonqachu.

Deuteronomio 10:17

Tata Diosniykichejqa dioskunaj Diosnin, tukuy kamachejkunaj kamachejnintaj. Payqa kamachinanpaj mana pitapis tapunrajchu, jinallataj may atiyniyoj, manchachikunataj. Tukuyta uj rejllata qhawan, nitaj piwanpis lluk'ichikunchu.

Deuteronomio 32:31

Wajkunaj jark'akojninku chhankaqa mana jark'akuwajninchej chhanka jinachu. Chayta awqanchejkunapis allinta yachanku.