Esdras 5:16 - DIOSPA QHELQACHISQ

¹⁶ Ajinamantataj Sesbasar chayamuspa, Jerusalenpi Diospa Templonta ruwayta qallaricherqa. Chaymantapachataj Templota watejmanta ruwashanku, manataj tukuchasqarajchu kashan.

Qheshwa Biblia DC

¹⁶ Ajinamanta Sesbasar chayamorqa, Jerusalempi Diospa templonta qallaricherqataj. Chaymantapacha temploqa mosojmanta ruwakushan, manataj tukuchasqarajchu kashan.

DIOSPA QHELQACHISQAN DEUTEROCANONICAL

¹⁶ Ajinamantataj Sesbasar chayamuspa, Jerusalenpi Diospa Templonta ruwayta qallaricherqa. Chaymantapachataj Templota watejmanta ruwashanku, manataj tukuchasqarajchu kashan.

Esdras 5:16 ပူးပေါင်းရင်းမြစ်များ

Esdras 3:10

Maypachachus wasi ruwajkuna Tata Diospa Templonta ruwayta qallarerqanku chaypacha, sacerdotekunaqa sayarikorqanku sacerdote p'achawan p'achallisqa, pututuyojtaj. Asafpa churinkuna levitakunataj platillokunayoj karqanku, Tata Diosta yupaychanankupaj, Israelpa ñawpa kuraj kamachejnin Davidpa yachachisqanman jina.

Esdras 3:8

Wataj iskay kaj killanman Jerusalenpi Tata Templonta ruwanankupaj chayamusqankumanta Salatielpa churin Zorobabel, Josadacpa churin Josuetaj, sacerdote masinkunawan, levitakunawan ima, chantá pikunachus Babiloniaman apasqa kasqankumanta Jerusalenman kutimporqanku, chay tukuyninku Tata Diospa Templonta watejmanta ruwayta qallarerqanku. Templota ruwachinapajqa ajllarqanku iskay chunka watayojmanta pataman levitakunata.

Esdras 5:14

Nillawarqaykutaj: Kuraj kamachej Nabucodonosorqa Jerusalenpi kaj Diospa Templonmanta qorimanta ruwasqa imakunata, qolqe metalmanta ruwasqa imakunatawan orqhospa, Babiloniapi kaj templonman churachisqa. Chay qhepatataj kuraj kamachej Ciroqa chay qori imakunata, qolqe metalmanta imakunatawan Babiloniapi kaj templomanta orqhochimuspa, jaywasqa Sesbasar sutiyoj kamachejman.

Esdras 5:15

Paytataj nisqa: Kay qorimanta ruwasqa imakunata, qolqe metalmanta ruwasqa imakunatawan Jerusalenpi Temploman apay. Diospa Templontataj, maypichus ñawpajta karqa, chay kikinpi watejmanta sayachiy, nispa.

Esdras 5:2

Chayrayku Salatielpa churin Zorobabel, Josadacpa churin Josué ima watejmanta Jerusalenpi Diospa Templonta ruwayta qallarerqanku. Diosmanta sut'inchajkunataj paykunata yanaparqanku.

Esdras 6:15

Chay Temploqa tukuychasqa karqa, Adar nisqa killamanta kinsa p'unchay kashajtin, Persiapi kuraj kamachej Darío sojta watataña kamachishajtin.

Hageo 2:18

Kunan p'unchay, jisq'on kaj killamanta, iskay chunka tawayoj kaj p'unchaypi noqapaj Temploypa cimientonta churankichej.

Zacarías 4:10

Wasi perqay qallariypi pisillata ruwasqata rikuspa, pikunachus pisipaj chayta qhawarqanku, chaykuna Zorobabelpa tukuychasqanta rikuspa, kusikonqanku, nispa. Chantá ángel nillawarqataj: Kay qanchis lamparakunaqa Tata Diospa ñawinkuna kanku, pichus tukuy kay pachata qhawashan, chaypata, nispa.

Zacarías 4:9

Zorobabel Temploj cimienton rumikunata churarqa, kunantaj payllataj ruwayta tukonqa, nispa. Jinamanta yachankichej noqa Tukuy Atiyniyoj Tata Dios kachamuwasqanta.

San Juan 2:20

Chayta uyarispa, judío kurajkuna kuticherqanku: Kay Temploqa tawa chunka sojtayoj watapi ruwasqa karqa. Qanrí kinsa p'unchayllapichu sayarichiyta atiwaj? nispa.