Esdras 5:14 - DIOSPA QHELQACHISQ

¹⁴ Nillawarqaykutaj: Kuraj kamachej Nabucodonosorqa Jerusalenpi kaj Diospa Templonmanta qorimanta ruwasqa imakunata, qolqe metalmanta ruwasqa imakunatawan orqhospa, Babiloniapi kaj templonman churachisqa. Chay qhepatataj kuraj kamachej Ciroqa chay qori imakunata, qolqe metalmanta imakunatawan Babiloniapi kaj templomanta orqhochimuspa, jaywasqa Sesbasar sutiyoj kamachejman.

Qheshwa Biblia DC

¹⁴ Nillawarqaykutaj: Rey Nabucodonosorqa, Jerusalempi kaj Diospa wasinmanta qori imasta, qolqe imastawan orqhospa, Babiloniapi kaj templonman churachisqa. Chay qhepatataj rey Ciroqa, chay qori imasta, qolqe imastawan Babiloniapi kaj templomanta orqhochimuspa, qosqa Sesbasar sutiyoj kamachejman.

DIOSPA QHELQACHISQAN DEUTEROCANONICAL

¹⁴ Nillawarqaykutaj: Kuraj kamachej Nabucodonosorqa Jerusalenpi kaj Diospa Templonmanta qorimanta ruwasqa imakunata, qolqe metalmanta ruwasqa imakunatawan orqhospa, Babiloniapi kaj templonman churachisqa. Chay qhepatataj kuraj kamachej Ciroqa chay qori imakunata, qolqe metalmanta imakunatawan Babiloniapi kaj templomanta orqhochimuspa, jaywasqa Sesbasar sutiyoj kamachejman.

Esdras 5:14 ပူးပေါင်းရင်းမြစ်များ

2 Crónicas 36:18

Chantá Caldea suyuta kuraj kamachejqa Tata Diospa Templonmanta tukuy kaj imakunata Babiloniaman apakaporqa, jatuchajkunata, jinataj juch'uykunata. Apakapullarqataj Diospa Templonpi valorniyoj kaj imakunata, kuraj kamachejpa valorniyoj imankunata, kamachejta yanapajkunaj valorniyoj kapuyninkutapis.

2 Crónicas 36:7

Chantá Nabucodonosorqa Tata Diospa Templonpi kaj wakin imakunatapis Babiloniaman apakapullarqataj. Chaykunatataj Babiloniapi diosninpa templonman churaykorqa.

Esdras 5:15

Paytataj nisqa: Kay qorimanta ruwasqa imakunata, qolqe metalmanta ruwasqa imakunatawan Jerusalenpi Temploman apay. Diospa Templontataj, maypichus ñawpajta karqa, chay kikinpi watejmanta sayachiy, nispa.

Esdras 5:16

Ajinamantataj Sesbasar chayamuspa, Jerusalenpi Diospa Templonta ruwayta qallaricherqa. Chaymantapachataj Templota watejmanta ruwashanku, manataj tukuchasqarajchu kashan.

Esdras 6:5

Kuraj kamachej Nabucodonosorqa qorimanta, qolqe metalmanta ruwasqa imakunata Jerusalenpi Diospa Templonmanta orqhospa, Babiloniaman apachisqa. Kunantajrí chay tukuy ima Jerusalenman kutichisqa kachun, Diospa Templonpi maypichus kananku, chay kikinman churasqa kanankupaj, nispa. Ajinata kuraj kamachej Ciroqa kamachisqa.

Esdras 7:27

Chaypacha Esdrasqa Tata Diosta kay jinata jatuncharqa: Tatanchejpata Tata Diosnin jatunchasqa kachun, pichus churarqa kuraj kamachejpa sonqonpi Jerusalenpi Tata Diospa Templonta jatunchananpaj, chay.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Jeremías 52:19

Jinallataj qorimanta, qolqe metalmanta tukuy kaj imakunatawan apakapullarqankutaj: Mayllakuna ch'illamita, nina oqharinata, jatuchaj vasokunata, ushpha orqhonata, k'anchanakunata, jatuchaj wisllakunata, Diosman vino jaywana vasokunatapis.

Hageo 1:1

Babiloniapi kuraj kamachej Darío iskay watataña kamachishajtin, sojta kaj killa qallariyta, Tata Diosqa sut'inchaj Hageonejta parlarqa Judapi kamachej Salatielpa churin Zorobabelman, Josadacpa churin Josueman ima. Josadacqa kuraj kaj sacerdote karqa.

Hageo 1:14

Ajinata Tata Dios yuyaycharqa Judá suyupi kamachej Salatielpa churin Zorobabelta, ajinallataj Josadacpa churin kuraj kaj sacerdote Josuetapis, Diospa ayllunmanta tukuy runakunatapis ima. Jinapi paykunaqa Tukuy Atiyniyoj Tata Diospa Templonta watej ruwayta qallarerqanku.

Hageo 2:2

Paytaj Hageota kamacherqa Judapi kamachej Salatielpa churin Zorobabelman, chantá Josadacpa churin Josueman, tukuy runakunamanwan ima kayta willananta:

Hageo 2:21

Judapi kamachej Zorobabelman kay jinata willay: Tata Dios nisunki: Noqa janajtawan, kay pachatawan kharkatitichisaj.

Hechos 13:12

Kamachej Sergio Paulotajrí chayta rikuspa, Jesuspi atinikorqa, jinataj mayta t'ukorqa Tukuyta Kamachej Jesusmanta imatachus yachachisqankumanta.