Esdras 4:9 - DIOSPA QHELQACHISQ

⁹ Chay qhelqajkunataj kaykuna karqanku: Kamachej Rejún, qhelqeri Simey, juezkuna, chantá kamachejkuna, Persiapi kaj kurajkuna ima, Erecmanta, Babiloniamanta, Susamantawan kaj runakuna ima. Paykunaqa Elammanta karqanku,

Qheshwa Biblia DC

⁹ Chay qelqajkunataj kaykuna karqanku: Kamachej Rehum, qelqaj Simsai, kuraj masisninku jueces, chanta kamachejkuna, Persiapi kaj kurajkuna ima, Erecmanta, Babiloniamanta, Susamantawan kaj runas. Paykunaqa Elammanta karqanku.

DIOSPA QHELQACHISQAN DEUTEROCANONICAL

⁹ Chay qhelqajkunataj kaykuna karqanku: Kamachej Rejún, qhelqeri Simey, juezkuna, chantá kamachejkuna, Persiapi kaj kurajkuna ima, Erecmanta, Babiloniamanta, Susamantawan kaj runakuna ima. Paykunaqa Elammanta karqanku,

Esdras 4:9 ပူးပေါင်းရင်းမြစ်များ

Génesis 10:22

Sempa churinkuna karqanku Elam, Asur, Arfaxad, Lud, chantá Aram ima.

2 Reyes 17:24

Chaymanta qhepaman Asiria suyuta kuraj kamachej Babiloniamanta, Cutamanta, Avamanta, Jamatmanta, chantá Sefarvayinmanta ima runakunata Samariaman apamorqa. Israelitakunaj cuentankumantataj Samariapi llajtakunaman paykunata churarqa. Ajinata chay runakunaqa Samariamanta dueñochakaporqanku, llajtakunapitaj tiyakorqanku.

Esdras 4:8

Rejún kamachejwan, Simey qhelqeriwan ima kuraj kamachej Artajerjesman chay cartata qhelqarqanku, Jerusalenpi tiyakojkunaj contrankupi.

Esdras 5:3

Chaywanpis Éufrates mayu chimpapi kamachej Tatenay, chantá Setar Bosnaywan, kamachej masinkunawan ima rispa, judiokunata tapumorqanku: Pitaj kamachisunkichej kay Templota watejmanta ruwanaykichejtari, chantá, kay perqatapis sayarichinaykichejtari?

Esdras 5:6

Kuraj kamachej Darioman kay cartata apacherqanku, Éufrates mayu chimpapi kamachej Tatenay, Setar Bosnaywan, chantá kamachej masinkuna ima.

Esdras 6:6

Chayta ñawiriytawan, kuraj kamachej Darío kay jinata kamacherqa: Éufrates mayu chimpapi kamachej Tatenay, chantá Setar Bosnay, kamachej masiykichejkunawan ima,

Nehemías 4:2

Llajta masinkoj ñawpaqenpi, Samariamanta soldadokunaj ñawpaqenkupiwan kay jinata nerqa: Imatataj kay yarqhaymanta wañusqa judiokuna ruwayta yuyankuri? Yuyarqankuchu ujtawan uywa ñak'asqata jaywayta? Chayrí uj p'unchayllapichu perqa oqhariyta tukuychayta yuyanku? Chayrí yuyankuchu laqaya ukhumanta mosoj rumita orqhoyta? nispa.

Ester (hebreo) 1:2

Chaypacha Asueroqa Susa llajtamanta Persia suyuta kamachisharqa.

Ester (hebreo) 2:3

Chaypajtaj kamachiyniykipi kashan, chay suyukunapi runakunata churay, paykuna chay tukuy llajtamanta k'achita sipaskunata ajllanankupaj. Chantá Susa llajtapi kamachinayki wasiman chay sipaskunata pusamuchunku. Chaypitaj warmikunata qhawaj eunuco Jegay paykunata qhawachun, paykunamantaj k'achanchakunankupaj imakunata jaywachun.

Isaías 21:2

Diosqa mosqoypi jina manchachikunata rikuchiwan. Wasanchajtaqa wasanchanku, chinkachejtataj chinkachillankutaj. Sayarikuy ari, Elam suyu, soldadoykikunawan, qanpis Media suyu, soldadoykikunawan llajtata jap'inapaj muyuykuy. Babilonia wajkunata ayqochisqanta tukuchisaj.

Jeremías 25:25

Jinallataj Zimrimanta, Elammanta, Mediamantawan kaj kuraj kamachejkunaman ujyachillarqanitaj.

Jeremías 49:34

Maypachachus Judá suyuta Sedequías kamachiyta qallarisharqa chaypacha, Tata Diosqa Jeremiasman Elam suyu imaynachus kananmanta willarqa:

Ezequiel 32:24

Elam suyupis chaypi p'ampasqa kashan. Jinallataj tukuy soldadonkuna muyuyninpi kashanku, pikunachus espadawan wañurachisqa karqanku, chaykuna. Pikunachus kawsashasparaj tukuy runaj manchanan karqanku, chaykuna Diosta mana kasojkuna jina aswan ukhu kajman yaykorqanku. Kunantaj jallp'aj sonqonman yaykojkunawan khuska p'enqachisqa kanku.

Daniel (hebreo) 8:2

Mosqoypi jina rikusqaypi noqa Susa llajtapi, Elam jap'iypi, Ulay nisqa mayu kantupi kashasqani.

Hechos 2:9

Noqanchej wakin kanchej Partiamanta, Mediamanta, Elammanta, Mesopotamiamanta, Judeamanta, Capadociamanta, Pontomanta, Asiamanta ima.