Esdras 4:7 - DIOSPA QHELQACHISQ

⁷ Aswan jaqayman Persiapi Artajerjes kuraj kamachej karqa, chaypachataj Bislán, Mitrídades, Tabel, chantá, ujkuna kamachej masinkunaman ima Artajerjesman uj cartata apacherqanku. Chay cartaqa arameo parlaypi qhelqasqa karqa, kuraj kamachejpa parlayninmantaj tijrarqanku.

Qheshwa Biblia DC

⁷ Persiapi Artajerjes rey kashajtin, Bilsam, Mitridates, Tabeel, chanta, ujkuna kamachej masisninwan ima, Artajerjesman qelqarqanku. Chay cartataj arameo parlaypi qelqasqa karqa, chay qalluman orqhosqataj.

DIOSPA QHELQACHISQAN DEUTEROCANONICAL

⁷ Aswan jaqayman Persiapi Artajerjes kuraj kamachej karqa, chaypachataj Bislán, Mitrídades, Tabel, chantá, ujkuna kamachej masinkunaman ima Artajerjesman uj cartata apacherqanku. Chay cartaqa arameo parlaypi qhelqasqa karqa, kuraj kamachejpa parlayninmantaj tijrarqanku.

Esdras 4:7 ပူးပေါင်းရင်းမြစ်များ

2 Reyes 18:26

Chantá Hilciaspa churin Eliaquinwan, Sebnawan, Yoajwan ima kamachej Rabsacesta nerqanku: Ama jina kaspa, arameo rimaypi parlawayku, imaraykuchus noqayku chayta yachayku. Ama hebreo rimaypi parlaychu, imajtinchus perqa patapi kashajkuna uyarishanku, nispa.

Esdras 4:1

Judá jatun aylluta, Benjamín jatun ayllutawan chejnejkunaqa yacharqanku, Babiloniaman apasqa kajkunamanta kutimojkuna Israelpa Tata Diosninpa Templonta watejmanta ruwashasqankuta.

Esdras 4:17

Chantá kuraj kamachej Artajerjesqa kutichispa, kay jinata qhelqacherqa: Kamachej Rejún, qhelqeri Simeyta, chantá, Samariapi tiyakunku chay wakin kamachej masiykichej, jinallataj Éufrates mayoj inti yaykuynej ladopi tiyakojkunapis, napaykamuykichej.

Esdras 4:8

Rejún kamachejwan, Simey qhelqeriwan ima kuraj kamachej Artajerjesman chay cartata qhelqarqanku, Jerusalenpi tiyakojkunaj contrankupi.

Esdras 4:9

Chay qhelqajkunataj kaykuna karqanku: Kamachej Rejún, qhelqeri Simey, juezkuna, chantá kamachejkuna, Persiapi kaj kurajkuna ima, Erecmanta, Babiloniamanta, Susamantawan kaj runakuna ima. Paykunaqa Elammanta karqanku,

Esdras 5:6

Kuraj kamachej Darioman kay cartata apacherqanku, Éufrates mayu chimpapi kamachej Tatenay, Setar Bosnaywan, chantá kamachej masinkuna ima.

Esdras 7:1

Chaymanta qhepaman Persiapi kuraj kamachej Artajerjes kamachishajtin, uj runa karqa, Esdras sutiyoj. Payqa Seraiaspa churin karqa. Seraiastaj Azariaspa churin, Azariastaj Hilciaspa churin karqa.

Esdras 8:36

Chaymanta Babiloniapi kuraj kamachejpa kamachisqan qhelqata jaywarqanku kamachejpa sutinpi kamachejkunaman, chantá Éufrates mayumanta inti yaykuynej ladopi kaj kamachejkunamanwan. Paykunataj israelitakunata tukuy imapi yanaparqanku, jinallataj Diospa Templonta ruwanapipis.

Nehemías 2:1

Kuraj kamachej Artajerjes iskay chunka watataña kamachishajtin, Nisán nisqa killapi noqaqa payman vinota jaywasharqani. Chaykama payqa ni jayk'aj llakisqata rikuwasqachu.

Isaías 36:11

Chaymantaqa Eliaquinwan, Sebnawan, Yoajwan ima Asiriamanta soldadokunata kamachejta nerqanku: Ama jina kaychu, arameo rimayllapi parlariwayku, imaraykuchus noqaykoqa arameo rimayta yachayku. Amataj Judá suyoj rimaynin hebreopi parlawaykuchu, imaraykuchus kay perqa patapi kajkunaqa tukuyninku uyarimushanku, nispa.

Daniel (hebreo) 11:2

Kunantaj cheqa kajta willasqayki: Persia suyuta kinsa kuraj kamachejkunawanraj kamachenqanku. Paykunaj qhepankutataj tawa kaj kuraj kamachej kamachenqa. Payqa ñawpaj kuraj kamachejkunamantaqa aswan qhapaj kanqa. Chantá qhapaj kayninwan atiyniyoj kasqanta rikukuspa, Grecia suyoj contranta wajkunata oqharichenqa.

Daniel (hebreo) 2:4

Chantá yachayniyoj runakuna arameo parlaypi kuraj kamachejta nerqanku: Jallalla jallalla, kuraj kamachejniyku, wiñaypaj kawsay. Mosqokusqaykita willawayku, noqaykutaj sut'inchasqayku imatachus niyta munasqanta, nispa.