Esdras 4:2 - DIOSPA QHELQACHISQ

² Chayrayku Zorobabelwan, Josuewan, ayllukunaj kurajninkuwan ima parlaj rispa, nerqanku: Noqayku kay Tata Diospa Templonta ruwaysisqayku. Noqaykupis qankuna jina Diosniykichejta yupaychallaykutaj. Esarjadón Asiriapi kuraj kamachej kashajtin, kayman apamuwarqayku, chaymantapachataj Diosman uywata ñak'aspa jaywashayku, nispa.

Qheshwa Biblia DC

² Chayrayku rerqanku parlaj Zorobabelwan, Josuewan, chanta aylluspa kuraj runasninkuwan ima, nerqankutaj: Noqayku kay templota ruwaysisqayku. Noqaykupis qankuna jina Diosniykichejman qayllaykullaykutaj. Chanta, Esar-hadón, Asiriapi rey kashajtin kayman pusamuwarqayku. Chay tiempomantapacha Diosman uywasta wañuchispa jaywashayku.

DIOSPA QHELQACHISQAN DEUTEROCANONICAL

² Chayrayku Zorobabelwan, Josuewan, ayllukunaj kurajninkuwan ima parlaj rispa, nerqanku: Noqayku kay Tata Diospa Templonta ruwaysisqayku. Noqaykupis qankuna jina Diosniykichejta yupaychallaykutaj. Esarjadón Asiriapi kuraj kamachej kashajtin, kayman apamuwarqayku, chaymantapachataj Diosman uywata ñak'aspa jaywashayku, nispa.

Esdras 4:2 ပူးပေါင်းရင်းမြစ်များ

Génesis 10:11

Chaynejmantapacha Nimrodqa Asiriaman llojserqa, chaypitaj kay llajtakunata sayaricherqa: Niniveta, Rejobotta, Calajta,

2 Reyes 17:24

Chaymanta qhepaman Asiria suyuta kuraj kamachej Babiloniamanta, Cutamanta, Avamanta, Jamatmanta, chantá Sefarvayinmanta ima runakunata Samariaman apamorqa. Israelitakunaj cuentankumantataj Samariapi llajtakunaman paykunata churarqa. Ajinata chay runakunaqa Samariamanta dueñochakaporqanku, llajtakunapitaj tiyakorqanku.

2 Reyes 17:41

Chay runakunaqa Tata Diosta yupaychaj kanku chaypis, lantikunatapis yupaychashallajtaj kanku. Wawankupis, allchhinkupis, imaynatachus tatankukuna ruwaj kanku, ajinallatapuni kunankamapis ruwashanku.

2 Reyes 19:37

Jinataj, uj kuti Senaqueribqa diosnin Nisrocpa yupaychana wasinman yupaychaj yaykorqa. Diosninta yupaychashajtintaj, churinkuna Adramelec, Sarezer ima payta wañucherqanku. Chantá Ararat cheqanejman ayqekorqanku. Paypa cuentanmantataj churin Esarjadón kuraj kamachej jina tiyaykorqa.

Esdras 1:5

Chantá Judá jatun ayllumanta, Benjamín jatun ayllumantawan kuraj runakuna wakichikorqanku Jerusalenman rinankupaj, Tata Diospa Templonta watejmanta ruwamunankupaj. Jinallatataj wakichikorqanku sacerdotekuna, levitakuna, chantapis pikunaj sonqonkutachus Dios kuyuricherqa, chaykuna ima.

Esdras 2:2

Paykunata pusarejkuna kaykuna karqanku: Zorobabel, Josué, Nehemías, Seraías, Relaías, Mardoqueo, Bilsán, Mispar, Bigvay, Rejún, Baná ima. Israel ayllumanta qharikunaqa kay jina yupasqa karqanku:

Esdras 3:12

Sacerdotekunamanta, levitakunamanta ashkha, chantá kuraj tatakuna ima ñawpa Templota rikusqanku. Chayrayku jatunmanta qhaparispa, waqarqanku Tata Diospa Templon watejmanta ruwakushajta rikuspa. Wakintaj kusiywan qhaparisharqanku.

Esdras 3:2

Chaypacha Josadacpa churin Josué, chantá sacerdote masinkuna, jinallataj Salatielpa churin Zorobabel, chantá ayllu masinkuna ima Israelpa Diosninpa altarninta ruwarqanku. Ajinaqa paykuna chay patapi uywakunata ñak'aspa q'olachiyta munarqanku, Diospa kamachin Moisespa kamachisqanman jina.

Nehemías 9:32

Chayrayku, Diosniyku, qanqa jatun Dios kanki, atiyniyojtaj, manchachikuna imataj. Munakuyniykipitaj trato ruwasqaykita mana saqenkichu. Chayrayku ama pisipaj qhawaychu imaynatachus jatun llakeyqa kuraj kamachejniykukunata, kurajniykukunata, sacerdoteykukunata, sut'inchajniykukunata, ñawpa tataykukunata, jinataj tukuy aylluntinta ima qhatirisqanta. Chay llakeyqa Asiriata kuraj kamachejkunaj tiemponmantapacha kunankama qhatirishawaykupuni.

Salmos 73:8

Alqorakuspa, millayta ruwanamanta parlanku, runaykachaspataj, wajkunata saruyta munanku.

Isaías 37:37

Chaymantá Asiriamanta kuraj kamachej Senaquerib tukuy imanta oqharikuspa, Nínive llajtaman kutiporqa.

Isaías 37:38

Aswan qhepamantaj kuraj kamachej Senaquerib, Nisroc sutiyoj diosninta yupaychashajtin, iskaynin churinkuna Adramelecwan, Sarezerwan ima tatankuta espadawan wañurparicherqanku, chaymantataj Ararat cheqanejman ayqerqanku. Chantá Senaqueribpa churin Esarjadón paypa cuentanmanta kuraj kamachej karqa.

Oseas 14:3

Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Gálatas 2:4

Chaywanpis wakinkuna Jesusta qhatejman tukuspa, iglesiaman yaykumorqanku Cristo Jesusnejta kamachisqata junt'anamanta kacharichisqaña kasqaykumanta wateqanawaykupaj. Paykuna watej wata runaman tukuchiyta munawarqayku, Moisespa kamachisqankunata munaspa mana munaspa kasunaykupaj.

2 Timoteo 3:8

Chay runakunaqa, imaynatachus Janeswan, chantá Jambreswan Moisespa contranpi sayaykorqanku, ajinallatataj paykunapis cheqa kajpa contranpi sayaykunku. Paykunaqa millay yuyayniyoj kanku, Diospi atinikuni nisqankupis llullalla.