Esdras 3:5 - DIOSPA QHELQACHISQ

⁵ Jinallataj jaywarqanku sapa p'unchay q'olachina kajta, mosoj killapi q'olachinatapis, ajinallataj Tata Diospa jatun rayminkunapi q'olachina kajtapis. Chantá munasqankuman jina ofrendakunatapis qollajtaj kanku.

Qheshwa Biblia DC

⁵ Chaymanta aswanqa qollarqankupuni sapa p'unchay ruphachina kajta, jinataj mosoj killapi ruphachina kajta, ajinallataj Señorpaj t'aqasqa p'unchaypi ruphachina kajtapis. Chanta munayninman jina ofrendasninkuta qoj kanku chaykunatawan.

DIOSPA QHELQACHISQAN DEUTEROCANONICAL

⁵ Jinallataj jaywarqanku sapa p'unchay q'olachina kajta, mosoj killapi q'olachinatapis, ajinallataj Tata Diospa jatun rayminkunapi q'olachina kajtapis. Chantá munasqankuman jina ofrendakunatapis qollajtaj kanku.

Esdras 3:5 ပူးပေါင်းရင်းမြစ်များ

2 Crónicas 31:14

Inti llojsimuy lado punkuta qhawaj Imnaj churin levita Coré karqa. Payqa qhawarqa sonqonkumanta Diosman ofrendata apamusqankuta. Payllataj Diosman jaywasqa ofrendakunata, chay Tata Diospaj t'aqasqa imakunatawan rak'inan karqa.

Esdras 3:6

Manaraj Tata Diospa Templonta watejmanta ruwayta qallarerqankuchu. Chaywanpis qanchis kaj killa qallariymantapacha Tata Diosman jaywana kajta q'olachiyta qallarerqankuña.

Nehemías 10:34

Chay jawaqa sacerdotekuna, levitakuna, tukuy runapis, sapa ayllunkunaman jina suerteta choqarqayku Tata Diosniykoj Templonman llant'ata apanaykupaj, sapa watapi mayk'ajpajchus apana karqa, chayman jina. Chay kanqa Tata Diosniykoj altarninpi lawrachinapaj, Moisespa kamachisqanpi qhelqasqaman jina.

Jeremías 33:18

Jinallataj levitakuna, sacerdotekuna ima kallanqapuni, sapa p'unchay uywa ñak'asqa q'olachinata jaywanankupaj, ch'aki mikhuy jaywanata, waj jaywanata ima jaywanankupaj, nispa.

Levítico 1:2

Israelitakunata niy: Qankunamanta pipis Tata Diosman jaywananpaj apamuspaqa, wakata, chayrí ovejata apamunaykichej tiyan.

Levítico 1:3

Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 23:2

Israelitakunata ajinata ninki: Kaykunamin Tata Diospa sutinpi ruwana raymikuna kanku. Chaypacha qankunaqa Tata Diosta yupaychanaykichejpaj tantakunkichej.

Números 28:14

Sapa torillota jaywaspa, iskay litro vinotawan jaywankichej, uj litro khuskanniyojtataj sapa carnerotawan jaywallankichejtaj. Sapa corderowantaj uj litrotakama jaywankichej. Chaykunamin sapa killa qallariyta q'olachispa Tata Diosman jaywanaykichej kashan.

Números 28:19

Chay jawaqa, Tata Diosman q'olachispa jaywankichej mana iman imanasqa iskay torillokunata, uj carnerota, uj watayoj qanchis corderotawan ima.

Números 28:27

Jinallataj chay p'unchay, ima munayta q'apashaj jaywanata q'olachispa Tata Diosman jaywankichej, iskay torillota, uj carnerota, uj watayoj qanchis corderotawan ima.

Números 29:13

Raymi qallariy p'unchayta, ima munayta q'apashaj q'olachisqa jaywanata Tata Diosman jaywankichej mana iman imanasqa, chunka kinsayoj torillokunata, iskay carnerokunata, uj watayoj chunka tawayoj corderokunata ima.

Números 29:2

Chaypacha q'olachispa Tata Diosman jaywankichej, ima munayta q'apashaj jaywanata jina, mana iman imanasqa uj torillota, uj carnerota, uj watayoj qanchis corderokunatawan ima.

Números 29:39

Chaykunata Tata Diospa jatun raymin p'unchaykunapi jaywankichej. Chay jawa jaywallankichejtaj, Tata Diosman nisqaykichejta junt'aspa jaywanata, sonqomanta munaspa jaywanata, chayrí q'olachispa jaywanata, ch'akiy mikhuy jaywanata, ch'ajchunapaj vinota, chantá k'achata kawsakuy jaywanata ima, nispa.

Números 29:8

Ima munayta q'apashaj q'olachispa jaywanata Tata Diosman jaywankichej mana iman imanasqa uj torillota, uj carnerota, uj watayoj qanchis corderokunatawan ima.

Deuteronomio 12:17

Trigoykichejmanta, vinoykichejmanta, chantá aceiteykichejmanta ima sapa chunkamanta ujta Diosman qosqaykichejmanta ama llajtaykichejpi mikhunkichejchu. Jinallataj wakaykichejmanta, ovejaykichejmanta phiwi uñantapis, Tata Diosman qonaykichejta nisqaykichejmanta, chantá munaspalla ofrendata qonkichej, chaykunatapis nillataj llajtaykichejpi mikhuyta atinkichejchu.

Deuteronomio 12:6

Qankuna chay cheqallapi uywa ñak'asqata jaywaspa Diosman q'olachinkichej, chantá jaywanatapis payman jaywallankichejtaj. Apallankichejtaj chunkamanta ujta payman qonaykichejpaj, ofrendakunata, nisqaykichejta junt'aspa jaywanata, sonqomanta qoyta munaspa ofrendata, chantá wakaykichejmanta, ovejaykichejmanta phiwi uñankuta ima.