Esdras 3:2 - DIOSPA QHELQACHISQ

² Chaypacha Josadacpa churin Josué, chantá sacerdote masinkuna, jinallataj Salatielpa churin Zorobabel, chantá ayllu masinkuna ima Israelpa Diosninpa altarninta ruwarqanku. Ajinaqa paykuna chay patapi uywakunata ñak'aspa q'olachiyta munarqanku, Diospa kamachin Moisespa kamachisqanman jina.

Qheshwa Biblia DC

² Chaypacha Josadacpa wawan Josué, chanta sacerdote masisnin, jinallataj Salatielpa wawan Zorobabel, chanta ayllu masisnin ima, Israelpata Diosnimpa altarninta ruwarqanku, chay patapi uywasta wañuchispa ruphachinankupaj, Diospa runan Moisespa leynimpi qelqasqanman jina.

DIOSPA QHELQACHISQAN DEUTEROCANONICAL

² Chaypacha Josadacpa churin Josué, chantá sacerdote masinkuna, jinallataj Salatielpa churin Zorobabel, chantá ayllu masinkuna ima Israelpa Diosninpa altarninta ruwarqanku. Ajinaqa paykuna chay patapi uywakunata ñak'aspa q'olachiyta munarqanku, Diospa kamachin Moisespa kamachisqanman jina.

Esdras 3:2 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

1 Crónicas 23:14

Diospa kamachin Moisesta, chantá mirayninta ima Leví jatun ayllupi yuparqanku.

1 Crónicas 3:17

Karu suyuman apasqa karqa, chay Jeconiaspa churinkuna karqanku: Asir, Salatiel,

1 Crónicas 3:19

Pedaiaspa churinkunataj karqanku: Zorobabel, chantá Simey ima. Zorobabelpata churinkunataj karqanku: Mesulán, Jananías ima. Paykunaj panankutaj Selomit sutiyoj karqa.

2 Crónicas 6:6

Kunantajrí noqaqa Jerusalén llajtata ajllakuni, chaypi yupaychasqa kanaypaj, aylluyta kamachinanpajtaj Davidta ajllakuni, nispa.

Esdras 10:18

Waj llajtayoj warmikunawan casarasqanku, chay sacerdotekunaqa kaykuna karqanku: Josadacpa churin Josuejpa ayllunmanta, wawqenkunamantawan, Maseías, Eliezer, Jarib, Gedalías ima.

Esdras 10:20

Imerpa ayllunmanta karqanku: Jananí, Zebadías ima.

Esdras 10:21

Jarinpa ayllunmanta karqanku: Maseías, Elías, Semaías, Yejiel, Uzías ima.

Esdras 10:22

Pasjurpa ayllunmanta karqanku: Elioguenay, Maseías, Ismael, Natanael, Yozabad, Elasa ima.

Esdras 2:2

Paykunata pusarejkuna kaykuna karqanku: Zorobabel, Josué, Nehemías, Seraías, Relaías, Mardoqueo, Bilsán, Mispar, Bigvay, Rejún, Baná ima. Israel ayllumanta qharikunaqa kay jina yupasqa karqanku:

Esdras 3:8

Wataj iskay kaj killanman Jerusalenpi Tata Templonta ruwanankupaj chayamusqankumanta Salatielpa churin Zorobabel, Josadacpa churin Josuetaj, sacerdote masinkunawan, levitakunawan ima, chantá pikunachus Babiloniaman apasqa kasqankumanta Jerusalenman kutimporqanku, chay tukuyninku Tata Diospa Templonta watejmanta ruwayta qallarerqanku. Templota ruwachinapajqa ajllarqanku iskay chunka watayojmanta pataman levitakunata.

Esdras 5:2

Chayrayku Salatielpa churin Zorobabel, Josadacpa churin Josué ima watejmanta Jerusalenpi Diospa Templonta ruwayta qallarerqanku. Diosmanta sut'inchajkunataj paykunata yanaparqanku.

Nehemías 12:1

Kaykuna kanku sacerdotekunawan levitakunawan kutimpojkuna, pikunachus Salatielpa churin Zorobabelwan, Josuewan ima kutimpojkuna: Seraías, Jeremías, Esdras,

Nehemías 12:8

Levitakunaqa kaykuna karqanku: Josué, Binúi, Cadmiel, Serebías, Judá, Matanías ima. Paykunaqa Diospa Templonpi yupaychaspa takichinankupaj churasqa karqanku.

Salmos 78:68

Manachayqa Judá jatun aylluta ajllakorqa, munakusqan Jerusalén llajtatawan.

Éxodo 27:1

Ruwallankitaj acaciamanta uj altarta, chay altarqa tawa esquinayoj kanqa. Altarqa sapa ladoman iskay metro cuartayoj kanqa, sayayninmantaj uj metro cuartayoj.

Hageo 1:1

Babiloniapi kuraj kamachej Darío iskay watataña kamachishajtin, sojta kaj killa qallariyta, Tata Diosqa sut'inchaj Hageonejta parlarqa Judapi kamachej Salatielpa churin Zorobabelman, Josadacpa churin Josueman ima. Josadacqa kuraj kaj sacerdote karqa.

Hageo 1:12

Chantá Salatielpa churin Zorobabel, Josadacpa churin Josué, jinallataj tukuy runapis uyarerqanku, imatachus Tata Dios sut'inchajnin Hageonejta kamachisqa, chay parlasqanta. Jinataj tukuyninku manchachikorqanku.

Hageo 1:14

Ajinata Tata Dios yuyaycharqa Judá suyupi kamachej Salatielpa churin Zorobabelta, ajinallataj Josadacpa churin kuraj kaj sacerdote Josuetapis, Diospa ayllunmanta tukuy runakunatapis ima. Jinapi paykunaqa Tukuy Atiyniyoj Tata Diospa Templonta watej ruwayta qallarerqanku.

Hageo 2:21

Judapi kamachej Zorobabelman kay jinata willay: Tata Dios nisunki: Noqa janajtawan, kay pachatawan kharkatitichisaj.

Hageo 2:23

Chaywanpis kamachiy Salatielpa churin Zorobabel, chay p'unchaypi noqa sellana anilloyta jina waqaychasqayki, qanta ajllakususqayrayku, nispa. Ajinata Tukuy Atiyniyoj Tata Dios nisunki.

Zacarías 3:1

Chaymantataj Tata Diosqa mosqoypi jina, kuraj kaj sacerdote Josueta rikuchillawarqataj, Tata Diospa angelninpa ñawpaqenpi sayashajta. Chaywanpis ch'ataykoj angelpis Josuéj pañannejpi kasharqa payta ch'ataykunanpaj.

Zacarías 3:8

Allinta uyariway, kuraj kaj sacerdote Josué, jinallataj qanwan kashaj, chay sacerdotekunapis uyarillachunkutaj. Qankuna señal jina churasqa kankichej imachus aswan qhepaman kananmanta. Noqa kamachiyta kachasaj, Ijimuy Kaj nisqata.

Zacarías 6:11

Chantá qolqe metalta, qorita ima jap'isqaykiwan pillukunata ruway. Jinaytawantaj, ujninta Josadacpa churin kuraj kaj sacerdote Josuéj umanman churaykuy.

Números 28:2

Israelitakunata kamachiy, maychus tiemponpi t'antayta, jinallataj q'olachispa jaywanata jaywanawankuta. Chaykunaqa noqapaj ima munayta q'apashaj jaywanamin kanku.

San Lucas 3:27

Joanajpa churin, Resaj churin, Zorobabelpa churin, Salatielpa churin, Nerijpa churin,

Jueces 6:24

Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.