Esdras 2:1 - DIOSPA QHELQACHISQ

¹ Kaykuna kanku Judamanta Babiloniaman apasqa kajkunamanta pikunachus Judaman kutipojkuna. Paykunaqa kuraj kamachej Nabucodonosorpa kamachisqanman jina Judá jallp'amanta Babiloniaman apasqa kasqanku. Paykuna Judá suyuman kutiporqanku, wakinkuna Jerusalenman, wakinkunataj maymantachus karqanku, chay waj llajtankuman.

Qheshwa Biblia DC

¹ Kaykuna kanku presochasqamanta kutimpojkuna. Paykunaqa rey Nabucodonosorpa kamachisqanman jina Judá jallp'amanta Babiloniaman apasqas karqanku. Paykunamanta wakinkuna Jerusalenman, Judá jallp'asmantaj kutimporqanku, sapa ujninku llajtankuman yaykuporqanku.

DIOSPA QHELQACHISQAN DEUTEROCANONICAL

¹ Kaykuna kanku Judamanta Babiloniaman apasqa kajkunamanta pikunachus Judaman kutipojkuna. Paykunaqa kuraj kamachej Nabucodonosorpa kamachisqanman jina Judá jallp'amanta Babiloniaman apasqa kasqanku. Paykuna Judá suyuman kutiporqanku, wakinkuna Jerusalenman, wakinkunataj maymantachus karqanku, chay waj llajtankuman.

Esdras 2:1 ပူးပေါင်းရင်းမြစ်များ

2 Reyes 25:11

Chaymantataj Nabuzaradanqa Jerusalén llajtapi qhepakojkunata, Babilonia suyuta kuraj kamachejman k'askapojkunata, chantá wakin runakunatawan tukuyta Babiloniaman presota aparqa.

1 Crónicas 9:1

Ajinata tukuynin israelitakunaj sutinku, Israel suyuta chantá Judá suyuta kuraj kamachejkunaj qhelqankupi listasqa karqa. Judá suyumanta kajkunaqa Tata Diosta mana kasusqankurayku Babiloniaman wijch'usqa karqanku.

1 Crónicas 9:2

Ñawpajta kutimpuspa jallp'ankupi, chantá llajtankupi tiyakojkuna, wakin israelitakuna, levitakuna, sacerdotekuna, chantá Diospa Templonpi ruwajkuna ima karqanku.

Esdras 1:11

Tukuy chay qolqe metalmanta, qorimantataj kaj imakunaqa 5.400 yupakorqa. Jinataj Sesbasarqa chay tukuy imata watejmanta aparqa Jerusalenman, Babiloniaman apasqa kasqanku, chay kutipoj runakunawan khuska.

Esdras 2:2

Paykunata pusarejkuna kaykuna karqanku: Zorobabel, Josué, Nehemías, Seraías, Relaías, Mardoqueo, Bilsán, Mispar, Bigvay, Rejún, Baná ima. Israel ayllumanta qharikunaqa kay jina yupasqa karqanku:

Esdras 2:70

Chantá sacerdotekuna, levitakuna, wakin kutimojkuna ima Jerusalenpi tiyakorqanku. Takejkunataj, punkuta qhawajkuna, Temploj kamachinpi ruwanayojkuna, wakin israelitakuna ima llajtankupi tiyakamporqanku.

Esdras 5:8

Kayta willamuyku qanman: Judá jap'iyta watumuspa, atiyniyoj Diospa Templonta rikorqayku. Chay wasita watejmanta ruwashanku jatuchaj sumaj ch'eqosqa rumiwan. Kunantaj perqaman tablakunata churaykushankuña. May usqhayllata ruwashanku.

Esdras 6:2

Chantá Media jap'iypi, Acmeta llajtapi, kamachina wasipi uj qhelqata tarerqanku, chaypitaj kay jina qhelqasqa kasqa:

Esdras 8:35

Chay qhepata pikunachus Babiloniamanta noqaykuwan khuska kutimporqanku, chaykunaqa kay imakunata qorqanku Israelpa Tata Diosninpaj ñak'aspa, q'olachisqa kanankupaj: Chunka iskayniyoj waka uñakunata, jisq'on chunka sojtayoj carnerokunata, qanchis chunka qanchisniyoj carnerokunatawan. Chunka iskayniyoj chivokunatapis juchaj cuentanmanta jaywallarqankutaj.

Nehemías 12:1

Kaykuna kanku sacerdotekunawan levitakunawan kutimpojkuna, pikunachus Salatielpa churin Zorobabelwan, Josuewan ima kutimpojkuna: Seraías, Jeremías, Esdras,

Ester (hebreo) 1:1

Kay tukuy ima karqa Asuero kuraj kamachej kashajtin. Payqa Indiamanta Etiopiakama, 127 suyukunata kamacherqa.

Ester (hebreo) 1:11

Asuerotaj paykunata kacharqa ñawpaqenman qoya Vastita pusarimunankupaj sumaj k'achanchasqata, pilluwan churaykusqata, pikunawanchus chay raymipi mikhusharqa, chay kurajkunapis may k'achita kasqanta rikunankupaj. Cheqamanta qoyaqa k'achita karqa.

Ester (hebreo) 1:3

Kuraj kamachej Asueroqa kinsa watataña kamachishaspa, jatun raymita wakicherqa kamachiysejkunapaj, yanapajninkunapaj, Persiamanta, Mediamantawan soldado kamachejkunaj kurajninkukunapaj, chantá tukuy suyupi kamachejkunapaj, kurajkunapajwan ima.

Ester (hebreo) 1:8

Kuraj kamachejqa mayordomonkunata kamachisqa ama pitapis munajta mana munajtaqa ujyachinankuta, manachayqa munasqankuman jinalla ujyanankuta.

Ester (hebreo) 8:9

Chaypacha kuraj kamachejqa tukuy qhelqerinkunata wajyacherqa Siván nisqa kinsa kaj killapi, iskay chunka kinsayoj p'unchayninpi. Chay qhelqerikunataj Mardoqueoj nisqanta qhelqarqanku judiokunaman, jilaqatakunaman, sapa llajtapi kamachejkunaman, waj kurajkunamanwan ima. Tukuyninpi 127 suyukunaman, Indiamanta Etiopiakama apacherqa. Chantapis chay qhelqaqa karqa, sapa llajtapi imaynatachus qhelqayta yachasqankuman jina, parlayninkuman jinataj. Judiokunamanpis parlayninkuman jina, qhelqayninkuman jinataj apachillarqankutaj.

Isaías 48:20

Chaywanpis kunan Babiloniamanta llojsiychej, caldeokunamantataj ayqekuychej. Kay imakunamanta kusiywan willamuychej, kay pachaj k'uchunkamataj uyarichiychej. Chaypacha niychej: Tata Dios pagota qospa kamachin Jacobta kacharichin, nispa.

Jeremías 50:19

Israel aylluytarí tiyakunanku llajtaman kutichimusaj, chaypitaj ovejakuna jina sumaj pastota mikhonqanku Carmelopi, Basanpi, Efrainpa orqonpi, Galaadpi ima, nispa.

Lamentaciones 1:3

Judá suyupi tiyakojkuna karu suyukunaman apasqa kanku. Chaypi may ñak'arichisqa kanku, sinch'i ruwanawan. Waj suyukunaj chawpinpi tiyakuspa, mana samariyta tarinchu. Awqakunawan muyurisqa kaspataj mana ayqeyta atinchu.

Lamentaciones 1:5

Awqankunaqa mayta qhapajyarinku, paykunaj makinkupitaj kashan. Jerusalentaqa Tata Diospuni chay jinata llakichin, may chhikata juchallikusqanrayku. Wawankukunapis waj suyukunaman chayarqanku awqankoj apasqanrayku.

Lamentaciones 4:22

Sión llajta, jasut'isqa kanayki junt'akun. Manaña jayk'ajpis ujtawan pay apachisonqachu. Chaywanpis, qan Edom suyu, jasut'isqapuni kanki, imaraykuchus Tata Diosqa juchaykita sut'iman orqhonqa.

Sofonías 2:7

Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.

Hechos 23:34

Kamachej Felixtaj chay cartata ñawirispa, Pablota taporqa maymantachus kasqanta. Pablotaj Ciliciamanta kasqanta nerqa.