Esdras 10:5 - DIOSPA QHELQACHISQ

⁵ Chantá Esdras sayarikuspa, sacerdotekunaj kurajninkuta, jinallataj levitakunaj kurajninkuta, tukuynin israelitakunaj kurajninkukunatapis trato ruwasqankuta junt'anankupaj tilucherqa. Paykunataj tiluspa, junt'anankuta nerqanku.

Qheshwa Biblia DC

⁵ Chaymantaj Esdras sayarerqa, sumajta juramentota ruwacherqa, sacerdotespa kurajninkuta, jinallataj levitaspa kurajninkuta, tukuynin israelitaspa kurajkunasninkutapis trato ruwasqankuta junt'anankupaj. Paykunataj nerqanku junt'anankuta.

DIOSPA QHELQACHISQAN DEUTEROCANONICAL

⁵ Chantá Esdras sayarikuspa, sacerdotekunaj kurajninkuta, jinallataj levitakunaj kurajninkuta, tukuynin israelitakunaj kurajninkukunatapis trato ruwasqankuta junt'anankupaj tilucherqa. Paykunataj tiluspa, junt'anankuta nerqanku.

Esdras 10:5 ပူးပေါင်းရင်းမြစ်များ

Esdras 10:3

Kunanqa Diosninchejwan tratota ruwasqayku waj llajtayoj warmikunata, wawankukunatawan kachapunaykuta ajinamanta Diospa kamachisqanta junt'anaykupaj, imaynatachus qan, chantá pikunachus Diospa kamachisqanta kasunku, chaykuna yuyaychawasqaykuman jina.

Nehemías 10:29

Paykunataj ayllunkuwan jinataj kurajninkuwan tantaykukuspa, tilorqanku Diospa kamachisqanman jina kawsanankupaj. Nillarqankutaj Tata Diosninkoj kamachisqanta, nisqanta, yachachisqanta ima mana pantaspa junt'anankuta, Moisespa yachachisqanman jina.

Nehemías 13:25

Jinapi paykunata k'amerqani, maldicerqanitaj. Paykunamanta wakintaqa maqarqani, chujchankutataj t'irarqani. Kamacherqanitaj Diosrayku tilunankuta: Manaña ujtawan ususiykukunata, nitaj churiykukunatapis waj llajtayojkunawan casarachisqaykuchu. Noqaykupis manallataj paykunamanta warmikunawan casarasqaykuchu, nispa.

Nehemías 5:12

Paykunataj kutichiwarqanku: Arí, kutichipusqayku tukuy imata, manataj ni imatapis mañakapusqaykuñachu. Nisqaykiman jina ruwasqayku, nispa. Chaypacha sacerdotekunata wajyacherqani, ñawpaqenkupitaj runakunata tilucherqani, kutichipusaj nisqankuta junt'anankupaj.

Proverbios 1:5

Yachayniyoj, yuyayniyojpis kay nisqakunata uyarispa, astawan yachayniyoj kanqa. Yuyayniyojpis astawan yuyaychasqa kanqa.

Proverbios 15:23

Maychus kajta kutichinaqa tukuyta kusichin. Maychus tiemponpi kutichiyrí aswan allinraj.

Proverbios 27:9

Sumajta q'apashaj jawinaqa sonqota kusichin, ajinallataj k'acha kawsaqej yuyaychasqanqa runatapis kusichillantaj.

Proverbios 9:9

Yachayniyojman yachachiy, paytaj astawan yachayniyoj kanqa. Cheqan runaman yachachiy, paytaj astawan yachanqa.

San Mateo 26:63

Jesustajrí ch'inlla kakorqa. Chantá kuraj kaj sacerdoteqa Jesusta nerqa: Kawsashaj Diospa sutinpi niwayku: Qanchu Diospa kachamusqan Cristo kanki, Diospa Churin? nispa.