Esdras 1:5 - DIOSPA QHELQACHISQ

⁵ Chantá Judá jatun ayllumanta, Benjamín jatun ayllumantawan kuraj runakuna wakichikorqanku Jerusalenman rinankupaj, Tata Diospa Templonta watejmanta ruwamunankupaj. Jinallatataj wakichikorqanku sacerdotekuna, levitakuna, chantapis pikunaj sonqonkutachus Dios kuyuricherqa, chaykuna ima.

Qheshwa Biblia DC

⁵ Chaypacha Judá ayllumanta, Benjamín ayllumantawan kuraj runas wakichikorqanku Jerusalenman rinankupaj, Señorpa wasinta ruwamunankupaj. Jinallatataj wakichikorqanku sacerdotes, levitas, chantapis pikunatachá Dios umacharqa chaykuna ima.

DIOSPA QHELQACHISQAN DEUTEROCANONICAL

⁵ Chantá Judá jatun ayllumanta, Benjamín jatun ayllumantawan kuraj runakuna wakichikorqanku Jerusalenman rinankupaj, Tata Diospa Templonta watejmanta ruwamunankupaj. Jinallatataj wakichikorqanku sacerdotekuna, levitakuna, chantapis pikunaj sonqonkutachus Dios kuyuricherqa, chaykuna ima.

Esdras 1:5 ပူးပေါင်းရင်းမြစ်များ

2 Crónicas 36:22

Aswan qhepaman Diosman sut'inchaj Jeremiasnejta Tata Diospa nisqan kay jinata junt'akorqa: Persia suyuta kuraj kamachej Ciro kamachiyta qallarishajtin, chay watapi Tata Diosqa Cirota umacharqa tukuynin jap'iyninpi kajkunaman parlasqapi, jinataj qhelqasqapi kay jinata willarachinanpaj:

Esdras 1:1

Persiamanta kuraj kamachej Ciro uj watataña kamachishajtin, Tata Dios junt'ayta qallarerqa, ima sut'inchaytachus pay willachisqa sut'inchaj Jeremiasnejta, chayta. Chayrayku Tata Diosqa kuraj kamachej Ciroj sonqonta kuyuricherqa. Cirotaj tukuynin kamachiyninpi kajkunaman parlaypi, qhelqasqapitaj kay jinata willacherqa:

Esdras 1:2

Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Esdras 1:4

May llajtakunapichá israelitakuna kawsashankuraj, chay llajtayojkunaqa israelitakunata yanapachunku ripunankupaj qolqe metalwan, qoriwan, imachus tiyapuyninkuwan, uywankuwan ima. Ofrendatapis qollachunkutaj atisqankuman jina, Jerusalenpi kaj Tata Diospa Templonpaj, nispa.

Nehemías 2:12

Chaymantaqa wakinkunawan tuta jatarikorqani, manataj pimanpis willarqanichu, imatachus Dios sonqoyman niwasqanta Jerusalenpi ruwanaypaj. Manataj waj caballokunataqa aparqanichu, purisharqani, chayllata aparqani.

Proverbios 16:1

Runaqa imatapis ruwananpaj yuyaychakun chaypis, Tata Dios imachus kananta nin.

Hageo 1:14

Ajinata Tata Dios yuyaycharqa Judá suyupi kamachej Salatielpa churin Zorobabelta, ajinallataj Josadacpa churin kuraj kaj sacerdote Josuetapis, Diospa ayllunmanta tukuy runakunatapis ima. Jinapi paykunaqa Tukuy Atiyniyoj Tata Diospa Templonta watej ruwayta qallarerqanku.

2 Corintios 8:16

Noqaqa Diosta pachis nini, imaraykuchus pay Titoj sonqonman churarqa qankunamanta yuyarikunanpaj, imaynatachus noqa qankunamanta yuyarikunipuni, ajinallatataj.

Filipenses 2:13

Ajinata ruwaychej, imaraykuchus Diosmin allin kajta ruwayta munachisunkichej, payllataj ruwanaykichejpaj yanapasunkichej sonqonpa munasqanman jina.

3 Juan 1:11

Munasqa wawqéy, ama chay jina mana allin kajta ruwayta yachaqakuychu, aswanpis allin kajllata. Cheqan kajta ruwajqa Diosmantamin. Pichus mana allin kajta ruwajrí, Diosta mana Diosninpaj rejsikapunchu.