Efesios 6:9 - DIOSPA QHELQACHISQ

⁹ Qankunapis patronkuna, kikillantataj wata runaykichejta allinta qhawaychej. Ama paykunata manchaykuchispa imatapis ruwaychejchu. Manachayqa yuyarikuychej paykunajtapis qankunajtapis Dueñoykichejqa janaj pachapi kasqanta, paytaj tukuyta uj ñawillawan qhawan.

Qheshwa Biblia DC

⁹ Qankunapis kamachejkuna, kikillantataj kamachisniykichejwan allinta kausakuychej, ama paykunata manchachispa. Yachaychej, qankunatapis paykunatapis janaj pacha Señor kamachin, imaraykuchus payqa mana runaj rijch'aynillantachu qhawan.

DIOSPA QHELQACHISQAN DEUTEROCANONICAL

⁹ Qankunapis patronkuna, kikillantataj wata runaykichejta allinta qhawaychej. Ama paykunata manchaykuchispa imatapis ruwaychejchu. Manachayqa yuyarikuychej paykunajtapis qankunajtapis Dueñoykichejqa janaj pachapi kasqanta, paytaj tukuyta uj ñawillawan qhawan.

Quechua South Bolivia: Dios Parlapawanchej

⁹ Patroncuna, quiquillantataj kancunapis camachisniyquichejwan ruwaychej. Amaña paycunaman manchachinaswan niychejchu. Yachanquichej paycunapis kancunapis janaj pachapi Señorniyoj caskayquichejta. Payka uj runata waj runamanta manamin astawanpajchu khawan.

Efesios 6:9 ပူးပေါင်းရင်းမြစ်များ

Nehemías 5:5

Noqaykupis paykunapis uj ayllullamanta kayku. Wawaykukunapis paykunaj wawankukuna jinallataj kanku. Chaywanpis noqaykoqa wawaykuta, ususiykukunata wata runata jina vendeykuña. Ñapis ususiykukunamanta wakinkuna wata runaña kanku, noqaykutaj mana imatapis ruwayta atiykuchu paykunata kacharichinaykupaj, imaraykuchus jallp'aykupis, huertaykupis wajkunajtaña, nispa.

Job 34:19

Payqa mana kamachejkunaman kutikunchu, nitaj qhapajkunaman, nillataj wajchakunamanpis uyata orqhonchu, imaraykuchus paymin tukuyninkuta ruwarqa.

Salmos 140:12

12 (13) Noqa yachani Tata Diosqa wajcha runapaj justiciata ruwasqanta, ñak'arichisqa runakunamantaj kutikusqanta.

Eclesiastés 5:8

8 (7) Ichapis may llajtapi wajchakunata ñak'arichejta rikunki, cheqan kajtapis manakajman tukuchejta rikullankitaj. Chayta rikuspa, ama t'ukuychu. Uj kamachejtaqa uj kuraj kaj pakan, paytataj uj astawan kuraj kajñataj pakan. Paykunaj ruwasqankutapis astawan kuraj kaj pakashallantaj.

Isaías 47:6

Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

Daniel (hebreo) 3:15

Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

Daniel (hebreo) 3:6

Tukuy pikunachá mana pampakama k'umuykuspa lantita yupaychanqankuchu, chaykuna chaypachapacha lawrashaj uj jatun hornoman wijch'uykusqa kanqanku, nispa.

Levítico 19:13

Ama runa masiykichejta waqachinkichejchu, nitaj imantapis qhechunkichejchu. Amallataj peonniykichejpa pagonta q'ayantinkama jap'ikunkichejchu.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

San Mateo 22:10

Kamachikunataj ñankunaman llojsispa, tarisqanku kaj chhikata wajyasqanku, allin kajkunata mana allin kajkunatapis. Ajinamanta raymi waseqa chay wajyasqakunawan junt'aykusqa.

San Mateo 22:8

Chaymantataj wakin kamachinkunata nisqa: Casamientopaj jatun mikhoyqa wakichisqaña chaypis, chay wajyasqakunaqa mana chayman jamunankupaj jinachu karqanku.

San Mateo 24:48

Chaywanpis mayordomo sajra sonqoyoj kaspa, ichapis ninman: Patronneyqa manaraj chayamonqachu, nispa.

San Mateo 24:51

Chayamuspataj, patronqa chay mayordomota sinch'ita jasut'iytawan, puraj uyakunatawan khuska wijch'onqa, maypichus waqay, kiru k'arukuytaj kanqa, chayman, nispa. Ajinata Jesús yachacherqa.

San Mateo 7:12

Chayrayku, imaynatachus runakuna qankunapaj ruwanankuta munankichej, ajinallatataj qankunapis paykunapaj ruwaychej. Chayta ruwaspa, junt'ashankichej imatachus Diospa kamachisqanpi, Diosmanta sut'inchajkunaj qhelqasqankupi ima kamachishan, chayta.

San Lucas 6:31

Imaynatachus runa qankunapaj ruwanankuta munankichej, ajinallatataj qankunapis paykunapaj ruwaychej.

San Juan 13:13

Qankuna niwankichej: Yachachejniyku, Tukuyta Kamachej, nispa. Chayta niwaspataj, walejta niwankichej, imaraykuchus chaypuni noqa kani.

Hechos 10:34

Chantá Pedro parlayta qallarerqa: Cheqatapuni reparani Diosqa mana wakillantachu allinpaj qhawasqanta.

Romanos 2:11

Chayqa ajina, imajtinchus Diosqa runata mana uyanta qhawaspachu juzgan.

1 Corintios 1:2

Qankunaqa Cristo Jesusman ujchasqa kaspa, Diospaj t'aqasqa kankichej, wajyasqataj juchamanta t'aqasqa kanaykichejpaj. Dios Jesucristonejta paypaj t'aqawarqanchej, pikunachus Tukuyta Kamachej Jesucristoj sutinta oqharinku, chaykunatawan khuska. Payqa paykunaj Kuraj Kamachejninku, noqanchejpatapis.

1 Corintios 7:22

Sichus pipis wata runa kashaspa Tukuyta Kamachej Cristota qhatinanpaj wajyasqa karqa chayqa, kunanqa Tukuyta Kamachej Cristota kasunanpaj kacharichisqaña. Jinallataj sichus pipis kacharisqa kashaspa wajyasqa karqa chayqa, kunanqa Cristoj wata runanña.

Deuteronomio 10:17

Tata Diosniykichejqa dioskunaj Diosnin, tukuy kamachejkunaj kamachejnintaj. Payqa kamachinanpaj mana pitapis tapunrajchu, jinallataj may atiyniyoj, manchachikunataj. Tukuyta uj rejllata qhawan, nitaj piwanpis lluk'ichikunchu.

Colosenses 3:25

Pichus mana allinta ruwajrí mana allin kajta ruwasqanmanta pagota jap'enqa, imaraykuchus Diosqa mana runaj uyanta qhawaspachu juzgan.

Colosenses 4:1

Patronkuna, wata runaykichejwan cheqan kajta ruwaychej, jinataj allin sonqowan paykunata qhawaychej. Ama qonqaychejchu qankunajtapis janaj pachapi Kamachejniykichej kasqanta.

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.

Santiago 2:8

Diospa Qhelqachisqanpi kuraj kaj kamachisqa kay jinata nin: Runa masiykita munakuy qan kikiykita jina, nispa. Chaytachus tukuy sonqo junt'ankichej chayqa, allinta ruwankichej.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.

1 Samuel 15:17

Chantá Samuel nerqa: Qan kikiyki pisipaj qhawarikorqanki. Chaywanpis Tata Diosqa Israel suyuta kamachinaykipaj churasorqa.