Efesios 6:8 - DIOSPA QHELQACHISQ

⁸ Ama qonqaychejchu: Tukuyta Kamachej Jesucristo sapa ujta allin kajta ruwasqanman jina t'inkachenqa, wata runapis kachun chayrí mana wata runapis kachun.

Qheshwa Biblia DC

⁸ Yachankichejña sapa uj allinta ruwasqanman jina, allin kajllatataj Señormanta jap'enqa, kamachipis mana kamachipis kachun.

DIOSPA QHELQACHISQAN DEUTEROCANONICAL

⁸ Ama qonqaychejchu: Tukuyta Kamachej Jesucristo sapa ujta allin kajta ruwasqanman jina t'inkachenqa, wata runapis kachun chayrí mana wata runapis kachun.

Quechua South Bolivia: Dios Parlapawanchej

⁸ Yachanquichejjina sapa uj allin ruwaskanmanjina Señormanta jap'inanta, camachipis chayrí mana camachipis.

Efesios 6:8 ပူးပေါင်းရင်းမြစ်များ

Proverbios 11:18

Millayta ruwajpa pagonqa qhasi manakajlla. Cheqan kajta ruwajrí sumaj t'inkata jap'enqa.

Proverbios 23:18

Ajinaqa qanta qhepanejman allin risonqa, imatachus suyakusqaykitaj mana qhasipajchu kanqa.

Isaías 3:11

Juchasapa runakunarí imanakullanqankuchus. Paykunataqa mana allinchu renqa, imaraykuchus paykunaman ruwasqankuman jina pagasqa kanqa.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

San Mateo 20:7

Paykunataj kutichisqanku: Mana pipis mink'akuwaykuchu, nispa. Paytaj nisqa: Qankunapis huertayman uva pallaj rillaychejtaj, nispa. Paykunataj risqanku.

San Mateo 5:12

Chaypacha kusikuychej, jinallataj sonqo junt'asqa kaychej, imaraykuchus janaj pachapi t'inkaykichejqa ashkhamin. Ajinallatataj runakunaqa Diosmanta ñawpa sut'inchajkunata chejnispa qhatiykacharqanku.

San Mateo 6:1

Jesús yachachillarqataj: Ima allinta ruwaspaqa, ama runakunaj rikunantachu ruwaychej, paykuna jatunchasunaykichejpaj. Ajinata ruwajtiykichejqa, janaj pachapi kashaj Tata Diosniykichejqa mana ima t'inkatapis qosonqachejchu.

San Mateo 6:4

Ajinaqa mana pejpa yachasqanta wajchakunata khuyaychej. Chantá, pakaypi khuyasqaykichejta rikoj Tata Diosniykichej tukuypa ñawpaqenpi t'inkachisonqachej.

San Lucas 14:14

Chaywanqa aswan kusikuyniyoj kanki, imaraykuchus paykuna mana imatapis kutichipusuyta atenqankuchu. Chantá cheqan runakuna wañusqamanta kawsarimpojtinku, chaypachamá Diosmin t'inkaykita qosonqa, nispa.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

1 Corintios 12:13

Jinallataj Santo Espiritulla tukuyta bautizawarqanchej, uj ukhu jinalla kananchejpaj judiokuna, mana judiokuna, wata runakuna, mana wata runa kajkuna ima. Diostaj chay kikin Santo Espiritullantataj tukuyninchejman qowarqanchej.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

Colosenses 3:11

Chay mosoj kawsaypitaj manaña imananchu mana judío kasqanchej, chayrí judío kasqanchej, nitaj circuncidasqa kasqanchej, chayrí mana circuncidasqa kasqanchej ima. Manallataj imananchu yachayniyoj kana, mana yachayniyoj kanapis, nitaj wata runa kana, chayrí mana wata runa kanapis. Manachayqa Cristolla aswanmin, paytaj tukuyninchejpi tiyakushan.

Colosenses 3:24

Qankuna yachankichej Tukuyta Kamachej Cristoqa nisqan chayaqeta t'inkata jina qonasuykichejta, imaraykuchus Tukuyta Kamachej Cristojta kamachinkuna kankichej.

Colosenses 3:25

Pichus mana allinta ruwajrí mana allin kajta ruwasqanmanta pagota jap'enqa, imaraykuchus Diosqa mana runaj uyanta qhawaspachu juzgan.

Hebreos 10:35

Chayrayku ari tukuy sonqo Diospi atinikullaychejpuni, imaraykuchus Diosqa may sumaj t'inkata qosonqachej.

Hebreos 11:26

Moisesqa Egiptopi qhapaj kaspapis, repararqa chhika patapi kawsarikuna qhasilla kasqanta. Aswanpis Cristorayku qhesachasqa kana aswan sumaj kasqanta qhawarqa, imaraykuchus paypa yuyaynin janaj pachapi t'inka jap'inapi kasharqa.