Efesios 6:5 - DIOSPA QHELQACHISQ

⁵ Wata runakuna, patronniykichejta kasuychej, respetakuspa chantá manchachikuspa ima. Paykunaj kamachisqankuta tukuy sonqowan kasuychej, Cristotapis kasushawajchej jina.

Qheshwa Biblia DC

⁵ Kamachis, kay jallp'a patapi uywaqesniykichejta kasuychej, manchachikuywan, kharkatitiywantaj llamp'u sonqolla, Cristota jina.

DIOSPA QHELQACHISQAN DEUTEROCANONICAL

⁵ Wata runakuna, patronniykichejta kasuychej, respetakuspa chantá manchachikuspa ima. Paykunaj kamachisqankuta tukuy sonqowan kasuychej, Cristotapis kasushawajchej jina.

Quechua South Bolivia: Dios Parlapawanchej

⁵ Camachis, cay pacha patroncunayquichejta sumajpaj khawaspa casuychej. Manchachicuywan tucuy sonkowanpis Cristotajina casuychej.

Efesios 6:5 ပူးပေါင်းရင်းမြစ်များ

Génesis 16:9

Chantá Tata Diospa angelnin nerqa: Kutipuy patronaykejpaman, imatachá kamachisunki, chayta ruwaspa, nispa.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

Salmos 123:2

Imaynatachus wata runa patronninta qhawan, jinallatataj warmi wata runapis patronanta qhawan, ajinata noqaykupis, Tata Dios, qan qhawarisqalla kayku, khuyakunawaykuta suyaspa.

Salmos 86:11

Tata Dios, ñanniykipi puriyta yachachiway, qanta kasuspa purinaypaj. Sonqoypi kay jinata munanalla kachun: Qanllata yupaychasuyta munana.

Malaquías 1:6

Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

San Mateo 6:22

Ñawiykeqa ukhuykipaj k'anchay jina. Ñawiyki allin kajtenqa, tukuy ukhuykipis k'anchayniyoj kanqa.

San Mateo 6:24

Mana pipis iskay patronkunaj kamachiyninpi ujllapi kayta atinchu, imaraykuchus ujninta chejnenqa, ujnintataj munakonqa. Chayrí, ujnin patronman k'askakonqa, ujnintataj qhesachanqa. Manallataj qankunapis ujllapi qolqetawan, Diostawan aswanpaj qhawayta atinkichejchu.

San Mateo 8:9

Noqaqa kurajkunaj kamachisqallantaj kani, jinallataj noqapis soldadokunata kamachini. Ujninta kamachini: Riy, nispa, rintaj. Ujnintapis nillanitaj: Jamuy, nispa, jamuntaj. Jinallataj, kamachiytapis nini: Kayta ruway, nispa, paytaj chayta ruwan, nispa.

Hechos 2:46

Chantá Temploj pationpi tukuyninku sapa p'unchay uj sonqolla tantakojpuni kanku. Wasinkupipis paykuna Jesuspa Cenanta ruwaj kanku, jinataj mikhunatapis khuska mikhoj kanku may kusiywan, llamp'u sonqowantaj.

Romanos 9:3

Noqa kikiy munayman maldicisqa kayta, Cristomanta t'aqasqa kayta ima, aylluyta munakuspa paykunata yanapanayrayku, pikunachus ayllu masiy kanku, chaykunata.

1 Corintios 2:3

Noqaqa qankuna ukhupi pisi kallpayoj karqani, mancha manchalla, kharkatitispataj.

1 Corintios 7:22

Sichus pipis wata runa kashaspa Tukuyta Kamachej Cristota qhatinanpaj wajyasqa karqa chayqa, kunanqa Tukuyta Kamachej Cristota kasunanpaj kacharichisqaña. Jinallataj sichus pipis kacharisqa kashaspa wajyasqa karqa chayqa, kunanqa Cristoj wata runanña.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

2 Corintios 7:15

Tito mayta munakusunkichej, imaraykuchus sapa kuti yuyarikun payta kasusqaykichejmanta. Pay chayamojtin, qankuna jatun respetowan jap'erqankichej, manchachikuywan ima.

Efesios 5:22

Qosayoj warmikuna, imaynatachus Tukuyta Kamachej Cristota may jatun respetowan qhawankichej, ajinallatataj sapa ujpis qosaykichejman k'umuykoj sonqo kaychej.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

Filipenses 2:12

Munasqa wawqe panakuna, noqa qankunawan kashajtiy, qankuna kasuwajpuni kankichej. Kunanrí qankunamanta karupi kashajtiy, astawanraj kasunawaykichej tiyan. Chayrayku atisqaykichejta ruwaychej qhespichisqa kasqaykichej imatachus ruwasqanta rikuchinaykichejpaj Diosta kasuspa, chantá payta may jatun respetowan qhawaspa ima.

Filemón 1:16

Kunantajrí payta manaña wata runata jinachu jap'ikapuy, aswanpis munasqa wawqeykita jina. Noqaqa Onesimota mayta munakuni. Qanpajrí aswan munasqaraj kanqa, mana wata runa jinallachu, manachayqa Tukuyta Kamachej Jesucristoman kutirikusqannejta wawqeyki kasqanrayku.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

1 Pedro 3:2

Paykuna rikonqanku allin ruwasqaykichejta, chantá qosaykichejta manchay respetowan qhawayta yachaj kasqaykichejta ima.