Efesios 6:2 - DIOSPA QHELQACHISQ

^2-3 Diospa kamachisqanpi nin: Tataykita, mamaykitawan jatun respetowan qhaway, allin risunanpaj, kay pachapitaj unayta kawsakunaykipaj, nispa. Diospa tukuy kamachisqanmanta kaymin ñawpaj kaj t'inkayoj kamachisqaqa.

Qheshwa Biblia DC

^2-3 Kaymin Diospa ñaupaj kaj kamachiynenqa maypichus uj promesa tiyan: Tataykita mamaykitawan allimpi qhawanki, allin risunampaj, kay jallp'a patapi unayta kausakunaykipaj.

DIOSPA QHELQACHISQAN DEUTEROCANONICAL

^2-3 Diospa kamachisqanpi nin: Tataykita, mamaykitawan jatun respetowan qhaway, allin risunanpaj, kay pachapitaj unayta kawsakunaykipaj, nispa. Diospa tukuy kamachisqanmanta kaymin ñawpaj kaj t'inkayoj kamachisqaqa.

Quechua South Bolivia: Dios Parlapawanchej

^2-3 Camachiskapis nin: “Tatayquita mamayquita casuy, unayta cay pachapi sumajta causanayquipaj. Ajinata sumaj niskanwan Dioska chay camachiskata yaparka allin cajninta ricuchinanpaj.

Efesios 6:2 ပူးပေါင်းရင်းမြစ်များ

Éxodo 20:12

Tataykitawan, mamaykitawan ima sumaj respetowan qhawakuy. Ajinata ruwanki chayqa, Tata Diosniyki jallp'ata qosonqa, chaypi unayta kawsakunki.

Proverbios 20:20

Pichus tatanta, mamantapis maldicejqa manaraj wañunanpi wañonqa.

Jeremías 35:18

Chay jawa Jeremías recabitakunaman nillarqataj: Tukuy Atiyniyoj, Tukuyta Kamachej Tata Dios nin: Qankunaqa ñawpa tataykichej Jonadabpa kamachisqanta kasorqankichej, yachachisqanta ima, junt'arqankichejtaj tukuy paypa nisqanta.

Jeremías 35:7

Jinallataj wasita ama ruwakunaykuta kamachiwarqayku, nitaj chajrata tarpunaykuta nitaj uvatapis mallkinaykuta. Kamachillawarqaykutaj toldollapi tiyakunaykuta, ajinamanta kay jallp'api unayta tiyakunaykupaj, maypichus waj llajtayoj runa jina purishayku, chaypi.

Ezequiel 22:7

Jerusalén llajta, qanpi tiyakojkunaqa tatankuta, mamankutapis pisipaj qhawanku. Karu llajtayoj runakunatapis ñak'arichinku. Wajcha wawakunamanta, warmisapakunamantataj ch'uskinku.

Malaquías 1:6

Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

Romanos 13:7

Jinallataj tukuy manuykichejta junt'aychej: Pimanchus impuesto pagana kajtenqa, chayta pagaychej. Waj ima pagana kajtinpis, chaytapis pagallaychejtaj. Pitachus kasunaykichej tiyan, payta kasuychej. Pitachus jatunpaj qhawanaykichejtapis jatunpaj qhawaychej.

Deuteronomio 27:16

Jinallataj levitakuna nillanqankutaj: Maldicisqa kachun pichus tatanta, mamanta pisipaj qhawajqa, nispa. Tukuy israelitakunataj nenqanku: Ajina kachun, nispa.

Deuteronomio 5:16

Tata Diosniyki kamachisusqanman jina, tataykita, mamaykitapis jatun respetowan qhawakunki. Ajinata ruwanki chayqa, Tata Diosniyki jallp'ata qosonqa chaypitaj unayta kawsanki, chantá allillan risonqa.

1 Timoteo 5:4

Chaywanpis, sichus mayqen warmisapa wawakunayoj, chayrí, allchhikunayoj kanman chayqa, paykuna chay warmisapata yanapaspa, imachus ruwanankuta junt'achunku. Ajinata ruwaspa, tata mamanku paykunata uywasqankumanta allin kajwan kutichiponqanku, imaraykuchus chayqa sumajmin, Diosta kusichintaj.