Efesios 5:6 - DIOSPA QHELQACHISQ

⁶ Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

Qheshwa Biblia DC

⁶ Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

DIOSPA QHELQACHISQAN DEUTEROCANONICAL

⁶ Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

Quechua South Bolivia: Dios Parlapawanchej

⁶ Ama pipis kancunata engañasuchunchu yankha parlaycunawan. Chay parlaycunaraycu Diospa c'ajaj phiñacuynin jamun mana casucojcunaman.

Efesios 5:6 ပူးပေါင်းရင်းမြစ်များ

2 Reyes 18:20

Qan nishanki. Maqanakunapaj sumaj wakichisqa kashani, ashkha soldadoykunapis tiyan, nispa. Chayqa yanqhata parlaylla. Imamanta jap'ikuspataj contraypi oqharikushankiri?

Salmos 78:31

Diospa k'araj phiñakuynenqa paykunaman chayarqa. Chantá aswan kallpayoj runakunata wañuracherqa, jinataj Israelmanta sumajnin runakunata urmacherqa.

Jeremías 27:9

Chayrayku sut'inchajniykichejkunata, imachus jamunanmanta parlajkunata, mosqoykunata sut'inchajkunata ama kasuta ruwaychejchu. Nillataj p'ajpakukunata: Rikuni, nispa nejkunatapis, pikunachus umachasunkichej Babiloniaj kuraj kamachejninta ama sirvej rinaykichejta, chaykunatapis amallataj kasuta ruwaychejchu.

Jeremías 29:31

Waj suyukunaman tukuy apasqa kajkunaman kay nisqayta willachiy: Nejelanmanta Semaiasqa sutiypi parlasorqachej, mana noqaj kachamusqallay, mana imatapis payman yuyaychajtillay. Kunantaj qankuna llullakusqanta jap'ikushankichej.

Jeremías 37:9

Chantá Tata Dios kaytapis nillantaj: Ama qhasita yuyakuychejchu Caldeamanta soldadokuna kaymanta ripunankuta. Paykuna manamin riponqankuchu.

Miqueas 3:5

Israel aylloyqa pantay ñanllatapuni rishan, sut'inchajkunawan q'otiyachikusqanrayku. Pikunachus paykunata mikhuchejkunaman chay sut'inchajkuna ninku: Allillanpi tiyakusunchej, nispa. Pikunachus mana imatapis qonkuchu chaykunatarí, maqaj sayaykunku.

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

San Mateo 24:4

Chantá Jesús paykunaman kuticherqa: Allinta qhawakuychej, pajtataj pipis q'otiyasunkichejman.

Marcos 13:22

Ajinamanta llulla cristokuna, mana cheqanta sut'inchajkuna ima rikhurimonqanku. Paykunataj runaj mana jayk'aj rikusqan t'ukunata, waj t'ukuna imakunata ima ruwaspa, runata pantachenqanku. Atispaqa, Diospa ajllakusqankunatapis pantachinkuman.

Marcos 13:5

Chantá Jesús paykunaman kuticherqa: Allinta qhawakuychej, pajtataj pipis q'otiyasunkichejman.

Romanos 1:18

Diosqa k'arajta phiñakusqanta janaj pachamantapacha rejsichimun paywan churanakojkunapaj, chantá mana cheqan kajta ruwajkunapaj ima, imaraykuchus paykuna millayta ruwasqankuwan cheqan kajta jark'anku.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

Colosenses 2:4

Chayta niykichej, ama pipis sonqo suwanapaj jina misk'i parlasqankuwan q'otiyasunaykichejpaj.

Colosenses 2:8

Allinta qhawakuychej: Ama qhasi manakaj yuyaykunawan, nitaj mana cheqan yachachiykunawan q'otiyachikuychejchu. Chayta yachachejkunaqa mana Cristoj yachachisqantachu yachachinku. Manachayqa paykuna Diosman mana kutirikojkunaj yachachisqallanta yachachinku, jinataj kay pachapi atiyniyoj supaykunaj yachachisqankuta ima.

Colosenses 3:6

Chaykunata ruwaspa juchallisqankurayku Diospa k'araj phiñakuynin mana kasukojkunaj patankuman urmamonqa.

2 Tesalonicenses 2:3

Ni imarayku piwanpis q'otiyachikuychejchu. Manaraj chay p'unchay chayamushajtin, ñawpajta runakunaqa Diospa contranpi sinch'ita oqharikonqanku. Jinallataj millay kajta ruwaj runa rikhurimonqa, pichus wiñay chinkayman rinanpaj churasqa kashan, chay.

Hebreos 13:9

Chayrayku ama kunallanraj rikhurimoj yachachiykunawan, nitaj waj jina yachachiykunawan sonqoykichejta suwachikuychejchu. Aswan allinmin sonqoykichejpi Diospa qhasilla k'acha yanapayninwan kallpachasqa kanaykichej, imatachus mikhunamanta, chayrí mana mikhunamanta kamachisqakunata kasunaykichejmanta nisqaqa. Chaykunaqa mana jayk'aj yanapankuchu chay kamachisqakunata kasojkunata.

Hebreos 3:19

Ajinataj karqa. Paykuna Diospa qosqan samarinaman mana yaykuyta aterqankuchu, Diospi mana atinikusqankurayku.

1 Pedro 2:8

Wajnejpi nillantaj: Chay rumeqa misk'achej rumiman tukun, urmachej rumimantaj, nispa. Chay rumipi ashkha misk'anku, imaraykuchus Diospa nisqanta mana jap'ikuyta munankuchu. Chayraykumin misk'anankupaj churasqa karqanku.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.