Efesios 5:3 - DIOSPA QHELQACHISQ

³ Qankuna ukhupirí khuchiriyopi purina ama kachunchu, nillataj millay kawsay, chayrí qolqemanta wañusqa kana ima. Chay jinata juchallispa purinaqa Diospa ayllun ukhupi mana kananchu.

Qheshwa Biblia DC

³ Ama kachunchu qhenchachakuy, tukuy ch'ichi kay, chayrí munapayay ima. Chaykunataqa ama parlarillaychejpischu, imaynatachus Diospa ajllasqasnimpaj allin kan, ajinata.

DIOSPA QHELQACHISQAN DEUTEROCANONICAL

³ Qankuna ukhupirí khuchiriyopi purina ama kachunchu, nillataj millay kawsay, chayrí qolqemanta wañusqa kana ima. Chay jinata juchallispa purinaqa Diospa ayllun ukhupi mana kananchu.

Quechua South Bolivia: Dios Parlapawanchej

³ Astawanpis khenchachacuyta, millay cajta, tucuy munapayay cajtapis sakeychej. Kancuna chaupipeka chaycunamanta ni parlaskallapis cachunchu Diospa runasnin caskayquichejraycu.

Efesios 5:3 ပူးပေါင်းရင်းမြစ်များ

Salmos 10:3

Millayta ruwaspa purejqa mana allin kajta munasqanmanta jatunchakun. Qolqemanta wañusqa runata saminchan, Tata Diostarí pisipaj qhawan.

Salmos 119:36

Kamachisqallaykipi yuyanaman sonqoyta aysaway, amataj mana allinta ruwasqa qolqe gananamanqa.

Éxodo 18:21

Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

Éxodo 20:17

Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

Éxodo 23:13

Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Proverbios 28:16

Mana yuyayniyoj kamachejqa runa masinta anchata waqachin. Mana jinata ruwaspa kamachejrí unayta kawsanqa.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Jeremías 6:13

Tukuyninku jatunmanta juch'uykama, mana allinta ruwaspa qolqe mirachiyllapi yuyanku. Jinallataj sut'inchajkuna, sacerdotekunapis runakunata q'otiyanallapi yuyanku.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

Levítico 15:18

Sichus uj qhari warminwan puñuykojtin mujun llojsinman chayqa, iskayninku yakuwan mayllakunanku tiyan. Chantá ch'isiyanankama iskayninku mana llimphupaj qhawasqa kanqanku.

Miqueas 2:2

Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Números 25:1

Israelitakuna Sitinpi tiyakushajtinku, wakin qharikuna Moabmanta warmikunawan khuchichakuyta qallarerqanku.

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

San Lucas 12:15

Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

San Lucas 16:14

Chantá fariseokunaqa chay tukuyta uyarispa, Jesusta asipayarqanku, qolqeta munapayasqankurayku.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Hechos 20:33

Noqaqa mana pejpa qolqenta, qorinta, nitaj p'achanta munapayarqanichu.

Romanos 1:29

Paykuna kay jina ch'ichi millayta ruwasqankuwan junt'a kanku: Mana cheqanta ruwanawan, millayta ruwanawan, qolqe munapayaywan, envidiawan, runa wañuchi kaywan, phiñanakuta mask'aywan, q'otiriyuwan, millayta ruwaspa purinawan, chantá cuento q'epi kaywan ima.

Romanos 16:2

Tukuyta Kamachej Jesucristoj sutinpi imaynatachus Diosta qhatejkuna ruwayta yachanchej, ajinata payta wajyarikuychej. Imamanta pisichikojtinpis, payta yanapaychej, imaraykuchus payqa ashkha wawqe panakunata yanaparqa, astawanqa noqata.

Romanos 6:13

Amallataj ukhuykichejta juchalliyta munanaman jaywaychejchu, millay kajta ruwanaykichejpaj. Aswanpis wañusqamanta kawsarimusqa kaspa, qankuna ukhuykichejta Diosman jaywaychej, cheqan kajta ruwanaykichejpaj.

1 Corintios 10:8

Ama noqanchejqa paykunamanta wakinkuna jina khuchiriyoman qokunachejchu. Chaypacha khuchiriyoman qokojkunaqa uj p'unchaylla 23.000 wañuchisqa karqanku.

1 Corintios 5:1

Kunantaj kaymantañataj parlayta munaykichej: Qankunamanta ujniykichej tatanpa warminwan tiyakapushasqanmanta yachakun. Chay jina millaytaqa Diosman mana kutirikojkunapis mana ruwankuchu.

1 Corintios 6:13

Jinallataj ninkichej: Mikhunaqa wijsapaj, wijsataj mikhunata jap'inapaj, nispa. Chayqa jinapuni. Diostajrí, iskayninta chinkachenqa. Chaywanpis qankunaqa mana niyta atinkichejchu ukhuykichejqa khuchiriyopi purinapaj kasqanta. Manachayqa ukhuykichej ruwasqa karqa Tukuyta Kamachej Jesuspa munasqanta ruwanaykichejpaj, imajtinchus runaj ukhonqa paypajtamin.

1 Corintios 6:18

Chayrayku qankuna khuchichakuspa purinamanta ayqeychej. Millay khuchiriyopi purina waj juchamanta nisqaqa runaj ukhunpaj astawan llakiyta apamun.

2 Corintios 12:21

Manchachikullanitaj, qankunaman watukoj kutimojteyqa, Tata Dios qankunaj ñawpaqeykichejpi p'enqaypi rikhurichinawanmanta. Ichapis waqanay kanqa, pikunachus unayña juchallinku, manataj Diosman kutirikunkuchu, chaykunamanta. Paykuna mana Diosman kutirikunkuchu ch'ichi kawsayninkumanta, khuchichakuspa qhenchachakusqankumanta, munasqankuta ruwaspa kawsasqankumanta ima.

Efesios 5:12

Chay millay runakunaj pakaypi ruwasqankumanta parlayllapis ancha p'enqaymin.

Efesios 5:5

Kayta sut'ita yachaychej: Khuchiriyopi purej, millay kajta ruwaj, chayrí qolqemanta wañusqa kajqa mana yaykonqachu Cristojta, Diospatawan kamachiyninman. Qolqemanta wañusqa kajqa lantita yupaychajpis kanman jina, imajtinchus kay pachapi kajta yupaychan.

Filipenses 1:27

Kayta niykichej: Qankuna allinta puriychej Cristomanta sumaj willayta allinpi rikhurichinaykichejpaj jina. Ajinapi noqa watukoj jamuspapis, chayrí karupi kashaspapis, qankuna sinch'ita sayashasqaykichejta uyariyta munani, jinallataj uj sonqolla kashasqaykichejta. Chantá uyariyta munallanitaj khuska Jesusmanta sumaj willayta mana sayk'uspa willashasqaykichejta.

Colosenses 3:5

Chayrayku ari, ñawpa kawsaypi ima millaytachus ruwaj kankichej, chay munanata wañuchiychej: Amaña khuchichakuspa puriychejchu, nitaj millay kajta ruwaychejchu, nillataj sonqoykichejpa sajra munayninwan, nitaj mana allin kajta munanawan atipachikuychejchu. Jinallataj ama qolqemanta wañusqa kaychejchu, imajtinchus chayqa lantita yupaychaywan ninakun.

1 Tesalonicenses 4:3

Dios munan, qankuna juchamanta t'aqasqa kajkuna jina allinta purinaykichejta. Munallantaj khuchichakuspa purinamanta karunchakunaykichejta.

1 Tesalonicenses 4:7

Diosqa mana millayta ruwaspa purinapajchu wajyawarqanchej, manachayqa juchamanta t'aqasqa kaspa, Diospa munasqanman jina kawsananchejpaj.

1 Timoteo 2:10

Manachayqa, Diosta jatunchayta munajkuna jina warmikunaqa allin kajta ruwasqankuwan k'achanchakuchunku.

1 Timoteo 3:3

Jinallataj mana machakojchu kanan tiyan, nitaj maqanakuta mask'ajchu, manachayqa llamp'u sonqoyoj, k'acha runa. Manallataj qolqemanta wañusqachu kanan tiyan.

1 Timoteo 6:10

Qolqeta munakoyqa tukuy imaymana mana allin kajpa saphin. Jinataj qolqeyoj kayta anchata munasqankurayku, wakinkuna Jesucristopi atinikunamanta t'aqakorqanku, chantá tukuy imaymana llakiykunawan ñak'arerqanku.

2 Timoteo 3:2

Chaypacha runakuna kay jina kanqanku: Imallatapis paykunallapaj munajkuna, qolqemanta wañusqa, runaykachajkuna, may kasqankuta yuyajkuna ima. Kallanqankutaj Diosmanta alqorakojkuna, tatankuta mamankuta mana kasojkuna, mana pachis niyta yachajkuna, chantá Diosta mana manchachikojkuna ima.

Tito 1:11

Chay runakunata ch'inyachina tiyan, imaraykuchus paykuna Diosta qhatejkunata aylluntinta pantachinku, qolqeta jap'inankurayku manakajta yachachispa.

Tito 1:7

Jinallataj iglesiata pusarejqa Diospa churasqan qhawaj kasqanrayku mana k'amina kanan tiyan, mana runaykachaj, mana usqhayllata phiñakoj, mana machakoj. Chantá mana atiyniyoj kasqanmanta jap'ikuspa maqanakuta mask'ajchu kanan tiyan, nitaj qolqemanta wañusqachu.

Tito 2:3

Jinallataj paya warmikunapis Diosta qhatikojkuna jina purichunku. Ama cuento q'epi nitaj machakojkuna kachunkuchu, manachayqa allin kajta yachachejkuna kachunku.

Hebreos 12:16

Amallataj pipis khuchiriyopi purikoj runa kachunchu nitaj Esaú jina Diosta pisipaj qhawachunchu. Payqa mikhunaraykulla imatachus kuraj kaj churi jap'inan karqa, chayta chhalarparisqa.

Josué 7:21

Jericopi chay tukuy ima qhechusqayku ukhupi, Babiloniamanta manchay sumaj mantata rikorqani, 200 qolqeta, khuskan kilo kuraj jina qoritawan ima. Chaykunata anchatapuni moq'erisqayrayku oqharerqani. Chantá toldoy uraman p'ampaykorqani, qolqetataj aswan ukhuman churaykorqani, nispa.

1 Pedro 5:2

Qankuna tropata michiychej, pikunatachus Dios qhawanaykichejpaj makiykichejman churarqa, chaykunata. Tukuy sonqomanta paykunata qhawaychej, imaynatachus Dios munasqanman jina, ama tanqasqa jinallachu. Amataj qolqeta mask'aspachu paykunata qhawaychej, manachayqa Tukuyta Kamachej Jesucristoj kamachisqanta ruwayta munasqaykichejrayku.

2 Pedro 2:10

Astawanqa jasut'enqa, pikunachus khuchichakuspa purinaman qokunku, chaykunata. Paykunaqa Diospa tukuyta kamachej kayninta pisipaj qhawanku. Mana manchachikuyniyoj may kasqankuta yuyakuspataj, paykuna janaj pachapi atiyniyojkunapaj rimaytapis mana manchachikunkuchu.

2 Pedro 2:14

Chay runakunaqa pi warmitapis qhawanku paywan puñuykuyta munaspa, juchallispataj, mana sajsakunkuchu. Chantá Cristopi mana tukuy sonqochu atinikojkunaj sonqonkuta suwaspa, paykunata juchallinaman aysanku. Jinallataj chay yachachejkuna tukuy imata munapayanankupaj churasqa kanku. Chayrayku paykuna Diospa maldicisqan kanku.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.

Apocalipsis 2:14

Chaywanpis contraykipi noqa kayta nini: Qanqa Balaampa yachachisqanta qhatejkunata qhawakushallanki. Balaamqa kuraj kamachej Balacta yuyaychasqa israelitakunata juchallichinanta, lantikunaman jaywasqata mikhunankupaj, chantá khuchichakunankupaj ima.

Apocalipsis 2:21

Noqa unayta suyarqani Jezabelqa watej noqata kasuwaspa purinanta. Paytajrí mana munanchu khuchichakuspa purinata saqeyta.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Apocalipsis 9:21

Chay runakuna manallataj saqerqankuchu runa wañuchiyta, layqanakuta, khuchichakuyta, suwanata ima, Diosman kutirikunankupaj.

1 Samuel 8:3

Chaywanpis Samuelpa churinkunaqa mana tatanku jinachu imatapis allinta ruwarqanku. Manachayqa qolqeta munapayanawan atipachikuspa, lluk'ita jap'ikorqanku, nitaj justiciata ruwarqankuchu.